Известувања
Исчистете ги сите
Спортски
2
Написи
1
Корисници
2
Реакции
3
Прегледи
Стартер на тема 15/03/2026 3:31 pm
Спортскиот Центар го носи името на трагично загинатиот Претседател на Република Македонија Борис Трајковски (1956-2004). Се наоѓа на територијата на Град Скопје, во општина Карпош. Центарот е изграден од страна на Владата на Република Македонија во 2008-та година. Во состав на Спортскиот Центар “БОРИС ТРАЈКОВСКИ” се наоѓа мултифункционална спортска сала која е репрезентативен спортски објект на Република Македонија. Повеќенаменската сала се користи и за културни манифестации.
Во самиот комплекс се наоѓа и мала спортска сала која се користи за тренинзи и рекреација. Центарот располага и со ексклузивен фитнес и аеробик центар. Како дел од фитнес центарот се и повеќе сауни за релаксација на спортистите. Центарот располага и со пинг-понг клуб кој е достапен за сите посетители, а истиот е дополнет со студио за масажа. Во самиот комплекс се наоѓа и куглана, подготвена по светски стандарди од меѓународната кугларска федерација со бар.
Центарот е адаптиран по стандардите на најмодерните спортски центри во САД. Спортскиот Центар БОРИС ТРАЈКОВСКИ е сликата на спортот и положбата на здравјето и вистинскиот живот кој што е достапен за сите граѓани.
Благодарение на капиталните инвестиции на Владата на Република Македонија Спортскиот Центар БОРИС ТРАЈКОВСКИ е дополнет со хокеј арена, каде за одржување на тренинзите се амгажирани тренери, кои се експерти во овој спорт. Во овој објект на располагање на сите граѓани се и тренинзи по уметничко лизгање. Лизгалиштето е достапно и за рекреативно лизгање. Спортскиот Центар Ви ја нуди основната опрема за започнување на овој спорт (кацига, лизгалки, хокеарски стап, а достапна е и нарачка на дополнителни потребни елементи).
Атрактивна содржина е и Картинг Центарот кој има рекреативен карактер и располага со осум картинзи кои се од брендот Хонда, а безбедносната опрема е од брендот Спарко. Објектот располага и со кафе бар кој служи за релаксација по возењето.
Во рамките на Спортскиот Центар се наоѓа и Семејниот Центар - игротека Habyland. Наменета е за деца до 12 години, со посебно одвоен простор за најмалите, содржи и надворешен простор со лизгалиште и бергодром за деца до 15 години, како и пријатен кафе бар со летна тераса.
Во состав на Спортскиот Центар БОРИС ТРАЈКОВСКИ е реновираниот базен Карпош. Базенот доби нов лик, како и целосно реновирање на внатрешноста. Двата базени (мал и голем) се користат за рекреативци, пливачки и нуркачки клубови и натпревари (државни и меѓународни). Дневната посетеност е од околу 500 пливачи од сите возрасти. Објектот има и тераса со лежалки за релаксација во летниот период.
Како дел од спортскиот комплекс е и Рекреативниот центар кој нуди најразлични содржини: аеробик, пилатес, фитнес, сауна, карпа за качување и сала за ритмичка гимнастика.
Во состав на базенот е проектиран и клуб за бокс кој служи за реализација на тренинзи на боксерските клубови кои се отворени од страна на СЦ Борис Трајковски и Боксерската федерација на Р.М.
Во 2013 година СЦ Борис Трајковски се прошири со најголемиот капитален објект по Арената Борис Трајковски. На 12.000 м2 изграден е првиот Аква Парк во Скопје, кој располага со најмодерни реквизити и содржини, атрактивни за целото семејство.
Во состав на Спортскиот Центар БОРИС ТРАЈКОВСКИ се има и 4 спортски продавници.
Спортскиот Центар БОРИС ТРАЈКОВСКИ е елитен комплекс и претставува единствен центар од мултифункционален карактер на територијата на Република Македонија, како и на Балканскиот Полуостров.
Реагираше Bukefal
Стартер на тема 19/06/2026 4:52 pm
САЛАТА „БОРИС ТРАЈКОВСКИ“ СТАНУВА „Т АРЕНА“ ВО ПАРТНЕРСТВО СО „МАКЕДОНСКИ ТЕЛЕКОМ“
„Македонски Телеком“ и Спортскиот центар „Борис Трајковски“ започнуваат стратешко партнерство со кое најголемата спортска сала во земјата станува „Т Арена“. Таа наскоро ќе добие нов визуелен изглед со препознатливата магента боја на Т брендот и на надворешниот и во внатрешниот простор на салата.
„‘Т Арена‘ е многу повеќе од ново име. Таа е симбол на нашата долгорочна посветеност кон заедницата и кон вредностите што ги обединуваат луѓето – спортот, културата и заедничките искуства. Горди сме што стануваме дел од оваа приказна и веруваме дека ова ќе донесе нова енергија, нови можности и дополнителна вредност за посетителите и за целата јавност“, изјави Горан Марковиќ, главен извршен директор на „Македонски Телеком“.
Ваков вид на партнерство помеѓу водечки компании и значајни спортски објекти е одамна воспоставено во светот, а со „Т Арена“, Македонија се приклучува кон оваа успешна традиција.
„Партнерството со ‘Македонски Телеком‘ отвора ново и возбудливо поглавје во развојот на нашиот спортски центар. Заедно ќе работиме на унапредување на искуството за посетителите, привлекување нови настани и дополнително позиционирање на арената како регионален центар за спорт, култура и забава“, изјави Данијел Апостолоски, директор на СЦ „Борис Трајковски“.
Реагираше Bukefal