Известувања
Исчистете ги сите
Административни
4
Написи
1
Корисници
3
Реакции
2
Прегледи
Стартер на тема 27/03/2026 12:41 pm
09/09/2015
Нов современ центар „Емпорио“ ќе добие Ѓорче Петров
Нов, модерен трговски и бизнис центар на површина од 30 илјади метри квадратни со 350 паркинг места ќе добие општина Ѓорче Петров.
Во трговскиот центар „Емпорио“, кој е резултат на јавно-приватно партнерство помеѓу општина Ѓорче Петров и градежната компанија „Трансмет“, меѓу другите, свои простории на 3.600 метри квадратни ќе добие и општината.
– Трговскиот центар ќе нуди услуги кои во моментов не се достапни во сличните центри. Станува збор за целосно опремување на просториите за ИТ компании. Тие простории мора да исполнуваат високи стандарди и потреби во своите канцеларии. Секој оној што ќе биде дел од „Емпорио“ добива многу повеќе во смисла на логистичката поддршка и услуга. Убедени сме дека центарот „Емпорио“ ќе претставува пример за домашните и странските инвеститори за тоа како треба да изгледа еден современ трговски и бизнис центар, – истакна инвеститорот Сеад Кочан.
Според него, во трговскиот во кој ќе има 40-ина дуќани, како и простории за компаниите во деловниот простор, се очекува, како што рече, преку 200 индиректни и околу 20 директни вработувања кои ќе бидат логистика на трговскиот центар.
За градоначалникот на општина Ѓорче Петров Сокол Митревски трговскиот „Емпорио“ ќе остане трајно обележје на општината.
– Обележје кое ќе го паметат генерациите и обележје кое ќе биде магнет за привлекување и други странски инвестиции во општината Ѓорче Петров, – истакна Митревски.
Трговскиот е лоциран во најурбаниот дел од општината, со директен излез на кружниот тек, појаснуваат од „Фортон“ Македонија кои се ексклузивен агент за изнајмување на трговскиот центар. Во „Емпорио“ на 1.550 метри квадратни ќе биде сместен и супермаркетот „Рамстор“, а свој простор ќе добие и една од најреномираните дрогерии во Европа „ДМ“.
Објектот, кој треба да биде завршен до првата половина на 2017 година, ќе биде на шест надземни и две подземни нивоа. Во првото, подземно ниво, приземјето и првиот кат ќе биде сместен трговскиот центар, а вториот, третиот, четвртиот и петтиот кат се наменети за бизнис центарот. Општинската зграда е организирана на три нивоа веднаш до трговскиот и бизнис центар.
[ https://www.porta3.mk/nov-sovremen-centar-emporio-kje-dobie-gjorche-petrov/ ]
Стартер на тема 27/03/2026 12:48 pm
Од процесот на изградба
Првично инвеститор беше Трансмет кој требаше да изгради Емпорио Мол и општинска зграда за општината во склоп на комплексот но по затворањето на фирмата инвестицијата извесно време беше заглавена а потоа како нов инвеститор се јави Кам кој го превзема и доврши објектот и сега трговскиот е со назив К Мол.
Фотографии од текот на изградбата
[ https://build.com.mk/gorche-petrov-chetiri-godini-ja-cheka-novata-opshtinska-zgrada/ ]
[ https://www.skyscrapercity.com/threads/skopje-projects-construction.874912/page-10?n ]
Реагираше Bukefal
Стартер на тема 27/03/2026 12:49 pm
21/09/2023
Три месеци по вселувањето, новата општинска зграда на Ѓорче Петров официјално пуштена во употреба
После три месеци откако администрацијата на Ѓорче Петров се всели во новата зграда, чија изградба започна пред десетина години, вчера на Денот на Општината, со послан црвен тепих кон влезот и свеченост на која присуствуваа многу гости, меѓу кои и раководството и градоначалниците од ВМРО-ДПМНЕ, зградата беше официјално пуштена во употреба.
Новата општинска зграда е веќе пуштена во употреба. Администрацијата е преселена во општинските простории, односно е веќе централизирана за разлика од претходно, кога беше поделена на повеќе локации. Направена е и промена на адресните податоци во Централен регистар на РМ и новото седиште на Општина Ѓорче Петров е на улица Ѓорче Петров број 22 – изјавија од Општината небрзо по преселувањето.
Но бидејќи сето тоа тогаш помина тивко, дури ни жителите на општината кои имаат потреба од општинските услуги не беа информирани за преселбата, вчера настанот беше свечен. Најважно е дека конечно Општината се отсели од двокатна барака стара 60 години и повеќе нема да плаќа наем за сместување.
Новата општинска зграда се простира на површина од 3.285 м2, а е поделена на 5 нивоа, со 66 нови канцеларии, 2 сали за состаноци, амфитеатар, 4 чајни кујни, тоалети и тоалети за лица со инвалидитет, два лифта и останати технички простории.
Граѓаните на Ѓорче Петров конечно, после деценија градба, ќе добиваат централизирани услуги на едно место, а на вработените им се овозможуваат сите современи услови за работа – вели градоначалникот Александар Стојкоски.
Реагираше Bukefal
