Изминатиов период се одвива процес на реконструкција на студентските домови Стив Наумов и Кузман Јосифовски Питу

Мај 2025-Стив Наумов

Мај 2025-К.Ј.Питу

....

[ https://www.facebook.com/profile.php?id=61561566237158 ]

НЕМА ВЕЌЕ БРКАЊЕ ГЛОДАРИ И ИНСЕКТИ, НЕМА ПРОМАЈА, РЕЧЕ ЈАНЕВСКА ЗА РЕКОНСТРУИРАНИТЕ СТУДЕНТСКИ ДОМОВИ КОИ ЌЕ СЕ ОТВОРАТ НА 1 ОКТОМВРИ

Од 1 октомври студентите ќе бидат сместени во реконструираните студентски домови „Стив Наумов“ и „Кузман Јосифовски-Питу“ во Скопје, а до септември најдоцна се очекува да почне реконструкција и реновирање на сите други студентски домови во Македонија, најави денеска министерката за образование и наука Весна Јаневска.

„Условите ќе бидат модерни, по високи европски стандарди за сместување, но и за енергетска ефикасност. Сигурна сум дека студентите ќе уживаат во престојот. Нема да има бркање глодари и инсекти, нема да има промаја, лепени прозорци и неисправни тоалети и бојлери. Дополнително за сето тоа да се одржува и трае, го менуваме и моделот на финансирање. Се разбира, чувањето на објектите и одржувањето на опремата зависи и од самите студенти“, рече Јаневска по увидот во градежните активности за темелна реконструкција на студентскиот дом „Стив Наумов“ во скопската населба Автокоманда.

Министерката додаде дека се обезбедени и средства за отпочнување на реконструктивни активности во другите 7 државни студентски домови, заблагодарувајќи се на Европската унија, Германската развојна банка и Фондот за инвестиции на Западен Балкан. Речен дека станува збор за вкупен буџет од околу 50 милиони евра, од кои, над 10 милиони се неповратни грантови. Станува збор за студентските домови во Охрид, Битола, Прилеп, Штип, Пелагонија и кујната во „Гоце Делчев“. Работите ќе се одвиваат истовремено во зависност од големината на домот, реконструкциите и енергетската ефикасност, а ќе траат година и половина до две години.

„За две години ќе имаме комплетно нови студентски домови со европски стандарди“, рече таа.

Министерката додаде дека нема студентски домови за богати и сиромашни и дека сите студентски домови ќе бидат со ист квалитет за сите студенти во земјата.

За тоа каде ќе престојуваат студентите додека трае реконтрукцијата, Јаневска рече дека Министерството не го пропуштило тој елемент и дека во различни градови различно се решава проблемот.

„Во дел студентите ќе бидат во закупен приватен студентски дом. Во друг град ќе бидат во обезбеден простор – интересорска соработка со две министерства, во трет град ќе бидат користени дел од ученичките домови. Ниеден студент нема да остане на улица, сите ќе си го добијат она што им следи тоа што е нивно право“, кажа таа.

Александар Каровски, директор на Државниот студентски дом во Скопје, под чија капа се студентските домови „Гоце Делчев“, „Стив Наумов“ и „Кузман Јосифовски Питу“, рече дека во објектите сѐ ќе биде ново: централно греење, ладење, тоалети, мебел.

Во однос на одржувањето на реконструираните домови вели дека очекува почитување на куќниот ред од страна на студентите, како и досега.

„Ние имаме реновиран студентски дом ‘Гоце Делчев’ пред десетина години, условите сè уште се одлични, затоа што се грижиме студентите и сите генерации да ги имаат истите услови. Затоа во тој дел како менаџери јас сум одговорен да ги одржиме условите за повеќе генерации. Инаку немаме посериозни проблеми, студентите барем кај нас во ‘Гоце Делчев’ се придржуваат кон куќниот ред и немаме некои сериозни проблеми“, рече Каровски.

За реконструкција и изградба на студентските домови ќе бидат потрошени околу 50 милиони евра, од кои 10 милиони евра се грант. Парите се обезбедени со заем од Германската развојна банка, а грантот е преку Програмата за регионална енергетска ефикасност за Западен Балкан на Европската Унија. Во план е темелно реновирање на деветте државни студентски домови во Скопје, Прилеп, Битола, Штип и во Охрид. Реконструкцијата ќе се одвива во фази. Во првата фаза се реновираат домовите „Стив Наумов“ и „Кузман Јосифовски-Питу“ во Скопје за што е склучен договор со компанијата „Штрабаг АГ“, која ги изведува градежните активности.

[ https://sdk.mk/index.php/makedonija/nema-veke-brkane-glodari-i-insekti-nema-promaja-reche-janevska-za-rekonstruiranite-studentski-domovi-koi-ke-se-otvorat-na-1-oktomvri/ ]

Јаневска изврши увид во реконструкцијата на студентскиот дом „Стив Наумов“ во Автокоманда, студенти ќе можат да се сместуваат од октомври

[ https://www.facebook.com/photo?fbid=1401452972028961&set=pcb.1401453205362271 ]

Во „Стив Наумов“ и „Кузман Јосифовски-Питу“ се обновуваат инсталации, греење, фасади и студентски соби. Дел од собите ќе имаат сопствени тоалети, а домовите ќе добијат и нови читални, менза и електронски пристап.

Резултатот? До 40% помалку потрошена енергија и подобри услови за живот и учење.

https://www.facebook.com/photo/?fbid=1482693043901662&set=a.635912398579735

До 2031 ќе имаме нови, современи и енергетски ефикасни студентски домови

Со европски средства студенските домови и ресурсни центри во земјава се обновуваат од темел. Преку проектот кој се спроведува во рамките на Регионалната програма за енергетска ефикасност (REEP) за Западен Балкан и преку Инвестициската рамка за Западен Балкан (WBIF) во моментов се врши темелна обнова на девет државни студентски домови, шест ресурсни центри за ученици со попреченост и еден ученички дом за средношколци во Скопје, Охрид, Битола, Прилеп, Штип, Струмица и Велес.

Повеќето од овие згради се изградени во педесеттите и шеесеттите години на минатиот век, а студентскиот дом во Битола потекнува уште од 18 век .

Принципот на реконструкцијата е холистички и не се сведува само на воведување енергетска ефикасност. Другите мерки, како обнова на санитарните инсталации и електричната опрема, мерките за безбедност или подобрувањето на заедничките простории за учење — ќе донесат нова, современа средина за живот и учење за повеќе од 5.000 студенти и ученици. Дополнително, таму каде што е соодветно ќе се применат и решенија за обновлива енергија. Еден од клучните елементи ќе биде и поттикнувањето промени во однесувањето на студентите, учениците и вработените кон поголема енергетска свесност.

„Најевтината и најчистата енергија е онаа, која никогаш не ја трошиме. Со повеќе од 21 милион евра грантови од Европската Унија преку REEP и WBIF, оваа инвестиција ги намалува емисиите и истовремено ја менува секојдневната реалност на илјадници студенти и ученици. Ова е Зелената агенда во својата најопиплива форма и дел од патот на Северна Македонија кон Европската Унија.“, вели Стефано Елеро, Шеф на Сектор за соработка, Делегација на Европската Унија во Северна Македонија.

Проектот се спроведува во три фази.

Фаза 1 опфаќа два дома: „Стив Наумов“ во Скопје, каде што наскоро се очекува завршување и предавање на објектот во употреба; „Кузман Јосифовски Питу“ во Скопје, кој треба да биде завршен најдоцна до крајот на годината.

Фаза 2 ги опфаќа преостанатите седум домови, со тендери во завршна фаза, а наскоро се очекува да започнат реконструктивните активности и во „Никола Карев“ во Охрид.

Фаза 3 ги опфаќа ресурсните центри и ученичкиот дом, а проектирањето започна во април оваа година. Проектот се очекува да биде завршен во 2031 година.

Четири домови — во Охрид, Прилеп, Штип и домот „Томе Стефановски Сениќ“ во Скопје — ќе бидат обновени според уште повисок стандард, близу до нивото на згради со речиси нулта потрошувачка на енергија (NZEB), со стручна проектантска поддршка од германскиот Фраунхофер институт.

„Она што новинарите го видоа не е визуелизација, туку завршена зграда. Ова е темелна рехабилитација — сè се обновува, од конструкцијата до системите, кои трошат енергија — и токму затоа намалувањето на потребата за енергија е околу 56 отсто по дом, а не десет или петнаесет. Четири згради одат чекор понатаму, близу до NZEB стандардот, со проектантска поддршка од Фраунхофер институтот.“, вели Роберт Шарламанов од KfW Скопје.

По обновата, вкупната потреба за енергија по дом се намалува за просечно 56 проценти, а емисиите на CO₂ за 49 проценти. На ниво на целиот проект тоа значи заштеди од 7.700 MWh годишно и 3.400 тони CO₂ годишно, при што обновливите извори учествуваат со околу 12 проценти во потрошувачката на енергија.

„За KfW ова е долгорочна обврска — до 2031 година, низ три фази, финансирана преку комбинација на заеми, грантови и поддршка од Европската Унија. Токму грантот овозможува сериозна и темелна, а не козметичка обнова: без неа, работите би биле поплитки, а заштедите далеку помали. Она што се добива е инфраструктура што ќе троши помалку енергија многу години што доаѓаат.“, вели Оливер Јунгер, портфолио менаџер, Развојна банка KfW, Франкфурт.

Вкупниот расположлив буџет изнесува 85,56 милиони евра: заеми од KfW во износ од 60 милиони евра; грантови од Европската Унија во износ од 21 милион евра преку Инвестициската рамка за Западен Балкан (WBIF); и 3,85 милиони евра од Министерството за образование и наука.

Реализација на проектот ќе трае до декември 2031 година. Се очекуваат и дополнителни финансиски средства, со што проектот во перспектива би надминал 100 милиони евра.

https://fokus.mk/do-2031ke-imame-novifg-sovremeni-i-energetski-efikasni-studentski-domovi/

Денеска присуствував на пуштањето во употреба на реконструираниот студентски дом „Стив Наумов“ во Скопје, современ објект во кој 1.150 студенти ќе ја градат својата иднина во услови достојни за европските стандарди.

https://www.facebook.com/photo/?fbid=1696376488510937&set=pcb.1696378738510712