Известувања
Исчистете ги сите
Градска инфраструктура
9
Написи
1
Корисници
10
Реакции
4
Прегледи
Стартер на тема 23/03/2026 2:28 pm
27/02/2026
Се гледа напредок на изградбата на пречистителната станица во Скопје – инвеститорот задоволен
Изградбата на пречистителната станица во Скопје напредува, а треба да почне со работа во 2030 година.
Претставникот на Европската инвестициска банка, која се јавува како инвеститор во овој капитален скопски проект, Бјорн Габриел, е задоволен од напредокот во изградбата, и ги охрабрува сите инволвирани во во проектот да обезбедат сигурно поврзување на сите компоненти за проектот да може да биде испорачан на време.
„Исклучително ми е драго што бевме сведоци на вистински напредок во изградбата на пречистителната станица за отпадни води во Скопје за време на посетата на локацијата оваа недела со нашиот виш експерт за воден сектор од ЕИБ, Лијана Јанчаускиене, и други партнери во проектот!
Работите ги започна минатата година WTE Wassertechnik GmbH, со финансирање со кредит заеднички обезбедено од Европската инвестициска банка (ЕИБ) и ЕБОР. Покрај тоа, ЕИБ обезбеди 70 милиони евра грант од #ЕУ за проектот во рамките на Инвестициската рамка за Западен Балкан – WBIF на ЕУ“, пишува тој на социјалните мрежи.
Појаснува дека како водечки МФИ за овој проект во водниот сектор, ЕИБ тесно соработуваше со другите финансиери, Владата на Северна Македонија, Министерството за животна средина и просторно планирање, Градот Скопјe, неговото водоводно претпријатие „Водовод и канализација“ и тимот на Европската комисија за соседство и проширување на ЕУ во Делегацијата на ЕУ во Скопјe, за да го подготви најголемиот еколошки проект во земјата и да го постави на добар пат за негова имплементација.
„Додека се постигнува напредок, ги охрабрувам сите засегнати страни во проектот да работат рака под рака за да се осигурат дека сите поврзани компоненти на проектот можат да бидат испорачани на време – а Пречистителната станица за отпадни води во Скопјe наскоро ќе може да го покаже своето позитивно влијание во добронамерноста на граѓаните на земјата и нејзината животна средина“, вели Габриел.
Проектот го имплементира ЈП „Водовод и канализација“ Скопје, со силна поддршка од Европската Унија преку Европската банка за обнова и развој (ЕБОР) и Европската инвестициска банка (ЕИБ) за иградба на современа централна пречистителна станица за отпадни води, лоцирана помеѓу општините Гази Баба и Аеродром, која опфаќа проектна површина од 184.610 м2.
Овој екотрансформативен проект вклучува изградба на 58 објекти, од кои повеќето веќе се во активна фаза на изградба, а вклучуваат пумпна станица за сурова вода со лев и десен колектор што се протега на 1.050 м2, објект за прифаќање на површина од 470 м2, таложници за песок и маслофаќачи на површина од 1.450 м2 и дигестори кои зафаќаат површина од 2.000 м2.
Со изградбата на пречистителната станица се обезбедува примарен и секундарен третман, со користење на најсовремена технологија и опрема за биолошки третман на отпадни води. Овој проект има за цел значително да го подобри квалитетот на површинските и подземните води, со што ќе се придонесе за целокупно подобрување на состојбата на животна средина и здравјето на жителите на Скопјe.
Во април 2023, по две години одолговлекување од страна на раководството на Град Скопје и ЈП „Водовод и канализација“, беше потпишан договорот со германската фирма „ВТЕ Васертехник“ и домашната „Жикол“.
До лани, две години по потпишувањето на договорот немаше никаква информација во јавноста до каде е изградбата на прочистителната станица во Скопје, за во јуни тогашната градоначаничка Данела Арсовска да се пофали дека „Град Скопје, кој започна во исто време со градовите во регионот како Подгорица, Приштина и Бања Лука, е во најнапредна фаза на изградба на новата пречистителна станица за отпадни води, најголемиот еко-капитален проект во регионот“.
Бјорн Габриел објави фотографии од дрон од напредокот.
Проектот се состои од две фази. Пречистителната станица ќе се состои од единица за предтретман и единица за биолошки третман кои ќе се изградат во првата фаза до 2030 година. Надградбата на биолошкиот третман со цел да се вклучи и отстранување на азотот и фосфорот ќе се изгради во рамки на втората фаза на проектот (до 2045 година). Ефлуентот од третманот на отпадните води ќе се испушта во реката Вардар. Предвидениот капацитет на ПСОВ е 625.000 жители во 2030 година и 650.000 жители во 2045 година.
Европската инвестициска банка додели 70 милиони евра грант за изградба на пречистителната станица во Скопје. Со тоа, за пречистителната станица се обезбедени повеќе од 200 милиони евра.(Б.Б.)
Реагираше Bukefal
Стартер на тема 23/03/2026 9:13 pm
10.03.2026
Владата инвестира во системите за третман на отпадни води: во тек изградбата на пречистителна станица во Чучер Сандево
Заменик министерката за животна средина и просторно планирање Ане Лашкоска, заедно со претседателот на Владата Христијан Мицкоски, градоначалникот на Општина Чучер Сандево Зоран Бајовски и градоначалникот на Општина Бутел Дарко Костовски, денес извршија увид во текот на реализацијата на проектот за изградба на пречистителна станица за отпадни води во КО Кучевиште – м.в. Бара, Општина Чучер Сандево.
Проектот се реализира согласно предвидената динамика. Работите започнаа на 15 октомври 2025 година, а изведувач е „Вардарградба“ ДОО Скопје, со стручен надзор од „Филиан“ ДООЕЛ Скопје.
Досега се изведени подготвителни и земјани работи, партерно уредување, поставување геотекстил и тампонски слој, како и армирано-бетонска темелна плоча на објектот. Во тек се и работите на подземниот објект со груба решетка и препумпна станица, како и на егализациониот базен.
Овој значаен инфраструктурен проект има за цел да обезбеди подобра инфраструктура, поквалитетни услуги и почиста и посигурна животна средина за сите граѓани, со што ќе се унапредат условите за живот на локалното население и ќе се зајакне заштитата на природните ресурси и животната средина.
„Со изградбата на пречистителната станица во Чучер Сандево инвестираме околу 70 милиони денари – инвестиција која значи континуирана надградба и унапредување на системите за третман на отпадни води, зајакнување на инфраструктурата на локално и национално ниво и поздрава животна средина, со што придонесуваме за одржлив, сеопфатен и рамномерен развој на нашата држава, следејќи ги потребите на граѓаните. Денешниот увид потврди дека проектот се реализира согласно предвидената динамика и дека сме на добар пат кон негова успешна реализација, за подигнување на квалитетот на животот на граѓаните“, изјави заменик министерката Лашкоска.
Со вложувања во современи системи за отпадни води, државата продолжува да гради долгорочни решенија кои гарантираат чиста вода, здрава животна средина и повисок квалитет на живот за сегашните и идните генерации.
[ https://www.facebook.com/MOEPPMKD ]
Реагираше Bukefal
Стартер на тема 26/03/2026 8:17 pm
Пречистителната станица во Трубарево со нов рок, изградбата се пролонгира до 2027
Од Министерството за животна средина и просторно планирање појаснуваат дека било предвидено градежните работи, согласно со договорот за градба, да траат 36 месеци, но поради тоа што се чекало донесувањето на потребната урбанистичка планска документација, почетокот на градбата бил оддолжен, односно доцнел.
– Согласно со тоа, периодот за градба е продолжен за 18 месеци. Според моменталната програма за работа изработена од изведувачот, градежните активности треба да завршат во ноември 2027 година – образложуваат од Министерството за животна средина и просторно планирање.
Од Град Скопје, пак, кратко информираа дека изградбата на пречистителната станица за отпадни води за Скопје се одвива со значително забрзано темпо, при што моментално реализацијата на градежните активности изнесува околу 33 %
Скопјани сè уште не може да ја видат пречистителната станица, иако годинава требаше да заврши нејзината изградба. Градот Скопје е еден од ретките главни градови што сè уште немаат изградено станица за третман на отпадните води и на целокупната вода.
Според Министерството за животна средина и просторно планирање, изградбата на пречистителна станица за градот Скопје е еден од најголемите инфраструктурни проекти од областа на животната средина и е од исклучително значење за земјава, како од аспект на подобрување на животната средина така и од економски аспект.
Оттаму појаснуваат дека било предвидено градежните работи, согласно со договорот за градба, да траат 36 месеци, но поради тоа што се чекало донесувањето на потребната урбанистичка планска документација, почетокот на градбата бил оддолжен, односно доцнел.
– Согласно со тоа, периодот за градба е продолжен за 18 месеци – образложуваат од Министерството за животна средина и просторно планирање.
Од Град Скопје, пак, кратко информираа дека изградбата на пречистителната станица за отпадни води за Скопје се одвива со значително забрзано темпо, при што моментално реализацијата на градежните активности изнесува околу 33 %.
– Завршувањето на проектот ќе се реализира согласно со утврдениот рок, a во наредниот период ќе информираме дополнително за организацијата на посетата за медиумите, со цел запознавање со тековните активности на терен – одговорија градските власти во врска со изградбата на пречистителната станица.
И од Министерството потврдуваат дека во моментот активно се работи на терен и додаваат дека, согласно со последниот месечен извештај, процентот на реализација на градежните работи е околу 25 %.
Оттаму нагласуваат дека според моменталната програма за работа изработена од изведувачот, градежните активности треба да завршат во ноември 2027 година.
– Потоа ќе следува период на пробна работа од 24 месеци и гарантен период од 12 месеци – потенцираат од Министерството.
Инаку, капацитетот на пречистителната станица е за 650.000 жители и ќе ги опфаќа отпадните води од целото градско подрачје.
Промотор на проектот (односно носител на договорот ) е ЈП „Водовод и канализација“, додека изведувач на проектот е конзорциумот: германската фирма „ВТЕ Васертехник“ – WTE и домашната „Жикол“. Надзорот е на групацијата WSP/IRD. Договорот за изградба е потпишан во април 2023 година.
Проектот чини 186 милиони евра и е финансиран со средства од европските финансиски институции, и тоа: заем (кредит) од EIB – 68 милиони евра; заем (кредит) од EBRD – 58 милиони евра и WBIF Grant (неповратни средства) од вкупно 69.784.283 евра, од кои 64.503.536 за изградбата, а остатокот за услугите (надзор и консултанти).
Како што велат од Министерството за животна средина и просторно планирање, ова е највисок грант досега доделен во областа на животната средина од страна на Европската Унија.
Еден од најважните инфраструктурни објекти за главниот град, кој треба да обезбеди пречистување на отпадните води што завршуваат во реката Вардар, почна да се гради пред точно една година.
Според проектот, ќе се вршат примарно механичко пречистување и секундарно биолошко пречистување на отпадната вода. Тињата создадена во процесот ќе биде обработена со издвојување биогас, а остатокот ќе биде согоруван. Целиот процес ќе предвидува згуснување, варење, сушење и согорување на тињата на самото место.
Постапката за пречистителната станица започна во декември 2019 година, а тендерот беше распишан во јуни 2020 година и тогаш беше кажано дека со тоа трајно ќе се реши проблемот со отпадните води, од кои најмногу страда Вардар.
Инаку, со овој проект почна расколот на поранешната скопска градоначалничка Данела Арсовска правија со ВМРО-ДПМНЕ во септември 2022 година. Таа го обвини тогашниот директор на ЈП „Водовод и канализација“, Златко Перински, дека влијаел на тендерската постапка, поради што беше разрешен од директорската функција.
Но, потпретседателката на Европската инвестициска банка, Лилјана Павлова, потврди дека тендерот за изградба на пречистителната станица во Скопје се одвивал без проблеми, посочувајќи дека тие следеле посебни правила и процедури и вршеле надзор со вонредни и редовни контроли на процесот на јавна набавка.
Пречистителната станица за отпадни води ќе се простира на површина од 13 хектари во Општина Гази Баба, на левиот брег на Вардар, во областа Трубарево. Откако ќе биде пуштена во функција, ќе може безбедно да ја третира и прочистува водата. Третираната вода ќе има врвен квалитет, согласно со европските стандарди. Ќе се намали и протекувањето, па 70 проценти од искористената вода ќе може да се употреби, што е од суштинско значење во период на климатски промени и зголемување на урбаното население. Тоа ќе помогне и водата од Вардар да биде помалку загадена.
Реагираше Bukefal
Стартер на тема 06/04/2026 8:31 am
Skopje Wastewater Treatment Plant
Project Description
This investment project will design and build a central wastewater treatment plant for Skopje, the capital of North Macedonia. The plant will service nine of the ten municipalities of the city, with a capacity for dealing with 625,000 people.
Currently, the wastewater generated by the city is discharged without treatment into the Vardar River, a major cross-border watercourse that flows into Greece. This investment will deliver significant environmental benefits, improve living standards, and contribute to the country’s compliance with the EU acquis.
The EU has provided technical assistance for investment preparation and co-funds the project under Flagship 7 - Waste and wastewater management - of the Economic and Investment Plan for the Western Balkans through the WBIF.
Results and Benefits
• New wastewater treatment plant with an installed capacity of 650,000 population equivalent.
• Sustainable wastewater treatment services and increased efficiency of wastewater collection for 518,000 people living in Skopje.
• 155 new jobs created during the construction and operation of the wastewater treatment plant.
• Improved surface and groundwater quality in the area and downstream due to adequate treatment of wastewater and sludge.
• Compliance with EU Water and Environment Directives and international best practices in the field.
[ https://www.wbif.eu/project/PRJ-MKD-ENV-002 ]
Реагираше Bukefal
Стартер на тема 27/04/2026 12:47 pm
Изградба на пречистителна станица во Скопје.
[ https://www.facebook.com/photo/?fbid=1593550769176791&set=a.565133375351874 ]
Реагираше Bukefal
Стартер на тема 30/05/2026 3:39 pm
Во 2025 година пречистени само 20,6 отсто од отпадните води
Во 2025 година деловните субјекти зафатиле 6.067 милиони кубни метри вода, од кои 3.096 милиони кубни метри биле користени, а 3.046 милиони кубни метри се испуштени како отпадни води, при што само 629 милиони кубни метри, односно 20,6 проценти биле пречистени. Вкупната зафатена вода е намалена за 11,3 проценти во однос на 2024 година. Според потеклото, речиси половина од водата или 49,7 проценти, е зафатена од површински извори.
Последните податоци на Државниот завод за статистика покажуваат дека за Користење и заштита на водите од загадување кај деловните субјекти во 2025 година, вкупно, претпријатијата зафатиле 6.067 милиони кубни метри вода, при што најголем дел, 99 проценти, отпаѓа на секторот за снабдување со електрична енергија, гас, пареа и климатизација.
Во 2025 година се користени 3.096 милиони кубни метри вода, што претставува намалување од 10,6 проценти во однос на претходната година. Од ова количество, најголемиот дел повторно припаѓа на енергетскиот сектор со 3.033 милиони кубни метри.
Во однос на другите дејности, преработувачката индустрија користела 42 милиони кубни метри вода, рударството 12 милиони, земјоделството 4 милиони, снабдувањето со вода и управувањето со отпад 4 милиони, додека градежништвото користело 2 милиона кубни метри.
Најголеми количини отпадни води повторно доаѓаат од секторот за снабдување со електрична енергија, гас и пареа – 3.021 милиони кубни метри, од кои 624 милиони се пречистени.
Кај останатите дејности, испуштените количества се пониски: преработувачката индустрија испуштила 14 милиони кубни метри (од кои 2 милиона се пречистени), рударството 2 милиона (исто толку и пречистени), земјоделството 2 милиона без пречистување, додека снабдувањето со вода и управувањето со отпад и градежништвото испуштиле по 4, односно 2 милиона кубни метри без регистрирано пречистување.
[ https://www.sitel.com.mk/vo-2025-godina-prechisteni-samo-206-otsto-od-otpadnite-vodi ]
Реагираше Bukefal
Стартер на тема 17/07/2026 3:21 pm
14.07.2026
Работникот што загина при пад од скеле на Пречистителната станица не носел заштитно јаже
[ https://www.youtube.com/watch?v=1wb80jylNHY ]
Забраната за работа на објектот на Пречистителната станица во Скопје, каде што при пад од височина загина работник во петокот, ќе трае до отстранувањето на недостатоците, велат во Државниот инспекторат за труд за Телма. На градилиштето на Пречистителната станица се работи на 58 објекти. Работата на останатите објекти продолжува. 52-годишниот работник бил во редовен работен однос, на работно место тесар и загинал при пад од околу 20 метри при демонтажа на скеле.
Трудовите инспектори констатирале дека на градилиштето немало колективна заштита, односно немало заштитни мрежи или други мерки за заштита на скелето од пад од височина, а работникот немал ни лична заштитна опрема, односно не бил врзан со сигурносно јаже. Начините за заштита треба да бидат опишани во планот за безбедност и здравје при работа, но трудовиот инспекторат во моментов ја нема комплетната документација, зашто сопствениците на фирмата се во Германија.
По насоки на јавен обвинител, телото било однесено на обдукција, која треба да ги утврди точните причини за смртта, а на местото на несреќата е направена фотодокументација. Пречистителната станица почна да се гради минатата година, со кредит од 136 милиони евра од Европската инвестициска банка и неповратен грант од 70 милиони евра од ЕУ. Инвеститор е Водовод и канализација Скопје, а го гради конзорциум од германската фирма ВТЕ Васертехник и македонската градежна фирма Жикол. До нив пративме прашања како дошло до несреќата и дали биле почитувани мерките за заштита при работа, но засега не се огласија за несреќата.
Пред неполни три месеци, еден работник загина, а четворица беа повредени на градилиште во Кисела Вода, кога ги затрупа земја во темелната јама, која не била заштитена од обрушување. Јавен обвинител изврши увид на местото и издаде наредби за постапување до различни институции. Еден месец подоцна, свлекување на земјиштето во темелна јама на градилиште на булевар Теодосиј Гологанов проголта дел од тротоарот и оштети инсталации, а багеристот кој во моментот работел, едвај спасил жива глава. По наредба на надлежните, градилиштето беше затворено, а јамата беше затрупана за да не направи штета и на околните објекти.
17.07.2026
Жикол – Жалиме за загинатиот работник, обезбедуваме заштитна опрема
Длабоко жалиме и сме потресени од трагичниот настан во кој загина работник вработен кај наш подизведувач, но за причините да ја почекаме истрагата. Безбедноста на сите лица ангажирани на проектот претставува највисок приоритет за нас, реагира градежната фирма Жикол, откако во петокот загина работник при пад од скеле на објект од Пречистителната станица во Скопје.
Трудовиот инспекторат утврдил низа неправилности со заштитните мерки – на објектот немало ниту колективна, ниту лична заштита. Скелето немало заштитни мрежи или други мерки за заштита од пад од височина, а работникот немал ни лична заштитна опрема, односно сигурносно јаже. Објектот на кој се случи несреќата е затворен до отстранување на неправилностите, соопшти Трудовиот инспекторат. На останатите објекти од Пречистителната работите продолжуваат.
Во Жикол велат дека нема да шпекулираат за причините за настанот и нема да изнесуваат претпоставки сè додека надлежните не ја завршат истрагата.
–На градилиштето се користат исклучиво сертифицирани работни скелиња, атестирана механизација и опрема, а редовно се вршат проверки на нивната техничка исправност. Дополнително, покрај личната заштитна опрема што законски ја обезбедуваат подизведувачите за своите работници, ДГТ Жикол обезбедува и дополнителна лична заштитна опрема за сите лица ангажирани на градилиштето, велат во Жикол.
Откако во понеделникот им испративме прашања како дојде до несреќата и дали се почитувале мерките за заштита при работа, а потоа ги баравме и телефонски, во Жикол денеска испратија соопштение насловено „Демант/Соопштение“. Демантираат дека е затворено целото градилиште, туку само објектот на кој се случи несреќата.
За разлика од Трудовиот инспекторат кој соопшти дека објектот е затворен до отстранување на неправилностите, во Жикол велат дека работните активности се привремено запрени заради непречено спроведување на увидот и истражните дејствија.
Синдикатот за градежништво реагираше дека инспекциите за жал излегуваат на терен само кога ќе се случи трагедија, а не и претходно да проверат дали се почитуваат заштитните мерки и оценија дека градилиштата станале минско поле. Во Жикол велат дека таквите квалификации пред завршување на истрагата се неодговорни и непрофесионални и бараат воздржаност до завршување на истрагата.
Инвеститор на Пречистителната страница е Јавното претпријатие Водовод и канализација Скопје, а изведувач е конзорциум од германската компанија ВТЕ Васертехник и македонската Жикол.
[ https://telma.com.mk/2026/07/17/zhikol-zhalime-za-zaginatiot-rabotnik-obezbeduvame-zashtitna-oprema/ ]
Реагираше Bukefal
Стартер на тема 19/07/2026 11:48 am
ЗАВРШЕНИ СЕ 40% ОД ГРАДЕЖНИТЕ РАБОТИ НА ПРЕЧИСТИТЕЛНАТА СТАНИЦА ВО СКОПЈЕ, ДВЕ ГОДИНИ ЌЕ РАБОТИ ПРОБНО И ЌЕ БИДЕ ПУШТЕНА ВО 2030
Четириесет отсто од градежните работи на пречистителната станица за отпадни води во Скопје се завршени. Како што велат од Град Скопје за САКАМДАКАЖАМ.МК, градежните работи во моментов се одвиваат со забрзано темпо и до првата половина на 2028 година треба да заврши изградбата. Потоа ќе следи пробен период на работа, по што официјално ќе биде пуштена во употреба во првата половина на 2030.
„Изградбата на пречистителната станица е комплексен зафат бидејќи се работи за најголем и најмодерен еколошки проект во нашата држава и целиот проект опфаќа изградба на околу 60 објекти. После првичниот застој поради незавршени административни процедури, како што се носење на Детален урбанистички план, експропријација на земјиште и задоцнети плаќања кон изведувачот, во моментов се работи со забрзана динамика и изгадбата се одвива согласно планираниот работен план“, велат од Град Скопје.
Проектот пречистителна станица за отпадни води во Скопје е вреден 200 милиони евра, од кои 136 милиони евра се кредит од ЕБОР и ЕИБ, а 70 милиони евра се неповратен грант од Европската Унија.
Таа ќе биде лоцирана меѓу општините Гази Баба и Аеродром, на проектна површина од 184.610 квадратни метри. Вклучува изградба на 58 објекти, од кои повеќето веќе се во активна фаза на изградба, како и пумпна станица за сирова вода со лев и десен колектор, што се протега на 1.050 квадратни метри, објект за прифаќање на површина од 470 квадратни метри и таложници за песок и маслофаќачи на површина од 1.450 квадратни метри. Со изградбата на пречистителната станица се обезбедува примарен и секундарен третман со користење на најсовремена технологија и опрема за биолошки третман на отпадни води. Овој проект има за цел значително да го подобри квалитетот на површинските и подземните води, со што ќе се придонесе за целокупно подобрување на состојбата на животната средина и здравјето на жителите на Скопјe.
Проектот почна да се реализира во мандатот на ексградоначалникот Петре Шилегов и тогаш беше најавено дека ќе заврши во 2025. Но, со доаѓањето на функција на Данела Арсовска, проектот беше закочен, па дури и претставниците на ЕБОР и ЕУ во земјава неколкупати алармираа дека не се работи на овој проект, за кој се обезбедени европски пари.
Реагираше Bukefal
Стартер на тема 21/07/2026 11:40 am
Пречистителната станица за Скопје е најголемиот и најсовремен еколошки проект во Македонија, комплексен зафат кој опфаќа изградба на околу 60 објекти кој ќе донесе историска промена во заштитата на Вардар, животната средина и здравјето на граѓаните.
[ https://www.facebook.com/1OrceGj ]