[Лепливо] 🚧Гранд Скопје(спроти Холидеј Ин)

stef4o · 2026-03-09T07:54:42Z

GRAND RIVER Станбено-деловниот објект Grand River е лоциран во центарот на градот Скопје, на самиот кеј на реката Вардар, во динамична и урбана средина, и во опкружување со најразлични намени и содржини. Како дел од комплексот Гранд Скопје, објектот со својата станбено-деловна содржина претставува збогатување на околината, и можност за ново доживување во самиот центар на Скопје. Проектиран е согласно највисоките архитектонски стандарди и нормативи за енергетско ефикасни објекти кои имаат минимално влијание врз животната средина. Како и во самиот комплекс, така и во овој објект, посебно внимание е посветено на изнаоѓање инвентивни решенија за поставување и внесување на што повеќе ниско и високо зеленило во просториите за живеење. Заложбата за комуникација на објектот со природата и околината се гледа и во употребата на големи прозорски отвори, како и стаклени огради на терасите кои што ќе овозможат непречена панорама кон градот и неговото пошироко опкружување. Големите стаклени површини покрај тоа што овозможуваат убави визури, обезбедуваат и доволно светло за комфорен престој во домот. Фасадата е обработена со современи и високо квалитетни материјали кои формираат ненаметливи облини што се менуваат на секој кат на самиот објект, создавајќи на тој начин динамичност и впечаток на скулптура во просторот. Еколошките материјали, модерниот архитектонски израз како и употребата на високо квалитетни сигурносни системи му даваат единствен белег на објектот Grand River со што се овозможува висок квалитет на живеење и стандард повеќе во безбедното домување. GRAND VIEW Заложбата за модерен објект кој нуди квалитетен и комфорен живот продолжува со станбено-деловната зграда GRAND VIEW. Сместена во непосредна близина на Grand River, зградата GRAND VIEW нуди прекрасни визури кон неверојатното опкружување и, со своите содржини, претставува значајно збогатување на комплексот Гранд Скопје. Локалите на приземјето се директно поврзани со отворената шопинг улица, формирајќи уникатна целина со објектот, додека деловниот простор, лоциран на првите два ката и опкружен со изобилно зеленило, нуди пријатна и релаксирана работна средина. Станбените единици, распоредени по катовите, се карактеризираат со различна површина, функционална диспозиција и ориентација. Употребата на квалитетни материјали и вградените сигурносни системи ги прават овие станови удобно и безбедно место за живеење. Со прозори од под до плафон, становите во овој објект овозможуваат целосно искористување на природната светлина, а неповторливите погледи кон реката Вардар, планината Водно и центарот на Скопје, достапни од секој агол на GRAND VIEW, ќе придонесат за мирни и спокојни моменти кои ќе го збогатат секојдневието на станарите. Посебен белег на овој објект се дуплекс становите, лоцирани на повисоките катови, распослани на две нивоа и целосно обвиткани со стаклена фасада. Со својот отворен план на просториите, големите стаклени површини и живописниот поглед, тие нудат уникатен спој на луксуз и функционалност, обезбедувајќи повеќе простор и приватност за своите корисници. Жителите на овие станови ќе можат да уживаат во чувството на ексклузивност и софистицираност во урбаниот начин на живот. Фасадната обработка на објектот е современа и динамична, со поместени тераси кои ја прават особено атрактивна и впечатлива. Катовите со дуплекс станови дополнително го разместуваат кубусот на објектот, истовремено нагласувајќи ги трите димензии на структурата. Со GRAND VIEW, комплексот Гранд Скопје добива уште еден симбол на додадена вредност, дополнително зацврстувајќи го приматот како Ново обележје на градот Скопје. GRAND SKOPJE BUSINESS CENTER