Известувања
Исчистете ги сите
Административни
5
Написи
1
Корисници
4
Реакции
1
Прегледи
Стартер на тема 04/04/2026 4:56 pm
Управна зграда на ЈП Водовод и Канализација
Новата административна зграда на ЈП „Водовод и канализација“ која се гради под скопското Кале, веднаш до новата Градска куќа е во доминатниот архитектонски стил на „Скопје 2014“.
Камен - темелникот на зградата е поставен во декември 2011 и тогаш беше најавено дека ќе биде завршена за три години и ќе чини десет милиони евра.
Неполни четири години, сумата во која не влегува внатрешното уредување на објектот, е дуплирана.
За финансирање на градењето, ЈП „Водовод и канализација“ во 2014 година подигна кредит од 7,3 милиони евра,ставајќи ја зградата во градба под хипотека.
Задолжувањето на јавното претпријатие е одобрено од советниците на Град Скопје и покрај спротивставувањето на опозицијата.
Идното седиште на „Водовод и канализација“ ќе се простира на корисна површина од преку 10.000 квадратни метри, од кои половината се наоѓа во подземниот дел на објектот, каде што ќе има и гаража со капацитет за 138 возила.
Објектот кој има пет ката и три подземни нивоа се изведува врз основа на идејното решение на авторот Жарко Чаушевски.
[ https://skopje2014.prizma.mk/mk/upravna-zgrada-na-jp-vodovod-i-kanalizacija ]
Стартер на тема 04/04/2026 5:02 pm
27 декември 2017
„ВОДОВОД“ НА ДИВО Е ВСЕЛЕН ВО БАРОКНАТА ЗГРАДА НА КЕЈ, ОБЈЕКТОТ НЕМА ТЕХНИЧКИ ПРИЕМ
ЈП „Водовод и канализација“ е вселен на диво во новата барокна зграда на кејот на реката Вардар во Скопје. Зградата која чини 10 милиони евра уште нема технички прием и имотен лист бидејќи претпријатието има судски спор со фирмата изведувач „Алдинг инжинеринг“.
Вработените се преселија во новата зграда во март годинава, кога директор беше Александар Атанасов. Од февруари 2011 година претпријатието беше сместено во зградата на фирмата „Технометал Вардар“ во строгиот центар на градот, за месечна кирија од 25.000 евра.
„Објектот нема технички прием, на диво сме вселeни. Имаме долг кон изведувачот од околу пола милион евра и судски спор со изведувачот бидејќи е активирана банкарската гаранција од 380.000 евра. Работиме на тоа во најкраток рок да обезбедиме технички прием“, вели Душко Весковски, директор на ЈП „Водовод и канализација“.
Весковски објаснува дека претпријатието од претходното раководство го наследил со долг од 4,5 милиони евра и превработеност.
„Во Водовод се вработени 1.200 лица, а немаме стручен кадар. Вработени се лица од Пустец, музичар-изведувач, аранжер во трговија, хотелско-туристички техничар, менаџери, мeдицински лаборант а немаме лица за технички интервенции односно за вршење на основната дејност на претпријатието“, додава Весковски.
Кружната барокна зграда на кејот на Вардар има вкупна површина од околу 10.000 квадратни метри, распоредени на пет ката и три подземни нивоа со гаража за 138 возила. Идејното решение е на архитектот Жарко Чаушевски, кој за зградата доби прва награда во вредност од 190.000 денари на јавен конкурс.
Чаушевски е победник на повеќето конкурси за градбите на „Скопје 2014“. За изведувач на градежните работи беше избрана австриската фирма „Алпине бау“. Фирмата банкротираше откако ја изгради зградата во фаза на карабина во 2013, па претпријатието требаше да избере нов изведувач, а во меѓувреме зема и кредит од 7.317.073 евра за довршување на зградата. „Алдинг Инженеринг“ во 2014 година беше избрана да го доврши новото седиште на претпријатието.
Реагираше Bukefal
Стартер на тема 04/04/2026 5:10 pm
23/05/2017
Новата Управна зграда на ЈП Водовод и канализација - Скопје со 15 шалтери и врвна услуга
Во новата Управна зграда вработените можат на најпрофесионален начин да ги пречекаат и услужат корисниците. Грижата и услугата за граѓаните е прв приоритет во работењето.
Во таа насока во новата Управна зграда на приземјето има дури 15 шалтери, за разлика од 5-те во минатото, за да нема повеќе талкања, турканици и гужви, а граѓаните брзо и на достоинствен начин можат сега да си ги подмируваат своите сметки или да ја добијат информацијата која им треба.
Со модернизирањето на објектот на водовот, корсниците можат на побрз и поквалитетен начин да ги завршат своите обврски и во пријатен амбиент. Внатрешните фонтани кои капат од таванот надолу го галат сетилото за естетика. На вработените исто така тука им се пружени сите услови за беспрекорно функционирање, како просторно, така и технички.
Новата Управна зграда на ЈП Водовод и канализација - Скопје е целосно енергетски ефикасна, во насока на поголемо штедење и зачувување на топлинската енергија, објектот се простира на корисна површина од преку 10.000 квадратни метри и има подземна гаража со капацитет за 138 возила.
Истата е на 5 спрата и 3 подземни нивоа. На приземјето се сместени наплатната служба и архивата, на првиот спрат е сместена службата за сметководство, финансии, јавни набавки и комерција, на вториот спрат Правната служба и IT секторот, на третиот спрат техничкиот сектор, оделението за ревизија, оделението за професионална одговорност и оделението за контрола на корисниците.
Реагираше Bukefal