Известувања
Исчистете ги сите
Административни
4
Написи
1
Корисници
1
Реакции
2
Прегледи
Стартер на тема 26/03/2026 3:01 pm
30 Јануари, 2013
Се подготвува теренот за градбите на Кондоминас – Офицерски дом и луксузен хотел
Барокната еуфорија нема да застане само со промената на фасадите на објектите. Деновиве интензивно се расчистува теренот на плоштадот Македонија за изградбата на Офицерскиот дом и луксузниот хотел, што ќе ги гради грчкиот бизнисмен Димитрис Кондоминас, објекти кои нормално со својот изглед ќе бидат во склоп на “Скопје 2014”. Се работи за локацијата каде што сега се наоѓа паркингот на ЈП “Градски паркинг” и велосипедскиот пункт. Парцелата од 6.308 метри квадратни, грчкиот бизнисмен во 2011 година ја купи за 630.000 евра и најави дека инвестицијата ќе изнесува околу 50 милиони евра.Според маркиците од Деталниот урбанистички план Мал Ринг, двата објекта треба да бидат со максимална висина од 29 метри, а хотелот треба да има четири ѕвезди. Новиот газда е должен дел од Офицерскиот дом без надоместок да го отстапи во функција на градските власти, и тој ќе се користи како резиденција на скопскиот градоначалник, а во него ќе се смести и матичната служба. Гркот Кондоминас во својата земја важи за контроверзен и мистериозен бизнисимен, а македонската канцеларија за правни совети “Транспаренси Македонија” тврди дека е вклучен во корупцискиот скандал за “Дојче телеком”, во 2011 година. Грчкиот бизнисмен имаше и земјиште кај хотелот “Александар палас”, каде што требаше да гради трговски и бизнис центaр, но идејата пропадна бидејќи голем дел од земјиштето беше вратено со денационализација, па подоцна парите за земјиштето му беа вратени. Грчките медиуми пак, неговите инвестиции во Македонија ги коментираа како политички обид на тогашната грчка власт, за промена на македонскиот став за спорот за името.
///////////////////////////////////////
04 август 2015
Контоминас го почна, Самсоненко ќе го финишира Офицерскиот дом
Рускиот бизнисмен Сергеј Самсоненко минатата недела стана газда на фирмата што интензивно ги гради Офицерскиот дом и хотелот веднаш до него, лоцирани на скопскиот плоштад близу до споменикот „Воин на коњ“.
Самсоненко, всушност, ја презема фирмата „ДЦ прајм пропертис“ од познатиот грчки бизнисмен Димитрис Контоминас, кој во 2011 на аукција го купи атрактивното државно земјиште (6.300 квадрати) и се обврза таму да го обнови Офицерскиот дом и да изгради хотел во стилот на проектот „Скопје 2014“.
За целата парцела тој плати нешто повеќе од 620.000 евра или по 100 евра за квадрат.
Во медиумите се најавуваше дека инвестицијата ќе изнесува меѓу 30 и 50 милиони евра, а Контоминас се обврза без надомест да му отстапи на Градот Скопје дел од Офицерскиот дом за потребите на матичната служба и работни простории за скопскиот градоначалник.
Изградбата на објектите високи до 29 метри треба да финишира најдоцна до 2019, а хотелот мора да има најмалку четири ѕвездички и да биде управуван или под франшиза на хотелски синџир со минимум 250 хотели во светот.
Застапник на Контоминас во Скопје е адвокатската канцеларија „Чукиќ и Марков“ и таму БИРН побара објаснување зошто Контоминас се откажал од инвестицијата, меѓутоа не добивме одговор. Тој минатата година беше приведен од грчката полиција заедно со уште 24 лица во скандалот тежок 500 милиони евра околу грчката државна „Хеленик Постбанк“ и пуштен да се брани од слобода со кауција од пет милиони евра.
Соработникот на Сергеј Самсоненко, Ратко Капушевски за БИРН потврди дека рускиот бизнисмен ја купил фирмата која, како што вели тој, веќе долго време не го градела објектот на плоштад.
„Изградбата на Офицерскиот дом, матичната служба, градската куќа, салата за дипломатски настани на претседателот е само уште еден социјален проект кој господинот Самсоненко ќе го реализира во интерес на Република Македонија, вели Капушевски, кој е новиот директор на „ДЦ прајм пропертиес“.
Тој објаснува дека фирмата ја купиле со долгови од 120 милиони денари и блокирана од Управата за јавни приходи, како и со судски постапки иницирани од доверители за градежниот дел. Инвестицијата ќе изнесува 2,5 милијарди денари или околу 40 милиони евра, а изградбата ќе трае до јуни идната година.
Министерството за транспорт и врски, кое му го продаде на Контоминас државното земјиште, не е информирано дека инвеститорот е променет, додека на градилиштето на скопскиот плоштад веќе е сменета информативната табла и на неа, како инвеститор и како изведувач стојат фирмите на Самсоненко.
Законот дозволува смена на инвеститорот во текот на градењето само доколку новиот инвеститор се обврзе дека покрај правата ќе ги преземе и обврските на претходникот.
Луксузен објект од почетокот на 20. век
Една од двете згради што ќе ги довршува Самосоненко треба да изгледа како стариот Офицерски дом.
Според првичните најави на Градот Скопје ќе му припадне делот од Офицерскиот кој се наоѓа на вториот кат и официјално сопственик на тој простор ќе биде државата. Таму треба да има влезен хол, матичар со архива и со служба, просторија за подготовка на младенците, голема сала за состаноци, три работни кабинети од кои едниот за градоначалникот на Скопје и сала за свечени приеми.
Идеен автор на оригиналниот Офицерски е рускиот архитект и емигрант Вилијам Баумгартен. Тогашните власти го стартувале објектот во 1925 на местото каде претходно се наоѓала Бурмали-џамија, а го завршиле четири години подоцна.
Офицерскиот дом пред војната важел за луксузен објект што го посетувале претставниците на елитата. Таму се чекала Нова година, се одржувале балови и маскенбали, имало пивница и читална со странски списанија, а во една од салите можело да се чуе и џез музика.
Ентериерот бил облагороден со скап мебел и со кристални лустери, меѓутоа земјотресот во 1963 година многу ја оштетил зградата и затоа ја урнале наредната година.
Новото идејно решение на Офицерскиот дом е дел од промотивното видео за проектот „Скопје 2014“ .
[ https://prizma.mk/kontominas-go-pochna-samsonenko-ke-go-finishira-ofitserskiot-dom/ ]
Стартер на тема 26/03/2026 3:02 pm
21 јуни 2022
САМСОНЕНКО МЕСЕЧНО ПЛАЌА ПО 10.000 ЕВРА ПЕНАЛИ ОТИ ДОЦНИ СО ИЗГРАДБАТА НА ХОТЕЛОТ СО ОФИЦЕРСКИ ДОМ НА ПЛОШТАДОТ ВО СКОПЈЕ
Рускиот бизнисмен Сергеј Самсоненко месечно ѝ плаќа по 10.000 евра на Општина Центар оти доцни со изградбата на хотелот со Офицерски дом на Плоштадот Македонија. Според договорот за продажба на градежното земјиште, фирмата „СИС Инвестмент“ е должна да го изгради објектот до 10 април 2022, што не е направено. Објектот сè уште е во фаза на карабина и на терен нема никаква активност.
„‘СИС Инвестмент‘ досега има уплатено една месечна рата на општинската сметка за наплата на договорни казни во висина од 571.181 денар. Пенали ќе се наплаќаат сè додека не се изгради објектот. Доколку во иднина инвеститорот престане да плаќа ќе му се доставуваат опомени. Ако по трета опомена инвеститорот не го испочитува дадениот рок има можност за едностран раскин на договорот. Во интерес на Општина Центар е објектот да се изгради бидејќи сега стои недограден, а се наоѓа во строгиот центар на градот“, велат од Општина Центар за САКАМДАКАЖАМ.МК.
Од правниот тим на Сергеј Самсоненко во мај за САКАМДАКАЖАМ. МК изјавија дека фирмата сака да го изгради хотелот со Офицерски дом на Плоштад Македонија, но постојано се соочува со опструкции. Најпрво, застој во градбата имало поради неоснованото поведување на стечајната постапка од фирмата „Кратер“, која траела две години и се запира на 29 декември 2020. Откако тој проблем бил решен, причина за застојот во довршување на изградбата, според правниот тим на Самсоненко, биле постојаните опструкции од Општина Центар кои се технички и поради тоа не можело да се продолжи со градењето.
Хотелот, што според најавите требаше да биде од синџирот хотели „Мериот кортјард”, и Офицерскиот дом кој треба да биде резиденцијален кабинет на градоначалникот на Скопје со матична служба, почна да го гради грчкиот бизнисмен Димитрис Кондоминас во 2011. Тогашната влада на Никола Груевски преку Министерството за транспорт и врски му го продаде ова атрактивно земјиште со површина од 6.300 метри квадратни по цена од 100 евра по квадрат. Но, откако Кондоминас во 2015 беше уапсен во Грција поради затајување данок, проектот го презеде Сергеј Самсоненко кој ја купи фирмата на грчкиот бизнисмен за 600.000 евра.
////////////////////////////////////////////////
17 април 2024
ОФИЦЕРСКИ ДОМ КОЈ ГО ГРАДИ САМСОНЕНКО ЗАЕДНО СО ХОТЕЛОТ НА ПЛОШТАД ЌЕ БИДЕ ГОТОВ ВО ОКТОМВРИ И ПРЕДАДЕН НА ВЛАДАТА
Офицерски дом кој е дел од комплексот со хотел на Плоштад Македонија и го гради рускиот бизнисмен Сергеј Самсоненко ќе биде готов во октомври. Потоа објектот Градска куќа што треба да биде ќе биде предаден на Владата односно на Службата за општи и заеднички работи која треба да го уреди со мебел и да го стави во функција. Офицерски дом треба да биде резиденцијален кабинет на градоначалникот на Скопје и во него да има простории за матичната служба.
Хотелот и Офицерскиот во центарот на Скопје се градат 13 години, а почна да ги гради грчкиот бизнисмен Димитрис Кондоминас во 2011 година. Тогашната влада на Никола Груевски преку Министерството за транспорт и врски каде министер беше Миле Јанакиески му го продаде ова атрактивно земјиште со површина од 6.300 метри квадратни по цена од 100 евра по квадрат односно за 630.000 евра. Инвеститорот според договорот има обврска во склоп на хотелот да изгради и резиденцијален дел за градоначалникот на Скопје каде ќе има и матична служба, со фасада на некогашниот Офицерски дом.
Но, откако Кондоминас во 2015 беше уапсен во Грција поради затајување данок, проектот го презеде Сергеј Самсоненко кој ја купи фирмата на грчкиот бизнисмен за 600.000 евра и продолжи под истите услови да го гради објектот.
Од фирмата на Самсоненко „СИС инвест груп“ велат дека во моментов градежните работи се одвиваат со засилена динамика и дека до крајот на годинава двата објекти ќе бидат пуштени во употреба.
„На објектот Офицерски дом во моментов се завршени 90 отсто од работите. Изведена е армирано-бетонска конструкција на сите нивоа на проектот. Кулата на последниот кат која гравитира на главниот плоштад е изградена, таа е изработена во челична конструкција и е во фаза на затворање согласно проектот. Фасадната е веќе во завршна фаза, електрични и водоводните инсталации се 70% завршени. Лифтовите во сите блокови се веќе нарачани и ќе бидат поставени според проектната документација во најбрз рок. Машинските инсталации се завршени 40%. Нив ги изведува компанијата ‘Кратер‘ со која уште сме во судски спор од причина што е исплатен фиктивен долг за опрема која не е инсталирана“, велат од фирмата „СИС инвест груп“.
Во однос на хотелот како што велат од компанијата армирано-бетонска конструкција на сите нивоа на проектот е изведена 90%, во моментов започнато е со работа на кровот и фасадата.
Градежните работи на двата објекти беа прекинати неколку години поради, а продолжија лани. Од фирмата на Самсоненко рекоа дека прекинот е поради опструкции. Најпрво, застој во градбата имало поради неоснованото поведување стечајна постапка од фирмата „Кратер“, која траела две години и се запира на 29 декември 2020. Откако тој проблем бил решен, причина за застојот во довршување на изградбата, според правниот тим на Самсоненко, биле постојаните опструкции од Општина Центар кои се технички и поради тоа не можело да се продолжи со градењето.
Според договорот за продажба на градежното земјиште, фирмата „СИС инвест груп“ требаше да го изгради објектот до 10 април 2022, што не е направено. Поради надминување ги роковите за изградба на двата објекта на Плоштад Македонија, Самсоненко плаќа секој месец пенали на Општина Центар во висина од 10.000 евра.
////////////////////////////////////////////
24.08.2024
Привршуваат активностите на екстериерот на Офицерскиот Дом во Скопје
После 10 години од „Скопје 2014“ го сведочиме завршувањето на Офицерскиот Дом. Објектот кој се повикува на некогашниот, срушен во земјотресот од 1963та година, сепак е само реинтерпретација, односно објект кој визуелно остава впечаток на оригиналната слика.
[ https://marh.mk/privrshuvaat-aktivnostite-na-eksterierot-na-oficerskiot-dom-vo-skopje/ ]
Стартер на тема 06/04/2026 1:35 pm
Неколку денешни
