Известувања
Исчистете ги сите
Културни
8
Написи
1
Корисници
8
Реакции
6
Прегледи
Стартер на тема 09/03/2026 9:35 am
11.01.2026
Универзална сала ќе добие нова конструкција и нова купола, уште да се пријави „мајсторот“
Според пресметките на Министерството за култура и туризам, прикажани во документацијата на јавниот повик што е во тек, за оваа намена ќе се потрошат 1.179.987.929 денари, односно нешто повеќе од 19 милиони евра. Колку пари се залудно фрлени во изминатите години откако првично почна реконструкцијата, никој не соопштува.
‘Рѓосаната железна конструкција што стои на местото на некогашниот објект на Универзална сала, останата по пожарот што го зафати објектот што веќе се реконструираше, ќе биде заменета со нова. Ќе биде изработена и нова челична купола, затоа што сегашната која беше поставена во март 2024 година ја „нагриза“ времето во изминатиов период.
Значи сето тоа што е останато од поранешната култна сала, вклучително и новата веќе остарена челична конструкција, ќе бидат урнати, демонтирани и ќе почне изградбата на новата сала. Според пресметките на Министерството за култура и туризам, прикажани во документацијата на јавниот повик кој е во тек, за оваа намена ќе се потрошат 1.179.987.929 денари, односно нешто повеќе од 19 милиони евра.
Колку пари се залудно фрлени во изминатите години откако првично почна реконструкцијата на крајот на мандатот на градоначалникот Петре Шилегов, никој не соопштува. Пожарот пред две години го уништи и тоа што беше започнато, а потоа цели две години сето беше оставено и понатаму да пропаѓа.
Сега, речиси пет години подоцна, изградбата одново ќе започнува, доколку вториот тендер кој го распиша Министерството заврши успешно, откако еден веќе пропадна. Министерот за култура и туризам Зоран Љутков пред месец и половина информираше дека јавниот повик бил неуспешен поради поднесените жалби и поплаки во однос на изведувачот.
Добивме известување од Комисијата за жалби дека тендерот за Универзална сала не помина бидејќи имаше одредена жалба и поплака во однос на изведувачот, единствениот кој беше. Според мене, не е суштински проблемот, но како и да е, има известување од Комисијата за жалби. Ова реално ќе ја одолговлечи работата за уште некои два месеца оти постапката сега ќе трае малку пократко, бидејќи онаа фаза во која го изработувавме тендерот траеше 15 до 20 дена, а кон таа фаза нема забелешки – рече Љутков.
Новиот јавен повик за изведба на градежни и градежно – занаетчиски работи и ентериер на Универзална сала по принцип на изградба „клуч на рака“ трае до 23 јануари, кога јавно ќе се отворат пристигнатите понуди, по што ќе следува период на нивна евалуација.
Според условите во тендерот изведбата треба комплетно да се заврши и да се реализира според Основниот проект за реконструкција на Универзална сала од јуни 2025 година, изработен од „Мегарон инженеринг“.
Новата Универзална сала во Скопје ќе ја задржи постојната форма, но ќе биде целосно модернизирана со капацитет од 1.200 седишта, современа акустика и нови технолошки системи. Проектот предвидува нова просторна акустика, сценска техника, лед осветлување, аудио-видео и електрични инсталации, како и современи материјали во ентериерот и екстериерот. Планирано е и енергетски ефикасно решение, како и ново хортикултурно уредување на надворешниот простор.
За да се подобри структурната стабилност на објектот и да се зголеми енергетската ефикасност на објектот, како што е прецизирано во тендерот, планирано е изработка на нова челична конструкција со изведба на нови темели за новите столбови, нова челична конструкција за куполата, изработка на нова фасадна облога, покривање на куполата со нови енергетско-ефикасни материјали, но и проверка на јакоста на постојната бетонска и на употребливите елементи од постојната челична конструкција.
Пред отпочнување на проектантските работи извршено е снимање со 3Д скенер на постојната конструкција. Според скенирањето, новопроектираната конструкција е предвидено комплетно да се разминува со постојната и да не се ослонуваат една на друга, т.е. да не се во никаква интеракција – се вели во јавниот повик.
Рокот на изведување и завршување на целиот објект изнесува две години, а тој рок започнува да тече 10 дена од денот на воведување во работа на економскиот оператор. Тоа би значело дека салата повторно би ги отворила вратите за публиката во 2028 година и тоа само доколку тендерот биде успешен и доколку градежните работи се одвиваат без никакви пречки и непредвидени ситуации.
Министерот Љутков, пак, во изминатиот период неколкупати повтори дека очекува салата да биде готова до крајот на 2027 година, со што во 2028 ќе може во неа да се одвиваат и настани од програмата „Скопје – Европска престолнина на културата во 2028“.
Годинава во март изминуваат точно 11 години откако од таванот на Универзална сала падна парче додека во неа се одвиваше партиска трибина на СДСМ, поради што таа беше затворена за какви било настани додека не се реконструира. По повеќегодишни планови, проекти, подготовки реконструкцијата започна во јуни 2021 година, во мандатот на Петре Шилегов, на само неколку месеци пред локалните избори.
Реагираше Bukefal
Стартер на тема 09/03/2026 9:36 am
06.03.2026
Има заинтересирани за изградба на Универзална сала: Пристигнале две понуди, наскоро ќе се знае кој ќе ја гради
Дали некоја од овие понуди ќе биде прифатлива за Министерството за култура и туризам ќе се знае откако ќе заврши периодот на жалби.
Две понуди пристигнале на јавниот повик за изведба на градежни и градежно занаетчиски работи и ентериер на Универзална сала, кој заврши уште пред речиси месец и пол, поточно на 23 јануари.
Дали некоја од овие понуди ќе биде прифатлива за Министерството за култура и туризам ќе се знае откако ќе заврши периодот на жалби. Доколку потоа се склучи договор со една од двете групи понудувачи, тоа би значело дека конечно ќе започне изградбата на култната сала, по подолг застој на работите.
Постапката за јавниот повик за изградба на Универзалната сала е во тек, односно во тек е периодот на жалби. Пристигнати се 2 понуди на две групи понудувачи, а договор сѐ уште не е склучен бидејќи не е завршена постапката во врска со жалбите – велат од Министерството за култура и туризам.
На прашањето кога се планира почетокот на градежните работи, оттаму објаснуваат дека се планира реконструкцијата да започне по кумулативното настанување на условите, склучување договори за изведувач и надзор, обезбедување одобрение и воведување во работа, а тоа, како што велат, најрано би можело да биде кон крајот на март 2026 година.
Претходно, минатата година веќе беше објавен еден тендер за обнова на Универзална сала. Во октомври од Министерството информираа дека е избрана фирмата што ќе ја реконструира салата, за еден месец подоцна да соопштат дека сепак тендерот е неуспешен поради поднесените жалби и поплаки во однос на изведувачот.
Добивме известување од Комисијата за жалби дека тендерот за Универзална сала не помина бидејќи имаше одредена жалба и поплака во однос на изведувачот, единствениот кој беше.Според мене, не е суштински проблемот, но како и да е, има известување од Комисијата за жалби – посочи тогаш министерот Зоран Љутков, додавајќи дека ова ќе за оддолжи постапката за уште два месеца.
Изградбата на Универзална сала треба да се реализира според Основниот проект од јуни 2025 година, изработен од „Мегарон инженеринг“.
Инаку, како што е наведено во јавниот повик, рокот за изведување и завршување на целиот објект изнесува две години, а тој рок ќе започне да тече 10 дена од денот на воведување во работа на економскиот оператор. Тоа би значело дека салата повторно би ги отворила вратите за публиката во 2028 година и тоа само доколку тендерот биде успешен и доколку градежните работи се одвиваат без никакви пречки и непредвидени ситуации.
Новата Универзална сала ќе ја задржи постојната форма, но ќе биде целосно модернизирана со капацитет од 1.200 седишта, современа акустика и нови технолошки системи. За да се подобри структурната стабилност на објектот и да се зголеми енергетската ефикасност на објектот, како што е прецизирано во тендерот, планирано е изработка на нова челична конструкција со изведба на нови темели за новите столбови, нова челична конструкција за куполата, изработка на нова фасадна облога, покривање на куполата со нови енергетско-ефикасни материјали, но и проверка на јакоста на постојната бетонска и на употребливите елементи од постојната челична конструкција.
Месецов се навршуваат точно 11 години откако од таванот на Универзална сала падна парче додека во неа се одвиваше партиска трибина , поради што таа беше затворена за какви било настани додека не се реконструира.
Реагираше Bukefal
Стартер на тема 11/03/2026 3:36 pm
Визуелизации за реконструкцијата
[ https://www.facebook.com/photo?fbid=797351016139244&set=pcb.797351286139217 ]
Реагираше Bukefal
Стартер на тема 27/03/2026 8:55 pm
Не помагаат ни жалби ни молби: Фирмата „Универзал Балкан“ повторно е избрана да ја гради Универзална сала
Министерството за култура и туризам по извршената повторна евалуација на понудите донело одлука за избор на најповолнен понудувач „Универзал Балкан“, откако претходниот тендер на која исто така беше избрана истата фирма беше поништен во жалбена постапка. „Универзал Балкан“ всушност од почетокот работи на реконструкција на салата, првично беше ангажирана од Град Скопје, а потоа и од Министерството.
Градежното друштво „Универзал Балкан“ од Скопје повторно е избор на Министерството за култура и туризам како најповолен изведувач што треба да ја изгради Универзална сала. Одлуката е донесена по повторена евалуација на понудите, но договорот сѐ уште не е склучен, а неизвесно е дали воопшто ќе биде склучен, затоа што одлуката еднаш е веќе обжалена, а жалбата прифатена од Државната комисија за жалби по јавни набавки.
Изградбата на објектот е запрена веќе две години, откако со ова Министерство раководи Зоран Љутков, поради недоследности во претходната постапка околу реконструкцијата на култниот градски објект. Дури минатото лето беше објавен тендер на кој се бараше фирма која ќе ја изгради Универзална по принципот – клуч на рака. Во октомври од Министерството информираа дека е избрана фирмата што ќе ја реконструира салата – „Универзал Балкан“ за еден месец подоцна да соопштат дека сепак тендерот е неуспешен поради поднесените жалби и поплаки во однос на изведувачот.
Добивме известување од Комисијата за жалби дека тендерот за Универзална сала не помина бидејќи имаше одредена жалба и поплака во однос на изведувачот, единствениот кој беше. Според мене, не е суштински проблемот, но како и да е, има известување од Комисијата за жалби – посочи тогаш министерот Зоран Љутков, додавајќи дека ова ќе за оддолжи постапката за уште два месеца.
Во декември 2025 година повторно беше објавен тендер, кој траеше до 23 јануари. На овој повик пристигнале две понуди, а како што посочија од Министерството за „Слободен печат“ по завршувањето на жалбената постапка ќе се знае која од нив е прифатлива.
Одлуката повторено беше „Универзал Балкан“, по што другиот понудувач „Агровејст биотермал продукт“ ДОО Скопје поднесе жалба што беше усвоена од Комисијата, која донесе решение за поништување на Одлуката за избор на најповолна понуда од 24.02 2026 година на Министерството за култура и туризам и предметот беше вратен на повторно постапување и одлучување.
На 23 март на Електронскиот сајт за јавни набавки е објавено дека Министерството за култура по извршената повторна евалуација на понудите донело одлука за избор на најповолнен понудувач и тоа повторно е истата фирма. Според досегашната пракса речиси е очекувано и на оваа одлука да следува жалба. Со тоа и понатаму се одолговлекува почетокот на реконструкција на салата, чие завршување се очекуваше до крајот на 2027 година, за да биде подготвена за 2028 година за манифестацијата Скопје – Европска престолнина на културата.
Фирмата „Универзал Балкан“ всушност е истата која од почетокот работи на реконструкција на салата и која првично беше ангажирана од Град Скопје, а потоа кога изградбата премина во рацете на Министерството за култура и од Министерството.
Инаку, како што беше наведено во јавниот повик, рокот за изведување и завршување на целиот објект изнесува две години, а тој рок ќе започне да тече 10 дена од денот на воведување во работа на економскиот оператор. Тоа би значело дека салата повторно би ги отворила вратите за публиката најрано во април 2028 година, доколку се склучи договорот и ако евентуално идниот месец започнат градежните работи.
Новата Универзална сала ќе ја задржи постојната форма, но ќе биде целосно модернизирана со капацитет од 1.200 седишта, современа акустика и нови технолошки системи. За да се подобри структурната стабилност на објектот и да се зголеми енергетската ефикасност на објектот, како што е прецизирано во тендерот, планирано е изработка на нова челична конструкција со изведба на нови темели за новите столбови, нова челична конструкција за куполата, изработка на нова фасадна облога, покривање на куполата со нови енергетско-ефикасни материјали, но и проверка на јакоста на постојната бетонска и на употребливите елементи од постојната челична конструкција.
Според пресметките на Министерството за култура и туризам, прикажани во документацијата на јавниот повик, за оваа намена ќе се потрошат 1.179.987.929 денари, односно нешто повеќе од 19 милиони евра.Според условите во тендерот изведбата треба комплетно да се заврши и да се реализира според Основниот проект за реконструкција на Универзална сала од јуни 2025 година, изработен од „Мегарон инженеринг“.
Реагираше Bukefal
Стартер на тема 08/04/2026 4:25 pm
„УНИВЕРЗАЛ БАЛКАН“ ЌЕ ЈА РЕКОНСТРУИРА СКОПСКАТА УНИВЕРЗАЛНА САЛА ЗА 16,2 МИЛИОНИ ЕВРА
„Универзал Балкан“ ДОО Скопје е фирмата избранна да ја изведе реконструкцијата на скопската Универзална сала, изјави Министерството за култура и туризам на прашање од САКАМДАКАЖАМ.МК.
„За изградбата на објектот на Универзална сала по принцип ‘клуч на рака’ е прифатена понудата на економскиот оператор ‘Универзал Балкан’ ДОО Скопје. Вредноста на Договорот е 998.500.000,00 без ДДВ (околу 16, 2 милиони евра – н. з.), ни кажаа од Министерството.
„Министерството за култура и туризам информира дека постапката за избор на изведувач за Универзална сала успешно е заокружена откако Државната комисија за жалби по јавни набавки ја одби како неоснована жалбата на економскиот оператор и го потврди изборот на најповолна понуда. Со ова се отстранува и последната правна пречка за почеток на градежните работи. Со решението дефинитивно се потврдува Одлуката за избор на најповолна понуда од 23.03.2026 година и е одбран конечен изведувач на проектот. Проектот се реализира по принципот ‘клуч на рака’, а реконструкцијата на Универзалната сала треба да заврши до декември 2027 година. Ова е клучен проект во рамките на подготовките на Скопје за носењето на престижната титула – Европска престолнина на културата 2028“, соопшти претходно денеска Министерството без да даде детали за изведувачот и сумата.
Во ноември 2025 пропадна тендерот за изведувач на Универзалната сала. На 15 септември, министерот кажа дека на 26 септември завршува повикот за јавна набавка за изведувач и очекувањата се до почетокот на октомври да завршат постапките за избор на изведувач и надзор, по што ќе започне изградбата на Универзалната сала по системот „клуч на рака“.
„Минатата недела добивме известување од Комисијата за жалби дека тендерот за Универзална сала не помина бидејќи имаше одредена жалба и поплака во однос на изведувачот, единствениот кој беше. Според мене, не е суштински проблемот, но како и да е, има известување од Комисијата за жалби. Ова реално ќе ја одолговлечи работата за уште некои два месеца оти постапката сега ќе трае малку пократко, бидејќи онаа фаза во која го изработувавме тендерот траеше 15 до 20 дена. Сега во однос на таа фаза нема забелешки, што значи дека веднаш ќе го распишеме тендерот кога ке поминат тие 10 дена. Следната недела ќе го повториме тендерот, ќе трае 30 дена и се надевам дека до средината на јануари ќе го имамне новиот изведувач“, рече тогаш Љутков по посетата на Театар Комедија.
За овој проект одвоени се 20 милиони евра, распределени во три години.
Универзална сала се запали на 9 април 2024, само еден месец откако продолжија градежните работи за нејзина реконструкција. Почна да се реновира кон крајот на мандатот на ексградоначалникот Петре Шилегов во 2021. Со доаѓањето на Данела Арсовска на градоначалничката функција работите беа стопирани и две години ништо не се работеше. Потоа со одлука на Владата, Министерството за култура ја презеде Универзална сала додека министерка беше Бисера Костадиновска-Стојчевска и се продолжи со реконструкцијата, која беше стопирана поради пожарот. Откако ќе биде изградена, пак ќе премине во сопственост на Град Скопје.
Архитектот Бујар Муча, еден од авторите на проектот со тимот на „Мегарон Инженеринг ДОО“ од Скопје, на 15 септември 2025 кажа дека новата Универзална сала ќе има 1.200 седишта, наместо како претходно 1.500, партер-седишта кои се склопуваат и даваат можност да се прошири сцената и ЛЕД-сијалици наместо рефлектори, кои се 4-5 пати енергетски поефикасни.
Тој кажа и дека ќе има можност за филмски премиери, влезот е значително проширен, има пристап за лица со посебни потреби, во фоајето ќе има простор за седење, а просториите за вработените ќе бидат горе, каде што порано беше галеријата. Просторот за седење е намален, рече Муча, согласно европските регулативи за безбедност и заштита.
Реагираше Bukefal
Стартер на тема 27/04/2026 12:16 pm
Денес, заедно со Премиерот Hristijan Mickoski и министерот за култура Зоран Љутков, сме тука по еден убав и значаен повод, да го означиме почетокот на градежните активности за реконструкција на Универзалната сала.
Проектот за реконструкција на Универзалната сала ќе се реализира по принципот „клуч на рака“, со што се обезбедува целосна изведба и подготвеност за употреба без дополнителни интервенции. Реконструкцијата е планирано да заврши до април 2028 година.
Овој проект претставува еден од клучните чекори во подготовките на Скопје за освојување и достојно носење на престижната титула Европска престолнина на културата 2028.
[ https://www.facebook.com/photo/?fbid=1505929874493630&set=pcb.1505930244493593 ]
Реагираше Bukefal
Стартер на тема 27/04/2026 7:25 pm
САКАВМЕ УНИВЕРЗАЛНА САЛА ДА СЕ ЗАГРЕВА СО ПУМПИ НА ВОДА, АМА НЕМА ПРИТИСОК, РЕЧЕ ПРОЕКТАНТОТ МУЧА
Реконструираната Универзална сала нема да биде приклучена на централно парно греење во Скопје туку ќе биде климатизирана. На денешниот увид на градежните работи, проектантот Бујар Муча од „Мегарон инженеринг“ кажа дека сакале да постават систем на загревање и ладење со пумпи но вода, но тоа не било можно оти нема притисок. По ова, премиерот Христијан Мицкоски праша зошто објектот не се поврзе на парно греење и на тој начин трошоците за струја ќе бидат помали.
„Ако се поврзе на парно нема да има греење после 22 часот, а знаеме дека настаните траат и до полноќ. Но, сепак ќе размислиме за овој ваш предлог“, рече Муча.
Реновирањето на опожарената Универзална сала стартуваше минатата недела, а тендерот вреден 19 милиони евра го доби фирмата „Универзал Балкан“ односно истата со која беше склучен договор во 2021, а пред две години беше раскинат.
Министерот за култура Зоран Љутков рече дека Универзална сала ќе биде готова до крајот на 2027, а првиот настан ќе се одржи на почетокот на 2028 година.
Со новиот тендер нема никакви измени на проектот, односно тој останува ист. Со проектот ќе се задржи постојната форма и габарит и се зачувува духот на Универзална сала. Куполата ќе биде зголемeна и навечер осветлена. Ќе се употребат нови материјали на фасадата за таа да биде енергетски ефикасна, а истовремено се зголемува и противпожарната заштита.
Со проектот за внатрешноста, кој во моментов се прави, ќе се реши и најгорливиот проблем на салата, немање фоаје. Проектот предвидува префрлање на санитариите на друга страна и на сметка на тоа се зголемува фоајето. Се прави внатрешна реорганизација на просторот и нов распоред на седиштата кои сега се тесно поставени, односно ќе се намали бројот од 1.500 на 1.100 или 1.200.
Реагираше Bukefal
