Набавка на нови автобуси ЈСП-Икарус

Во најдобар случај првите 30 автобуси за ЈСП ќе стигнат до Нова година – да не се радуваме пред време

Откако Министерството за транспорт го објави вториот јавен повик за набавка на нови 150 еко-автобуси, дел од советниците во Советот на Град Скопје тврдат дека „не треба да се радуваме пред време“.

Советничката Катерина Јовановски појаснува дека според јавниот повик, новите автобуси ќе пристигнуваат на рати.

„30 автобуси во рок од 6 месеци од потпишувањето на договорот со добавувачот, 60 автобуси во рок од 12 месеци и уште 60 автобуси во рок од 18 месеци и сето ова под услов да биде успешен јавниот повик, односно да не пропадне ко првиот. Што значи, во најдобар случај првите неколку нови автобуси ќе стигнат пред Нова година. Останатите здравје, негде околу 2028 година. Дотогаш и овие што сега ги имаме ќе се испорасипат“, тврди Јовановски, додавајќи дека да гласаа ВМРО-ДПМНЕ пред 4 години досега автобусите веќе ќе беа овде, ама, како што вели, „не гласаа и мува не ги лази за тоа“.

„Трпете и ќутете си. Си ги гласавте“, стои во објавата на советничката од редовите на Левица.

Инаку, градоначалникот Орце Ѓорѓиевски, пред некое време рече дека првите автобуси ги очекува првите автобуси да стигнат до јуни, потоа излезе огласот, па очекувањата се пролонгираа на шест месеци, до почетокот на септември и сето тоа само доколку јавниот повик успее.

[ https://nezavisen.mk/vo-najdobar-sluchaj-prvite-30-avtobusi-za-jsp-kje-stignat-do-nova-godina-da-ne-se-raduvame-pred-vreme/ ]

Ако успешно заврши постапката, првите 30 возила ќе пристигнат во септември

Тендерот што по вторпат го распиша Министерството за транспорт, за набавка на 150 електрични автобуси, е завршен.

Вицепремиерот и министер за транспорт и врски, Александар Николоски, во телевизиско гостување информираше дека засега има четири понуди, но оти согласно со законот, ќе мора да се почека дали ќе стигне нешто по пошта и веднаш по завршувањето на велигденските празници, ќе се разгледуваат понудите.

Воедно, тој нагласи дека доколку успешно заврши тендерската постапка и се избере најповолната понуда, првите 30 автобуси би требало да стигнат до септември.

Тендерот предвидува набавка на вкупно 150 електрични автобуси, од кои 100 се наменети за Скопје, а другите за другите општини во државава.

[ https://www.vecer.press/ako-uspeshno-zavrshi-postapkata-prvite-30-vozila-ke-pristignat-vo-septemvri/ ]

Унгарски „Икарус“ повторно најевтин понудувач за автобусите за ЈСП

Во однос на Jавниот повик за набавка на 150 електрични автобуси и 75 станици за полнење, информираме дека до крајниот рок понуди доставија четири компании и тоа:

– Xiamen Golden Dragon Bus Co, Ltd.

– YES -EU DENMARK A/S YUTONG

– BMC Otomotiv Sanayi ve Ticaret Anonim Sirketi
–
– IKARUS Electric Zrt во заедничка понуда со EVN

По спроведенета евалуација на понудите, Комисијата за јавни набавки утврди дека од вкупно четирите доставени понуди, согласно критериумите утвредни со Јавниот повик, два економски оператори ги исполнуваат условите да учестувуваат на електронската аукција, согласно член 59 од Законот за јавни набавки (јавното надавање) што се оддржа денеска и тоа:

– BMC Otomotiv Sanayi ve Ticaret Anonim Sirketi

– IKARUS Electric Zrt во заедничка понуда со EVN

Според одржаната електронска аукција, најниска цена достави компанијата IKARUS Electric Zrt во заедничката понуда со EVN и тоа од 3.120.956.004 денари дез ДДВ, односно 19.796.924 денари без ДДВ по единица автобус и 2.018.899 без ДДВ по единица станица за полнење.

Комисијата надлежна за спроведување на јавната набавка, предложи избор за најповолен понудувач, по што утврден е рок за жалба од десет дена.

По склучување на Договорот, најповолниот понудувач е должен да изврши испорака на автобусите и станиците за полнење по следната динамика:
-30 електрични автобуси и 15 станици за полнење да се достават во рок не подолг од шест месеци од денот на склучување на договорот
– 60 електрични автобуси и 30 станици за полнење во рок не подолг од дванаесет месеци од денот на склучување на договорот
-60 електрични автобуси и 30 станици за полнење во рок не подолг од осумнаесет месеци од денот на склучување на договорот.

Државната комисија за жалби по јавни набавки на крајот на мај го поништи тендерот за набавка на 150 електрични автобуси и 75 станици за полнење, на кој како најповолни понудувачи беа избрани унгарската компанија „Електробус-Икарус“ и австриската ЕВН.
Одлуката следела откако една од четирите компании што учествувале во јавниот повик поднела жалба до Комисијата. Ова е втор неуспешен обид на Владата за набавка на електрични автобуси. Првиот тендер, објавен во јуни 2025 година, пропаднал затоа што единствениот понудувач не ги исполнувал условите.

[ https://nezavisen.mk/ungarski-ikarus-povtorno-najevtin-ponuduvach-za-avtobusite-za-jsp/ ]