Известувања
Исчистете ги сите
Градска инфраструктура
9
Написи
4
Корисници
9
Реакции
405
Прегледи
Стартер на тема 08/03/2026 9:02 pm
07.02.2026
ВО ЈУНИ ЌЕ БИДЕ ГОТОВ ПАТОТ КОН ВИЗБЕГОВО ОД КЛУЧКАТА МОМИН ПОТОК ДО БУЛЕВАРОТ СЛОВЕНИЈА
До јуни ќе биде готов патот кон Визбегово на потегот од клучката Момин Поток до крстосницата со булеварот Словенија. Од Град Скопје велат дека интензивно се отстрануваат сите пречки кои со години го кочеа проектот за изградба на клучката Момин Поток.
Во моментов се изведуваат работи на атмосферската канализација во средишното зеленило на булеварот Никола Карев, на потегот од реката Серава до раскрсницата со булеварот Словенија. Паралелно се работи и на левиот крак од новиот мост над Серава, преку кој ќе се одвива сообраќајот од раскрсницата со булеварот Словенија кон клучката Момин поток.
„Со завршувањето на оваа делница целиот сообраќај од постојниот пат ќе биде пренасочен на новоизградениот коловоз, додека на местото на стариот пат ќе се оформат коловозни ленти со правец од клучката Момин Поток кон булевар Словенија, со што значително ќе се подобрат протокот и безбедноста во овој дел од градот. Целосно е исплатена експропријацијата за овој дел и според договорот, изведувачот треба да ја стави во функција оваа важна артерија за градот во јуни“, велат од Град Скопје.
Клучката кај Момин Поток почна да се гради во јули 2021 во време на ексградоначалникот Петре Шилегов и треба да го намали метежот на влезот и излезот од Скопје. За таа цел се предвидува изградба на два кружни тека. Првиот на крстосницата кај булеварот 8 Септември и улицата Скупи е готов, а вториот треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек, улицата продолжува до крстосницата со булеварот Словенија, каде што се поврзува и со булеварот Босна и Херцеговина.
Изградбата на клучката чини 18 милиони евра.
Реагираше Bukefal
Стартер на тема 15/03/2026 9:07 pm
Почна изградбата на новиот мост кој ќе го премости булеварот „Никола Карев“
Новиот мост ќе биде со должина од 43,5 метри, ќе го премости булевар „Никола Карев“ и ќе ја поврзе кружната крстосница со турбо кружниот тек.
– Оваа конструкција претставува клучна алка во целото сообраќајно решение и важен чекор кон модернизација на овој дел од градот. Со завршувањето на овој сообраќаен јазол, илјадници граѓани секојдневно ќе почувствуваат вистинско олеснување – побрз проток на сообраќај, помал метеж и современ влез и излез од Скопје – истакна скопскиот градоначалник, Орце Ѓорѓиевски
Започна изградбата на новиот мост кај клучката Момин Поток во Скопје, што претставува клучна фаза од реконструкцијата на овој важен сообраќаен јазол во градот.
Скопскиот градоначалник, Орце Ѓорѓиевски, објави дека е започната монтажата на челичната конструкција на мостот и дека се поставени двата главни носачи кон излезот од градот во правец на Визбегово.
Тој наведе дека поради сложеноста на конструкцијата и поради фактот што носачите се изработуваат во префабрикувани услови, нивната монтажа ќе се одвива во неколку внимателно планирани фази.
Новиот мост ќе биде со должина од 43,5 метри, ќе го премости булевар „Никола Карев“ и ќе ја поврзе кружната крстосница со турбо кружниот тек.
–Оваа конструкција претставува клучна алка во целото сообраќајно решение и важен чекор кон модернизација на овој дел од градот. Со завршувањето на овој сообраќаен јазол, илјадници граѓани секојдневно ќе чувствуваат вистинско олеснување – побрз проток на сообраќај, помал метеж и современ влез и излез од Скопје – истакна Ѓорѓиевски.
Тој додаде дека и кога било најтешко, Град Скопје не се откажал.
–Наместо изговори, избравме да работиме и да оставиме дела. Проектот за Момин Поток, кој долго време беше заглавен, сега се реализира со силно темпо – нагласи Ѓорѓиевски, наведувајќи дека градската администрација ќе продолжи со реализација на инфраструктурни проекти со цел подобрување на сообраќајот и квалитетот на живот на граѓаните во главниот град.
[ https://www.vecer.press/pochna-izgradbata-na-noviot-most-koj-ke-go-premosti-bulevarot-nikola-karev/ ]
Реагираше Bukefal
Стартер на тема 26/07/2026 1:34 pm
Клучката „Момин Поток“ е 75% реализирана - Скопје добива модерно, безбедно и сообраќајно решение!
Денес, заедно со претседателот на Владата, Hristijan Mickoski - мојата, на скопјани и на Град Скопје најсилна поддршка, извршивме увид во изградбата на еден од најзначајните инфраструктурни проекти за главниот град, клучката „Момин Поток“.
Пред само седум месеци, овој проект го затекнав во целосна стагнација.
Процесот на експропријација беше реализиран едвај 10 проценти, а градежните активности речиси и да немаа напредок.
Денес, со гордост можам да кажам дека експропријацијата е целосно завршена, а сите наши сограѓани чии имоти беа опфатени со постапката се целосно обесштетени и исплатени од страна на Град Скопје. Од проект во застој, за само седум месеци стигнавме до 75 проценти реализација!
Тоа е огромен напредок и најсилен доказ дека кога постојат волја, посветеност и вистинска работа, нема невозможни работи.
Како што ветив, клучката „Момин Поток“ ќе биде целосно завршена до Нова година!
Станува збор за исклучително комплексен проект кој значително ќе го намали сообраќајниот метеж и ќе обезбеди побрзо, побезбедно и пофункционално движење низ овој дел од Скопје.
Проектот опфаќа велосипедски и пешачки патеки, околу два километри изградени потпорни ѕидови и пет моста, од кои најголемиот дел веќе се во финална фаза.
Во тек е и уривањето на стариот мост над реката Серава, на чие место градиме нов, поширок и побезбеден мост.
Но, развојот на Скопје не застанува тука.
Во непосредна близина сериозно напредува и изградбата на „Љубљанска“, чиј рок за завршување е исто така до Нова година и ќе го поврзе Карпош со Бардовци и Злокуќани.
Реагираше Bukefal
08/08/2026 6:16 pm
Кај стариот пат асфалтот е целосно изгребан и сега се вози по новоасфалтираниот дел кој во иднина ќе биде спротивната лента, т.е. лентата по која ќе се вози од бул. Словенија кон идната клучка кај Момин Поток.
(фактички, десно од бетонската жардињера - она што е сега гола земја - се наоѓаше стариот пат со конфигурација 1+1)
(се надевам дека ме разбравте) 🙂
Реагираше Bukefal
Стартер на тема 05/09/2026 1:46 pm
Извадоци од видео објавено на 30.08.2026
линк до видеото https://www.youtube.com/watch?v=JZIT8c59a6g
Реагираше Bukefal
08/09/2026 1:08 am
Има некоја информација до каде се со премостувањето на Серава на оваа клучка? Бидејќи тоа е единствениот посериозен дел останат да се заврши од изградбата на оваа клучка за да може де се прејде на асфалтирање, уредување и ставање во употреба.