Хаварисаните возила во Кисела Вода повеќе нема да го узурпираат јавниот простор!
Инспекциските служби на Општина Кисела Вода се на терен и започнаа со лепење известувања за отстранување на возилата во неупотреблива состојба. Врз основа на мапирањето направено во соработка со месните заедници, ги лоцираме сите точки каде што овие возила ги блокираат паркинзите, тротоарите и зелените површини.
Сопствениците имаат рок од 10 дена сами да ги дислоцираат своите возила. Ова е неопходно за да го ослободиме просторот за пешаците и да овозможиме нормално движење низ нашите населби.
Доколку возилата не бидат отстранети во предвидениот рок, општинските служби ќе изготват решенија за нивно подигнување од страна на колективниот постапувач „Грин Роад“ до собирното место наменето за таа цел.

[ https://www.facebook.com/photo?fbid=1520591280074708&set=pcb.1520591476741355 ]

Меџити: Започна отстранувањето на над 200 хаварисани и напуштени возила во Чаир

Општина Чаир денеска започна акциски процес за отстранување на над 200 хаварисани и напуштени возила од јавните површини на територијата на општината, со цел ослободување на паркинг-просторот и подобрување на урбаниот ред.
Од општинската прес-служба соопштија дека со оваа акција веднаш се ослободуваат стотици паркинг-места за жителите, создавајќи пофункционални услови за движење и паркирање во различни делови на Чаир, а истовремено се придонесува и за заштита на животната средина.

– Од денес ослободуваме стотици паркинг-места за граѓаните и истовремено отстрануваме долгогодишен еколошки проблем. Ова се конкретни резултати што се гледаат и се чувствуваат секојдневно во Чаир – изјави градоначалникот на Чаир Изет Меџити.

Општина Чаир најавува дека и во наредниот период ќе продолжи со конкретни мерки и активности во функција на подобрување на јавните простори и квалитетот на живот на граѓаните.

[ https://nezavisen.mk/medzhiti-zapochna-otstranuvanjeto-na-nad-200-havarisani-i-napushteni-vozila-vo-chair/ ]

,,Старо купујем” – Државата продава 990 хаварисани возила

Од Агенцијата за управување со одземен имот иннформираат дека предмет на продажба се вкупно 990 хаварисани возила (патнички и товарни моторни возила, мотоцикли, трактори, приколки), кои имаат третман на отпаден материјал.

-Проценети се 990 возила на кои им е даден третман на отпаден материјал. Точната количина во килограми на возилата за старо железо ќе се утврди на денот на мерењето и документира со кантарски белешки по што ќе се изврши фактурирање со точните количини.
За сите возила заедно, почетната цена за продажба на електронското јавно наддавање изнесува 13 (тринаесет) денари за еден килограм старо железо без ДДВ, велат од Агенцијата.

Се собираат хаварисани возила во Аеродром – граѓаните да пуштат фотографија и локација

https://nezavisen.mk/se-sobritaa-havarisani-vozila-vo-aerodrom-gragjanite-da-pushtat-fotografija-i-lokacija/