[Лепливо] Паркирање и паркинзи(општо)

Секоја сабота иста приказна – паркинг кај спортските терени во Ново Лисиче ни за лек

Спортските терени во Ново Лисиче, служат за одржување тренинзи, а во сабота се одржува и детска лига.

Секоја сабота, тука пристигнуваат родители кои ги носат своите деца на фудбалски натпревар или тренинг, а паркинг-место не може да се најде ни за лек.

Затоа, тревниците пред терените се полни со паркирани автомобили, а дел се паркираат и по тротоарот од спротивната страна на булеварот. Со истиот проблем се соочуваат и локалните жители, кои токму поради ова, не можат да најдат паркинг пред своите згради или во близина.

Дел од граѓаните реагираат дека проблемот е со години и дека никој до сега не го решил.

Мајки со деца во колички не можат да поминат по тротоарот од паркираните автомобили, па се симнуваат на булеварот, што е потполно небезбедно. Истиот проблем го имаат и децата кои пеш одат до терените или се враќаат од напреварот дома.

Сите оние кои намислиле саботното утро да го искористат во паркот „Авионче“, се принудени да одат по булеварот, кој од страната на паркот и терените не ни има тротоар.

Овој булевар се планира да се прошири, а за тоа амин дадоа и советниците од Град Скопје, на последната седница, но за дополнителни паркинг места – никој од надлежните не спомнува, иако како што забележуваат граѓаните кои живеат таму, на потегот од „Авионче“, до паркот кај последна „5-ка“, има место и за паркинзи и за тротоат и за дополнителни паркови…

Погледнете како тоа изгледа секоја сабота:

Овие забелешки поткрепени со фотографии редовно се постираат на Фејсбук страниците „Општина Аеродром – пријави проблем“ и „Општина Аеродром – Граѓанска патрола“, но ниту кај општината, ниту во Градот Скопје се нема слух за проблемот.

Не е тешко да се размисли дека таму треба да се изгради паркинг наменет за спортските терени, на кој пристап ќе имаат родителите кои ги носат децата на натпревар или тренинг, кои редовно се одржуваат во утринските часови, а потоа да служи за околните граѓни. Но, за тоа пак, треба да се постави управа и редари. Очигледно, за сите досегашни власти, вклучително и последната, тоа е преголем залак.

[ https://nezavisen.mk/sekoja-sabota-ista-prikazna-parking-kaj-sportskite-tereni-vo-novo-lisiche-ni-za-lek/ ]

Денес, заедно со градоначалникот на Општина Аеродром, Дејан Митески и директорот на ЈП „Градски паркинг“, Владимир Кроневски, го означивме почетокот на нов, современ начин на користење на услугите, како и стартот на новата зона D12, лоцирана во Реонскиот центар во Општина Аеродром.
Станува збор за простор кој се уредуваше во повеќе фази, поради неговата големина и значење.
По добивањето на сообраќајното решение, пристапивме кон целосно уредување на јавната површина со поставување на вертикална и хоризонтална сигнализација, со што во функција се ставаат 1302 паркинг места, дополнети со 32 наменети за лица со попреченост, односно вкупно 1334 уредени паркинг позиции.
Зоната ги опфаќа улиците 1612 и 1613, односно целиот Реонски центар.
Од 1 април, сите станари, како и физичките и правните лица со издадена дозвола, ќе можат да паркираат исклучиво во зоната за која ја поседуваат дозволата.
Станарите добиваат можност за две бесплатни дозволи за станарски возила, а право на паркирање ќе имаат и вработените во правни субјекти кои гравитираат на зоната, како и останатите заинтересирани корисници.
За останатите, цената ќе изнесува 25 денари за час.
Канцеларијата за аплицирање се наоѓа во зградата на Рударски институт на бул. ,,Јане Сандански” бр.113.
🫵 Паралелно со ова, воведуваме и нов, дигитален пристап кон услугите.
Од 01.04.2026 година, ќе може да се поднесуваат барања за дозволи по електронски пат преку платформата „moj.parking.mk“, за сите паркиралишта под надлежност на „Градски паркинг“ - зонско паркирање, паркиралишта со рампа и катни гаражи.
Истовремено, овозможено е и онлајн плаќање на месечните и годишните дозволи, со што значително се поедноставува и забрзува целиот процес.
Дополнително, во тек е подготовка на нова зона за паркирање во Ново Лисиче, каде што веќе се поставува соодветна хоризонтална и вертикална сигнализација и дополнително ќе се пристапи кон поставување на информативни табли за зонско паркирање, која ќе овозможи 2719 места.

[ https://www.facebook.com/photo?fbid=1481266640293287&set=pcb.1481268026959815 ]

Две возила не можат да се разминат од паркирани автомобили на улицата „Фрањо Клуз“, на Мичурин му треба катна гаража

Од Општина Аеродром велат дека изградбата на катна гаража само парцијално би го решила проблемот со недостиг на паркинг-места, но тврдат дека се подготвува проект со кој ќе се подобри протокот на сообраќај.

Секојдневен сообраќаен метеж поради автомобили паркирани на едната страна на улицата, нервоза кај возачите при секој обид да се разминат два автомобили на улицата и небезбедно движење на основците што учат во училиштето „Блаже Конески“ во Мичурин. Жителите од населбата велат дека едната сообраќајна лента на улицата „Фрањо Клуз“ постојано е блокирана од непрописно паркирани возила. Според нив, гостите на локалите сместени во зградата покрај улицата ја користат коловозната лента како приватен паркинг.

Од Општина Аеродром велат дека изградбата на катна гаража само парцијално би го решила проблемот со недостиг на паркинг-места, но тврдат дека се подготвува проект со кој ќе се подобри протокот на сообраќај.

Секојдневен сообраќаен метеж поради автомобили паркирани на едната страна на улицата, нервоза кај возачите при секој обид да се разминат два автомобили на улицата и небезбедно движење на основците што учат во училиштето „Блаже Конески“ во Мичурин. Жителите од населбата велат дека едната сообраќајна лента на улицата „Фрањо Клуз“ постојано е блокирана од непрописно паркирани возила. Според нив, гостите на локалите сместени во зградата покрај улицата ја користат коловозната лента како приватен паркинг.

Добиј ги најважните вести, бесплатно на Viber
Препорачано
Ева Лонгорија ја напушти Америка поради Трамп, сега за првпат проговори за тоа: „Ми недостасуваат само две работи“
Тотенхем ќе се обиде со психолог да се спаси од најголемиот срам во својата историја
Мајмуни на Гибралтар јадат земја поради туристите, научници ја открија причината
НАЈНОВО НА SPORT.COM.MK
Милер-Мекинтаер пред премин во Олимпијакос?
Го бараше Баерн и Барселона, он го одбра Бешикташ
Баерн по шест години ќе игра за германскиот Куп трофеј!
Во објава на фејсбук-групата „Аеродромци“, жителите предупредуваат и на сериозен безбедносен ризик, особено поради близината на училиштето. Во утринските и во попладневните часови, кога децата доаѓаат и си заминуваат од настава, ситуацијата дополнително се влошува. Како што велат, проблем е и тоа што поради постојаниот сообраќаен метеж тука тешко може да се пробие возило на Брза помош или пожарна.

Граѓаните тврдат дека и покрај нивните многубројни поплаки, досега нема конкретна реакција од надлежните институции. Апелираат да има засилени контроли, казни за несовесните возачи и трајно решение што ќе го врати нормалното одвивање на сообраќајот.

Дел од нив сметаат дека најголем проблем е што нема доволно простор за паркирање, па сметаат дека треба да се изгради катна гаража, но укажуваат и на фактот дека и самите станари паркираат на улицата, затоа што поседуваат повеќе возила, а имаат купено едно или две гаражни места во подземните гаражи во зградите. Некои, пак, воопшто немаат купено гаражно место поради тоа што се продава и по 8 илјади евра.

Воопшто при изградбата на зградите не е размислено за гости, за вработени или за луѓе под кирија. Едноставно нема паркинг. Со години наназад се даваа дозволи за изградба на згради, се полнеа џебови. Решение би било некоја катна гаража, но каде да се стави? – реагира жител на Мичурин.

И други граѓани се согласуваат дека надлежните требале да предвидат и изградба на катна гаража на овој простор, затоа што тука има бројно население и голема фреквенција на возила. Покрај тоа, тука е и училиштето пред кое застануваат родители со автомобили за да ги однесат или да ги земат децата.

Тука требаше да се изведе мала улица помеѓу школото и балон салата, да се спојат двете големи улици и да се растовари движењето. Ама така не се размислува, па сега сите што живеат на овој потег, од двете страни на ОУ „Блаже Конески“, живеат со овој проблем, гужва во сообраќај, непрописно паркирање. Да се изгради катна гаража е решение, за привремено паркирање, додека сè уште има место. Општината нека изнајде решение – коментира Соња С., која предлага и локација на која би можела да се изгради катна гаража во Мичурин – на платото до маркетот „Стокомак“ на улица „Симеон Кавракиров“.

На прашањето дали се планира некаков проект поврзан со паркирањето во овој дел од Аеродром или можеби изградба на некое паркиралиште или катна гаража, од Општина Аеродром велат дека изградбата на катна гаража само парцијално би го решила проблемот со недостиг на паркинг-места, но дека се подготвува проект со кој ќе се подобри протокот на сообраќај.

Општина Аеродром изработува сообраќаен проект за подрачјата на Стар Аеродром и Мичурин, со цел подобрување на сообраќајниот режим. Предвидено е воведување еднонасочни улици, како и дефинирање една сообраќајна лента за паркирање, со што се очекува поголема проточност и зголемена безбедност во сообраќајот. Во однос на предлозите за изградба на катни гаражи, ваквото решение би имало ограничен ефект, односно би го решил парцијално прашањето со паркирањето, без да се понуди сеопфатно и долгорочно решение – велат од Аеродром.

Како што тврдат од Општината, во меѓувреме до Министерството за внатрешни работи се доставени повеќе телефонски пријави за непрописно паркирани возила, по кои институцијата постапува согласно своите надлежности.

Апелираме до граѓаните доколку забележат вакви прекршоци, да ги пријавуваат директно во полиција. Воедно, нагласуваме дека регулирањето на сообраќајот е во надлежност на други институции, додека Општина Аеродром активно придонесува преку изработка на стратегиски и плански решенија за подобрување на состојбите на терен – објаснуваат од локалната самоуправа.

Улицата „Фрањо Клуз“ е во градска надлежност и неодамна беше реконструирана.

Во должина од еден километар се изведуваат нови тротоари, се поставува современо улично осветлување и се гради нова атмосферска канализација. Реконструкцијата опфаќа нов тампон, двослоен асфалт, нови рабници, а во овој момент интензивно се асфалтираат тротоарите – соопшти тогаш градоначалникот Орце Ѓорѓиевски.

Сега граѓаните веќе не ги кршат автомобилите од оштетувањата на асфалтот и на дупките, но сообраќајниот метеж и понатаму остана.

[ https://www.slobodenpecat.mk/dve-vozila-ne-mozhat-da-se-razminat-od-parkirani-avtomobili-na-ulicata-franjo-kluz-na-michurin-mu-treba-katna-garazha/ ]

ПОСКАПЕ ПАРКИРАЊЕТО ВО ОПШТИНА ЦЕНТАР, ВТОРА КОЛА ЗА СТАНАРИ ОД 250 НА 500 ДЕНАРИ МЕСЕЧНО, МЕСЕЧЕН БИЛЕТ ОД 2.000 НА 2.500 ДЕНАРИ

ЈП „Паркинзи Општина Центар“ (ПОЦ) поскапе дел од картите за паркирање. Нови цени има за месечните билети, дневните припејд карти, пајакот и за дел од услугите за станарите.

Според новата одлука донесена на последната седница на Советот на Општина Центар, станарите за второ возило наместо 250 денари, ќе плаќаат 500 денари месечно, а за трето возило цената од 1.200 денари се зголемува на 1.500 денари месечно.

Промени има во цените кај зонското комерцијално паркирање во зоните 1 и 2 во делот на дневните карти, кои поскапуваат за 100 денари, односно од 300 на 400 денари, дневните припејд карти поскапуваат за 200 денари, односно од 800 на 1.000 денари во зона 1 и од 700 на 900 во зона 2. Месечната мобилна бизнис карта, која ја користат правните субјекти, поскапува за 500 денари, од 2.000 на 2.500 денари.

За вработените во деловните субјекти со седиште во опфат на некое од јавните паркиралишта со кои стопанисува претпријатието, цената се зголемува од 2.000 на 3.000 денари. За службените возила на правните субјекти на паркиралиштата од затворен тип месечната карта ќе изнесува 4.000 денари, односно поскапува за 1.000 денари.

Пајакот поскапува за 500 денари, односно за подигната погрешно паркирана кола, сопственикот наместо 3.500 денари, ќе плати 4.000.

Од ПОЦ велат дека главна причина за корекциите на дел од цените е воспоставување појасен, поправеден и поодржлив систем на користење на јавните паркиралишта.

„При предложените измени беа земени предвид ставови и искуства добиени преку маалските средби одржани директно со жителите, отворени денови организирани од Општина Центар, како и мислења и препораки од искусни сообраќајни инженери и вработени со долгогодишно практично искуство во областа на паркирањето. Истовремено, при подготовката на новите решенија беа анализирани и позитивни практики од развиени европски градови, каде паркинг политиките се темелат на појасни правила, приоритет на жителите во местото на живеење, одржливо користење на јавниот простор и континуирани инвестиции во системот. Важен е и економскиот аспект, при што треба да се има предвид дека поголем дел од овие цени не биле променети повеќе од четири години, а некои од нив и повеќе од една деценија. Во тој изминат период, значително се зголемија оперативните трошоци, од одржување и опрема, до енергенси и работна сила, што директно влијае врз функционирањето на претпријатието“, велат од претпријатието.

[ https://sdk.mk/index.php/dopisna-mrezha/poskape-parkiraneto-vo-opshtina-tsentar-vtora-kola-za-stanari-od-250-na-500-denari-mesechno-mesechen-bilet-od-2-000-na-2-500-denari/ ]

ЖИТЕЛИТЕ НА ОПШТИНА ЦЕНТАР ЌЕ ПЛАЌААТ 500 ДЕНАРИ МЕСЕЧНО ЗА ПАРКИРАЊЕ НАДВОР ОД ЗОНАТА КАДЕ ШТО ЖИВЕАТ

Жителите на Општина Центар ќе плаќаат 500 денари за паркирање надвор од зоната во која живеат. Ова е предвидено со новиот ценовник на ЈП „Паркинзи Општина Центар“, кој беше усвоен на последната седница на Советот.

Досега жителите на Центар можеа да се паркираат бесплатно на сите паркинзи со кои стопанисува претпријатието, односно и во другите зони, не само во онаа каде што живеат. Тоа значи дека сега жителите на Капиштец нема да може да се паркираат во Дебар Маало или обратно. Ако сакаат да паркираат низ цела општина ќе треба да платат 500 денари месечно.

Со измените сега поскапува и паркирањето за втора кола за станари од 250 на 500 денари, а за трето возило цената од 1.200 денари се зголемува на 1.500.

Жителите на Капиштец организирани во групата „За пристоен Капиштец“ сметаат дека новиот ценовник е донесен на нетранспарентен начин, без да бидат консултирани граѓаните, ниту пак во изборната кампања градоначалникот Горан Герасимовски при средбите со жителите кажа дека ќе има зголемување на цените.

„Бараме одговорност и повлекување на донесените одлуки. Семејство со две возила регистрирани на иста адреса, почнува да плаќа 500 денари месечно или 6.000 денари годишно само за да паркира пред сопствениот блок. За три возила 2.000 денари месечно односно 24.000 денари. годишно. Ако пак некој од членовите на семејството паркира надвор од сопствениот сектор, тоа се уште 500 денари по возило месечно. Ова не е мала корекција. Ова е удар врз семејните буџети, донесен преку ноќ, без ниту еден ден консултации“, се вели во објавата на фејсбук страната „За пристоен Капиштец“.

[ https://sdk.mk/index.php/dopisna-mrezha/zhitelite-na-opshtina-tsentar-ke-plakaat-500-denari-mesechno-za-parkirane-nadvor-od-zonata-kade-shto-zhiveat/ ]

Ќе се прошири Б-зоната на „Октомвриска“, ќе се гради нов паркинг зад „Стокомак“

Во текот на наредниот месец се очекува да биде воведена Б-зоната за паркирање, која ќе го опфати булеварот „Октомвриска револуција“, на потегот од „Водовод“ до „Техномаркет“.

Од ЈП „Куманово-паркинг“ го доставиле проектот до Општина Куманово, а по добивањето на потребните одобренија ќе започне неговата имплементација.

„Можам да најавам дека проектот за Б-зоната е ревидиран и завршен. Во текот на денот ќе биде доставен до Општина Куманово, која потоа ќе го проследи до СВР Куманово. Откако ќе добиеме одобрение од СВР, се надевам дека до средината на наредниот месец ќе започне исцртувањето и реализацијата на проектот“, изјави директорот Андреја Маџовски на последната седница на Советот на Општина Куманово.

Со ребалансот на буџетот е предвидена и изградба на нов паркинг зад „Стокомак“, за што се планирани 2 милиони денари.

Градоначалникот на Куманово, Максим Димитриевски, исто така најави дека наскоро ќе се прошири Б-зоната и потсети дека, како што ветил во предизборната кампања, граѓаните што живеат на тие адреси ќе имаат бесплатен паркинг, додека останатите ќе плаќаат според важечкиот ценовник.

Во моментов се расчистува и локалитетот Табакана, каде што е планирана изградба на нов паркинг и сквер.

Исцртувањето на втората зона на булеварот „Октомвриска револуција“ беше актуелно и пред четири години, но тогаш не беше прифатено од жителите, кои сметаа дека тоа нема да го реши сообраќајниот хаос во населбата доколку претходно не се изградат нови паркинг-места, туку само се обележат постојните.

Една од причините за тогашниот отпор кон воведувањето на Б-зоната беше и селективната наплата на паркингот. Додека во еден дел од градот се проширува зоната, во други делови не функционира и не се наплаќа паркинг ниту во А-зоната, во центарот на градот.

Тогаш, градоначалникот Димитриевски ја повлече точката за воведување на зонско паркирање на „Октомвриска“, велејќи дека не сака да оди против волјата на граѓаните.

Од Месната заедница „Панче Пешев“ сега велат дека очекуваат средба со директорот на „Куманово-паркинг“, на која треба да им биде објаснето што се ќе биде опфатено со проектот, како за и условите за паркирање за жителите на населбата, особено во однос на бројот на возила по семејство.

Тие додаваат дека, откако ќе ги добијат сите детали, ќе свикаат собир со жителите за да се изјаснат дали понудените услови се прифатливи за нив.

„Покрај паркингот кај „Стокомак“ каде треба да има нови 60 паркинг места, беше договорено да се уреди и просторот пред зградата 28А, а колку што гледаме тоа не е предвидено во програмата. Мора да се исполнат сите услови за да се согласиме да профункционира Б-зоната“, велат од Месната заедница „Панче Пешев“.

Во новата зона Б планирано е ќе се исцртаат 440 паркинг места, а на тој простор има 630 станови и над 700 возила.

Жителите се поделени околу воведувањето на Б-зоната. Додека едни сметаат дека таа нема да го реши проблемот, туку ќе создаде дополнителен хаос, други веруваат дека тоа е единственото решение за сообраќајниот метеж и за паркирањето на возилата од приградските населби.

[ https://kumanovonews.mk/vesti/kje-se-voveduva-b-zonata-na-oktomvriska-kje-se-gradi-nov-parking-zad-stokomak ]

СЕ ПОДГОТВУВА НОВ СОФТВЕР ЗА ПАРКИРАЊЕТО ВО КАВАДАРЦИ
На наредна седница на кавадаречкиот совет ќе се разгледува ново софтверско решение за паркирањето во градот кое ќе донесе новини и поволности за граѓаните – рече градоначалникот Митко Јанчев во однос на поднесената иницијатива од советничката група на СДСМ за измена на правилата за паркирање во Кавадарци со цел воведување на поправеден систем за граѓаните.

https://www.facebook.com/share/v/194PdCUsDy/