🚧Автопат Гостивар-Кичево

Трајановски: „Делницата Гостивар – Букојчани е сериозен инженерски потфат во сложен планински предел!

Гостивар – Букојчани е една од четирите делници што се градат на Коридорот 8 и Коридорот 10, и во моментов е овозможена непречена работа на близу 35 % од вкупната должина, односно се работи на 11 км од вкупно 31 км, а работите се изведуваат од 4-тиот до 13-тиот километар.
Токму на овој потег увид по трасата извршија директорот на Јавното претпријатие за државни патишта Коце Трајановски, заедно со претседателот на Владата на РСМ, Кристијан Мицкоски, министерот за транспорт Александар Николоски, Н.Е. Никол Варнс, вршител на должноста Амбасадор на Соединетите Американски Држави, претставници на Бехтел и Енка и други политичари, со цел да се уверат во динамиката на изведбата.
Во изјава за медиумите директорот Трајановски констатира дека има одлично темпо на работа и во зимскиот период, дека активно се работи на 4 моста и 1 натпатник, и дека мостот-близнак кој минува преку долината и над постојниот канал за наводнување (водовод), е еден сериозен инженерски потфат и еден од најголемите во државата со 386 метри должина.
„Мостот има вкупно 22 столба, каде највисокиот столб е речиси 41 метар, а неговата вкупна ширина е 24,52 м. Секој коловоз посебно има по 11,57 м, и содржи по 2 ленти за возење со ширина 3,50 м, и една лента за запирање со ширина 2,75 м. Помеѓу нив има безбедносен простор -таканаречени Њу Џерси бариерите од 80 см (50 см + 30 см). Исто така, и на двата краја на мостот се имплементирани Њу Џерси бариери во ширина од 51 см. Мостот е во завршна фаза од неговата изградба и може да се вози по двете коловозни ленти.
Инаку, генералниот напредок на завршените работи на 11-те км на кои непречено се одвиваат работите во процентуални вредности изнесува речиси 59%. Само во период од една недела на оваа делница извршен е ископ од околу 45.000 м3, насип од околу 1.800 м3, а ангажирани се околу 590 работници, вклучени се повеќе од 500 различни машини и механизација, и околу 55 камиони. Во наведените бројки се вклучени и сите локални подизведувачи и компании од разни области кои се околу 15-тина на број. За потребите на работниците на Бехтел и Енка, пак изграден е камп за привремено сместување и работа со капацитет за повеќе од 1200 лица“, изјави директорот на Јавното претпријатие за државни патишта Коце Трајановски .

[ https://www.facebook.com/drzavnipatista ]

ЗА ДВЕ ГОДИНИ СЕ ПРОДОЛЖУВА РОКОТ ЗА ИЗГРАДБА НА АВТОПАТИШТАТА ШТО ГИ ГРАДИ „БЕХТЕЛ И ЕНКА“ Николоски вели дека две години претходната влада не направила ништо

За две години ќе се продолжи рокот за изградба на автопатското поврзување Тетово-Гостивар и Гостивар- Букојчни, информира денеска министерот за транспорт и врски Александар Николоски за време на увидот на работите на автопатот направен заедно со премиерот Христијан Мицскоски и директорот на ЈП Патишта, Коце Трајановски.

Николоски рече дека притоа очекува да не се зголеми цената на чинење на автопатот што го гради конзорциумот „Бехтел и Енка“.

-Причина за продолжување на рокот за изградба на автопатот е застојот од 2 години бидејќи претходната влада не направила ништо. Надзорниот инженер на проектот во ноември побара да се надополни тој период од рокот за изградба и ние немавме друг избор освен дека прифатиме. Одиме на рокот на завршување декември 2029 година што не значи дека нема да се завршат делови пред тој рок– рече Николоски.

https://plusinfo.mk/za-dve-godini-se-prodolzhuva-rokot-za-izgradba-na-avtopatishtata-shto-gi-gradi-behtel-i-enka-nikoloski-veli-deka-dve-godini-prethodnata-vlada-ne-napravila-nishto/

Веќе одамна рокот е продолжен до 31 декември 2029 за сите автопати од Бехтел и Енка иако тоа не беше објавено на тв. Истото е видливо на извештаите кои беа објавувани до 31 декември 2025. Сепак по нова година немаме ниту еден извештај. Веројатно тоа има врска со намалувањето на динамиката на работа. До нова година на делницата Битола Прилеп се работеше турбо, но оттогаш досега работите се многу намалени. Зголемени беа за посетата на министерот пред еден месец, по што повторно се намалија. Тоа е видливо за секој кој ја вози на оваа делница. Верувам дека и за Тетово Гостивас е исто. Повторно ќе напишам, автопати во рамница да се градат 5 години не е во ред. Што се однесува до Гостивар Букојчани - теренот е тежок и искрено се надевам дека за 3 и пол години ќе имаме вистински автопат.

Дали може некој да направи update на трасата во изградба на openstreetmap за овој автопат? Веќе на sentinel hub се гледа напредок на обиколницата околу Гостивар, како и целата траса од Гостивар до Букојчани, иако голем дел од неа се само мали траги.

@Могли Направив јас пред неколку недели, додадов поголем дел од обиколницата на Гостивар
А мислам дека од тогаш сеуште нема поголеми активности за да знаеме за сигурно каде ќе оди трасата

Да, видов дека има, но на sentinel ми изгледаше дека веднаш западно и северозападно од Букојчани има некакви почетни земјени работи кои продолжуваат и во планината. Но, можеби станува збор за планински патчиња, ќе видиме.

@Могли Да и јас следам на сентинел особено од кога министерот Николоски кажа дека од пролетва требало да започнат и со активности кај Букојчани но барем засега се многу минимални според мене
Доста е нејасна трасата јужно од селото Ѓоновица

На OSM колку толку се потрудив да е точна трасата на тој дел што го додадов околу Гостивар сепак не сум ни толку вешт со тој нивниот editor а и башка што користат сателитски снимки од 2017 година

Да, и јас постојано следам. А, во однос на editor-от на OSM, вистина е тежок за работа, за снимките дека се стари, веќе нема збор.

Во секој случај, благодарам на информацијата. Сепак, ќе следиме и ќе видиме.

Почнува сериозно да се пробиваат пристапни патишта и да се пробива самата траса јужно од селото Ѓоновица

Очекуваме поголем прогрес во работите летово
Колку толку почнува трасата веќе да се гледа

Одличен напредок во изградбата на автопатот Гостивар - Букојчани (заобиколување на популарната Стража).
Трасата се пробива со силно темпо, а истовремено се работи на поставување на столбовите за виадуктите.
Се работи на 4 моста и еден натпатник, еден мост е целосно завршен.

[ https://www.facebook.com/photo/?fbid=1573602537454900&set=pcb.1573602927454861 ]