Известувања
Исчистете ги сите
Паркинзи и гаражи
4
Написи
1
Корисници
4
Реакции
3
Прегледи
Стартер на тема 13/03/2026 5:50 pm
11/07/2014
Катната гаража спроти „Беко“ ќе го носи името „Тодор Александров“!
Катната гаража што се гради на улицата „Даме Груев“ спроти полициската станица „Беко“, ќе го носи името „Тодор Александров“. Ваква предлог-одлука донесе Градот Скопје, која ќе биде ставена на дневен ред на седницата на градскиот Совет следниот понеделник. Од Градот Скопје образложуваат дека за ова име се одлучиле бидејќи Александров е личност кој со својот револуционерен карактер придонел кон зачувување на Македонската револуционерна организација.
Името на објектот Катна гаража се предлага поаѓајќи од фактот што Тодор Александров претставува личност која активно учествувала и придонела во Македонската револуционерна борба и со својот револуционерен карактер придонел кон зачувување на Македонската револуционерна организација. Со именувањето на објектот Катна гаража, Градот Скопје ја изразува својата почит во одбележувањето на личноста на Тодор Александров и неговата улога во Македонската револуционерна организација и го симболизира континуитетот на македонската борба за независност, стои во образложението од Градот Скопје.
Катната гаража ја гради градежната компанија „Бетон“ АД Скопје.
Катната гаража е во висина од 23 метри и да се состои од две подземни и седум надземни нивоа. Капацитетот за паркирање во нејзини рамки ќе изнесува 605 автомобили и 105 велосипеди. Покрај објектот, треба да се изведе и пристапна сообраќајница до планираниот простор за паркирање.
[ https://www.porta3.mk/katnata-garazha-sproti-beko-kje-go-nosi-imeto-todor-aleksandrov/ ]
09/09/2015
На Денот на независноста на Република Македонија и официјално беше пуштена во употреба катната гаража „Тодор Александров“. Со нејзината изградба Скопје доби уште над 600 нови паркинг места.
[ https://www.porta3.mk/pushtena-vo-upotreba-katnata-garazha-todor-aleksandrov/ ]
Реагираше Bukefal
Стартер на тема 13/03/2026 5:50 pm
13 октомври , 2019
Преименувани катните гаражи „Македонска фаланга“ и „Тодор Александров“
Градот Скопје изминатите денови постави табли со нови имиња на објектите „Македонска фаланга“ и „Тодор Александров“. Првиот се вика катна гаража „26 јули“, а вториот катна гаража „Беко“.
Двете катни гаражи беа преименувани со одука на Советот на Град Скопје како пример на вреднување на историјата и на имињата кои потекнуваат од обновата на Скопје по земјотресот, се вели во соопштението од Град Скопје.
Преименувањето на објектите следи како обврска од „Преспанскиот договор“ кој Република Македонија го потпиша со својот јужен сосед, а кој во себе вклучува и промена на имиња на објекти на неколку државни институции.
[ https://iportal.mk/makedonija/preimenuvani-katnite-garazhi-makedonska-falanga-todor-aleksandrov/ ]
Реагираше Bukefal
Стартер на тема 23/04/2026 11:53 am
НЕ РАБОТАТ ЛИФТОВИТЕ ВО КАТНИТЕ ГАРАЖИ „26 ЈУЛИ“ И „БЕКО“ НА ГРАД СКОПЈЕ ОТИ ЈА СНЕМА ЧОВЕК-ФИРМАТА ШТО ГИ ОДРЖУВА
Не работат лифтовите во катните гаражи „26 Јули“ и „Беко“ во центарот на Скопје. Катните гаражи се под надлежност на Град Скопје и со нив стопанисува ЈП „Градски паркинг“.
Во катната гаража „26 Јули“, која се наоѓа на улицата Свети Кирил и Методиј до трговскиот центар „Дајмонд“, не работи ниту еден од четирите лифтови. Во катната гаража „Беко“, каде има три лифтови, во моментов работи само еден, но и тој се расипува, па еден ден работи, другиот ден не.
Од ЈП „Градски паркинг’ велат дека имаат проблеми со лифтовите, бидејќи фирмата избрана на тендер во времето на ексградоначалничката Данела Арсовска не ги поправа лифтови и не одговара на нивните повици за редовно одржување.
„Станува збор за фирма-човек која не ги сервисира лифтовите. Ќе го раскинеме договорот, бидејќи и покрај сите писмени опомени не се преземаат никакви мерки за сервисирање и одржување на лифтовите. Веќе е распишан и тендер за избор на нова фирма“, велат од ЈП „Градски паркинг“.
Оттаму додаваат дека лифтовите во двете катни гаражи постајано се вандализираат, бидејќи станува збор за отворен тип гаражи кои работат 24 часа на ден и тоа го отежнува нивното одржување. Дополнителен проблем во катната гаража „26 Јули“ е тоа што таму на шестиот кат се наоѓа ресторан во кој се прават свадби и други прослави, па во лифотовте се пренесува и музичка опрема, озвучување, и други стоки потребни за функционирање на ресторанот.
Паркирањето во катните гаражи на Град Скопје е 30 денари за еден час, а месечната карта е 2.000 денари. Во двете катни гаражи купени се сите месечни карти.
Реагираше Bukefal