Известувања
Исчистете ги сите
Градска инфраструктура
18
Написи
2
Корисници
21
Реакции
506
Прегледи
Стартер на тема 05/08/2026 3:22 pm
Изградбата на влезовите и излезите од подземната сообраќајница кај „Лимак“ ќе го задуши градот во наредните од две до пет години
Според професорката на Архитектонскиот факултет, Дивна Пенчиќ, со право се стравува од одлуката само „нека се гради”, без да се има увид во тоа што ќе се предизвика и кои ќе бидат последиците.
– Веќе пет години се чека сообраќајната студија за да се постават решенијата за новиот Генерален урбанистички план (ГУП) на Скопје и, секако, неговата изработка, со кои требаше да се ревидира сообраќајното решение на Скопје, кое, патем, е одамна застарено и несоодветно на денешната состојба и современите сознанија и решенија за градска сообраќајна инфраструктура – вели Пенчиќ
Најавените градежни работи за изградба на влезовите и излезите од подземната сообраќајница што е пробиена низ „Лимак“, ќе го задушат градот за наредните од две до пет години, а нема да реши ништо.
Според професорката на Архитектонскиот факултет, Дивна Пенчиќ, со право се стравува од одлуката само „нека се гради”, без да се има увид во тоа што ќе се предизвика и кои ќе бидат последиците.
– Веќе пет години се чека сообраќајната студија за да се постават решенијата за новиот Генерален урбанистички план (ГУП) на Скопје и, секако, неговата изработка, со кои требаше да се ревидира сообраќајното решение на Скопје, кое, патем, е одамна застарено и несоодветно на денешната состојба и современите сознанија и решенија за градска сообраќајна инфраструктура – вели Пенчиќ.
Таа додава дека, за жал, тапкаме во 20 век со сообраќајни решенија од 1950-тите години , кои, како што вели, масовно се напуштаат денес во сите градови во светот, па дури и во САД.
– Веќе 50 години се отфрла моделот на брзи сообраќајници, особено низ центарот на градовите, а ние допрва ќе зборуваме за тоа – нагласува Пенчиќ.
За неа е апсурдно градењето на пристапите и на големите кружни текови во услови кога не е исчистена трасата на Јужниот булевар откај Карпош и откај Кисела Вода.
– Ќе се изградат, ќе се наруши цел сообраќај и град, а нема каде да се помине. Ќе затне сѐ живо. И тоа не е сѐ. Решението што ќе се реализира воопшто нема услови за квалитетен пешачки сообраќај, а околните згради остануваат без соодветен пристап. За да поминат 1.000 автомобили или колку и да им е пресметката, ќе се загрозат 700.000 жители! Не знам зошто воопшто има смисла ова градење – смета Пенчиќ.
Инаку, на почетокот од јули, скопскиот градоначалник, Орце Ѓорѓиевски, најави дека многу наскоро ќе започнат градежните активности за поврзување на подземната сообраќајница под „Лимак“ со булеварот „Македонија“, како и изградбата на кружни текови на нејзините влез и излез.
– Започнуваме со втората фаза, односно со изградба на тунелите за поврзување со подземната сообраќајница под „Лимак“, во насока од Центар кон Кисела Вода – истакна тој.
Од Град Скопје наведоа дека пуштањето во употреба на подземниот булевар „Македонија“ под „Лимак“ е еден од приоритетите на Ѓорѓиевски и претставува капитален проект од исклучително значење за Скопје.
– Станува збор за инвестиција што ќе донесе вистински пресврт во централното градско подрачје, ќе придонесе за значително растоварување на сообраќајниот метеж и ќе овозможи побрзо, побезбедно и пофункционално движење низ центарот на градот – нагласија градските власти.
Првата фаза од овој проект е комплетирана, а опфати проширување, адаптирање и подготовка на улиците што ќе ја примат очекуваната зголемена фреквенција на сообраќај кон подземната сообраќајница.
– Со забрзано темпо, оваа пролет се работеше на булеварот „Борис Трајковски“, кај Рампа, на улиците „11 Октомври“ и „Пролет“, како и на булеварот „Македонија“, кој се поврзува со следните фази од оваа траса – истакнаа градските власти, нагласувајќи дека со реализацијата на овој проект, Скопје добива современо сообраќајно решение што ќе ја подобри мобилноста, ќе го намали притисокот врз централните улици и се овозможи подобра поврзаност.
Реагираше Bukefal
Стартер на тема 12/08/2026 1:18 pm
ЗАВРШЕНА Е ПОДЗЕМНАТА УЛИЦА ПОД ЗГРАДИТЕ И ТРГОВСКИОТ ЦЕНТАР „ДАЈМОНД“ ВО СКОПЈЕ, ИСКОПОТ Е 14 МЕТРИ ПОД ЗЕМЈА, ВЕЛАТ ОД „ЛИМАК“
Завршена е изградбата на подземната улица под зградите и трговскиот центар (ТЦ) „Дајмонд“ во Скопје, која ја градеше компанијата „Лимак“. Турската фирма го доби земјиштето на Јужен булевар за изградба на згради и трговски центар, а за возврат, според договорот со Град Скопје, требаше да ја изведе подземната сообраќајница.
Од „Лимак“ за САКАМДАКАЖАМ.МК велат обврските од нивна страна се завршени и сега се во координација со Град Скопје, кој треба да ги изведе влезовите и приклучоците.
„Физичката конструкција на подземната сообраќајница, која се протега под мултифункционалниот комплекс ‘Дајмонд‘ е веќе завршена. За нејзината изградба беше направен ископ со длабочина од 14 метри, по што беа изградени високи потпорни ѕидови. Следната фаза од проектот опфаќа изградба на двата пристапни влеза кон подземната сообраќајница со цел таа да биде ставена во функција. Град Скопје веќе го започна процесот кој ќе овозможи изградба на влезот од страната на населбата Кисела Вода“, велат од „Лимак“.
Подземната улица е долга 746 метри и широка 37 метри, ќе има по две сообраќајни и помошни ленти во двата правци и две трамвајски линии во средината.
Град Скопје наскоро треба да почне со градежни работи за изведба на втората фаза од булевар Македонија, односно за влез во подземната сообраќајница. Оваа фаза опфаќа изградба на два кружни текови, кај булевар Кочо Рацин и на улицата Железничка. Тендерот за втората фаза е завршен и потпишан е договор во висина од 12 милиони евра, што значи дека градежните работи треба да стартуваат летово.
Станари од зградата на улица „Антон Панов 1“ стравуваат дека нивната зграда може да се урне кога ќе почнат градежните работи за изградба на влезот во подземната сообраќајница. Ископот треба да се изведува непосредно до темелите на зградата што, според нив, отвора сериозни прашања за безбедноста на жителите. Во комплексот живеат околу 800 граѓани кои велат дека побарале информации за проектот од Град Скопје, но досега не им е одговорено и најавуваат дека ако и понатаму бидат игнорирани, ќе организираат протести
Страница 2 / 2
Пред