🚧Телекомуникациска кула на Водно

Поставувањето на камен темелникот на Антенскиот систем за контрола и мониторинг на радиофреквенции на територијата на Македонија свечено беше одбележан во октомври 2013 година, во присуство на премиерот Никола Груевски.

Антенската кула со футуристички изглед, чиј инвеститор е Агенцијата за електронски комуникации, треба да биде готова за 5 години, во 2018 година.

Овој објект ќе биде највисок во државата, 155 метри, со централно армиран бетонски столб на кој ќе бидат сместени четири конзолни платформи со површина од 180 до 200 квадратни метри. Тој ќе има и челично решеткаст столб, а на врвот антена.

Кулата ќе биде повеќе од двапати повисока од Милениумскиот крст, двапати повисока од зградата на МТВ, но и повисока од новите висококатници во населбата Аеродром.

Во него ќе биде сместена софистицирана опрема со помош на која АЕК ќе може да прави мониторинг на сите емитувања на радиофреквенции што ги користат операторите на јавни електронски комуникациски мрежи и услуги, јавниот радиодифузен сервис и трговските радиодифузни друштва, авионавигацијата, функционалните системи. Со тоа е планирано да се намалат можностите од појава на разни пречки.

„Поради својот специфичен изглед сметаме дека кулата ќе биде симбол за АЕК и од тие причини Агенцијата го редизајнираше своето лого во кое сега е ставен и новиот објект по кој веруваме дека со тек на времето ќе биде препознатлив и Градот Скопје“, изјави во 2013 година Роберт Ордановски, директор на АЕК, додавајќи дека „модерниот изглед на самата конструкција го прави уникатен на овие простори и неспоредлив со антенските системи кои постојат во нашата околина“.

Изведувач на градежните работи е градежното друштво „Гранит“. Основниот проект го изработи бирото „Билд“ според идејното решение од „Стоун Дизајн“, додека ревизијата на проектот ја изведе „Балкан консалтинг“.

Вредноста на договорите изнесува околу 18,5 милиони евра.

[ https://skopje2014.prizma.mk/mk/telekomunikaciska-kula-na-vodno ]

19.01.2026

Телекомуникациска кула – Водно / Павлески, Симеонов, Радовановиќ

Телекомуникациската кула се наоѓа непосредно до врвот Крстовар на планина Водно во близина на Милениумскиот крст на највисоката точка на планината. Поставена во правец север-југ, кулата претставува визуелно впечатлива вертикала во природниот пејзаж над Скопје. Објектот се издигнува од стрмна, карпеста падина и со својата висока, елегантна силуета јасно се чита од повеќе точки во градот. Проектот за кулата е изработен во 2012та година, а со градба почнува во 2013та година.

Главното армирано бетонско јадро, е високо 112,5 м и во него се сместени вертикалните комуникации и сервисни простории. Јадрото почнува да се развива од внатрешноста на двовисинки простор, налик педестал полувкопан во стрмниот терен.

Челичната обвивка се извива од 4 позиции во приземниот сегмент на јадрото со динамични, благо закривени линии кои создаваат впечаток на торзија и движење нагоре. Роговите се шират кон теренот и иако немаат носечки својства обезбедуваат стабилност на централното јадро.

Во горната зона на јадрото се распоредени четири конзолни кружни платформи со чиста, хоризонтална геометрија. Секоја од платформите е зајакната со кабловска конструкција прикачена на самото јадро. Платформите се развиваат како автономни волумени кои лебдат околу конструкцијата и го означуваат функционалното зонирање на кулата. Секоја од платформите има развиена површина од 180 до 200м2 во кои се предвидени администравните простории на Агенцијата за електронски комуникации и на Министерството за внатрешни работи. На една од платформите се наоѓа и ресторан со ротирачка платформа, која овозможува панорамски поглед кон главниот град. Ресторанот располага со капацитет за 60тина гости.

На врвот, формата на кулата постепено се прочистува и кулминира со тенок челично-решеткаст антенски столб, кој ја продолжува вертикалата и ја завршува композицијата со минималистички гест. Заедно со антената, кулата достигнува висина од 155м, правејќи ја еден од највисоките објекти во државата. Антенскиот систем поставен на кулата е наменет за предавателите на македонските оператори и за системот за контрола и мониторинг на радиофреквенциите, со што кулата добива значајна инфраструктурна улога во државната телекомуникациска мрежа.

Кулата ќе биде пуштена во употреба годинава, после 13 години од почетокот на изградба.

[ https://marh.mk/telekomunikaciska-kula-vodno/ ]

Фотки од процесот на изградба 2014-2021

[ https://www.skyscrapercity.com/threads/Скопје-Проекти-и-изградба-skopje-projects-construction.1213929/ ]

2022-2025

[ https://www.skyscrapercity.com/threads/skopje-projects-construction.874912/ ]

[ https://www.facebook.com/photo?fbid=122263096910164510&set=pcb.122263097120164510 ]

Скопје добива нов симбол – кулата на Водно пред отворање

Градежните активности на кулата на Водно се завршени. Претседателот на Комисијата за електронски комуникации во Агенцијата за електронски комуникации, Орце Симов, сподели на „Фејсбук“ дека останува уште постапката за добивање употребна дозвола, која е во тек. Се очекува употребната дозвола да ја добијат овој месец. Воедно, тој информираше и дека за објектот била поднесена апликација и за награда на „Светскиот фестивал на архитекти 2026“

Градежните активности на кулата на Водно се завршени. Претседателот на Комисијата за електронски комуникации во Агенцијата за електронски комуникации, Орце Симов, сподели на „Фејсбук“ дека останува уште постапката за добивање употребна дозвола, која е во тек. Како што наведе Симов за весникот ВЕЧЕР, се очекува употребната дозвола да ја добијат овој месец.

Воедно, тој информираше и тоа дека за објектот била поднесена апликација и за награда на „Светскиот фестивал на архитекти 2026“. Како што наведе Симов, овој месец се очекува да ја добијат употребната дозвола.

Телекомуникациската кула на Водно, е еден од најголемите инфраструктурни проекти во Скопје во изминатата деценија. Последно таа требаше да биде пуштена во употреба во октомври, минатата година, бидејќи како што објасни, Илија Кепевски, советник за логистика на директорот на Агенцијата за електронски комуникации за весникот ВЕЧЕР, требаше да се завршат уште неколку процедури.

Кулата на Водно почна да се гради во 2013 година и претставува еден од највисоките објекти во државата со 155 метри.

Како што објасни Симов, кулата е инфраструктурен телекомуникациски објект кој што има футуристички изглед и закривена форма.

– Се состои од повеќе компоненти, меѓу кои главно е бетонското јадро или столб, кој се наоѓа во централниот де на објектот и има височина од 115 метри. На него има монтирана челична решетка висока 27 метри на која операторите ќе ги монтираат своите антенски системи и на врвот на таа челична решетка од стана на Македонската радиодифузија ќе биде монтирана антена висока 15 метри – вели Симов.

Освен тоа, тој додаде дека објектот има четири платформи, секоја со површина од по 200 квадратни метри.

– Четвртата платформа е највисока и ќе биде достапна за туристите и до неа ќе имаат пристап со два лифта. Таа се врти со брзина од 360 степени, односно еден круг ќе прави за еден час – нагласи Симов.

Оваа платформа е предвидена за ротирачки-панорамски ресторан со капацитет за околу 15 маси.

– Во оваа платформа, посетителите, додека пијат кафе, ќе уживаат во прекрасниот панорамски поглед на Скопје – наведе Симов.

Простор за кафетерија е предвиден и во приземјето од кулата.

По ставањето во функција на кулата, се очекува да биде распишан јавен повик за избор на оператор кој ќе стопанисува со ресторанот. Кулата со свои средства ја градеше АЕК.

Граѓаните кои редовно се рекреираат на Водно преку социјалните мрежи тогаш жестоко реагираа на најавите за официјалното профункционирање на кулата чија изградба чини околу 1,2 милијарди денари (околу 20 милиони евра) и е околу 13 % поскапа од сумата предвидена во основниот проект. Тие се против отворање на пат за сообраќај до врвот на Водно.

Од АЕК тогаш одговорија дека, засега, до кулата ќе се стигнува како и досега, со жичница или пеш.

Дел од јавноста смета дека е потребно внимателно да се размисли за идната намена на кулата, за да не се уништи природниот амбиент на Водно. Оваа кула е изградена на надморска висина од 1.034 метри и во светот ретко се наоѓаат кули на таква надморска висина.

[ https://www.vecer.press/skopje-dobiva-nov-simbol-kulata-na-vodno-pred-otvorane/ ]