Известувања
Исчистете ги сите
Железници
2
Написи
1
Корисници
2
Реакции
2
Прегледи
Стартер на тема 16/04/2026 6:29 pm
Поврзани вести во врска со изградбата на оваа линија(Битола-Лерин-Солун) за поврзување кон Грција
20 октомври 2018
ПРУГАТА ОД БИТОЛА ЗА ГРЦИЈА ЌЕ БИДЕ ГОТОВА ДО КРАЈОТ НА ГОДИНАТА, ВЕЛИ МИНИСТЕРСТВОТО ЗА ФИНАНСИИ
Градежните работи на пругата Битола-Кременица ќе завршат до крајот на годината, вели Министерството за финансии. Со изградба на оваа делница од железницата Битола ќе се поврзе со Грција.
„Според податоците на изведувачот, досега 90 отсто од градежните работи се веќе завршени. Пругата е со должина од 17 километри. Веќе се веќе изградени девет мостови, 38 пропусти, 30 премини за животни, нова станична зграда и нова зграда за сигнализација и телекомуникации во областа Жабени. Поставени се нови шини и прагови во должина од 18 километри, како и нов оптички кабел во иста должина“, велат од Министерство за финансии.
До крајот на годината, треба машиниски да се регулира нивото на колосекот на проектираната висина, да се доградат патните премини, да се доврши магацинот во Жабени и да се постави опремата за сигнализација и телекомуникации.
„Градежните работи на пругата од Битола до Кременица почнаа во февруари годинава, а изведувач е „Штрабаг Реил Гмбх“ во конзорциум со „Штрабаг АГ“ од Австрија. Вредноста на потпишаниот договор 17,1 милиони евра. Договорот со претходниот изведувач од Бугарија беше прекинат во 2016 година, поради слаба реализација на проектот“, велат од Министерството.
Шест милиони евра се грант од Европската унија, а 11 милиони евра се од буџетот на Република Македонија.
Во мај годинава, министерот за транспорт и врски Горан Сугарески при посета на Жабени каде се гради пругата, кажа дека со изградба на оваа делница ќе се обезбеди брз пристап со железница од Пелагонија до Солунското пристаниште во Грција.
////////////////////////////////
16.04.2019
Првиот патнички воз успешно ја тестираше пругата Битола – Кременица
Успешно помина првичното тестирање на пругата од Битола до Кременина на македонско – грчката граница. Патнички воз на Железници на РСМ – Транспорт денеска направи пробно возење на пругата долга 17 километри. Екипите ја тестираа поставената сигнализација долж целата траса, вклучувајќи го и работењето на семафорите на влезот и излезот од железничките станици и рампите на железничките премини. На терен директно се воочуваа проблемите и евентуалните пречки на железничката пруга.
Неопходните тестирања на пругата означуваат дека пругата од Битола до Кременица веќе е целосно изградена. Тестирањето со возови на пругата е последна подготовка пред официјалното пуштање во употреба на втората железничка врска на Северна Македонија со Грција. Во градежниот зафат се инвестираа 17,2 милиони евра, при што 6 милиони евра беа грант од Европската Унија и 11 милиони евра беа обезбедени од државниот буџет.
Изградбата на пругата од Битола до Кременица е прв од ваков вид реализиран проект за развој на железничката инфраструктура од осамостојувањето на нашата земја. Железничката врска со соседна Грција ќе овозможи поевтин и побрз транспорт на товар за фирмите од Пелагонискиот регион, ќе понуди алтернативна траса за возовите во случај на идни затворања на граничниот премин Богородица/Евзони, а од Железници на РСМ – Транспорт веќе изјавија дека се во преговори со грчката железница TrainOSE за воведување на патнички возови меѓу Битола и Лерин.
[ https://www.publikum.mk/prviot-patnichki-voz-uspeshno-ja-testirashe-prugata-bitola-kremenitsa/ ]
////////////////////////////////////////////////////
Реагираше Bukefal
Стартер на тема 16/04/2026 6:30 pm
ВОЗ ОД БИТОЛА ЗА ГРЦИЈА ЌЕ НЕМА ОТИ ГРЦИТЕ НЕМААТ ПАРИ ДА ЈА РЕПАРИРААТ ПРУГАТА НА НИВНАТА СТРАНА, РЕЧЕ НИКОЛОСКИ
Во догледно време не е за очекување дека ќе проработи пругата од Битола за Грција, рече денеска министерот за транспорт и врски Александар Николовски при средбата со стопанствениците во Битола. Од грчка страна му било кажано дека во овој момент немаат средства да го репаририраат делот од пругата на нивната страна, а е во лоша состојба.
„Таму, за жал, не стои добро работата. Со тројца министери за транспорт од Грција сум разговарал, тројца се сменија откако јас сум министер. На нивната страна пругата не е во добра состојба и после несреќата што им се случи пред две години, кога имаше голем број жртви, нивниот железнички систем е во криза. И директно беше одговорено дека во овој момент немаат средства да ја репарираат. Така што, во догледно време не е за очекување дека ќе се отвори. Не поради нас, туку поради Грците“, рече Николоски.
Пругата од македонската страна, односно од Битола до грчка граница, беше обновена во 2019, но низ неа досега не помина воз за Грција. Место меѓународна линија, низ неа во 2023 неколку месеци беше пуштен воз на релација Битола-Жабени кој потоа запре поради неисплатливост.
Пругата од Битола за грчка граница започна да се гради во 2016, преку проект финансиран од ЕУ. Но, тогашниот бугарски конзорциум кој беше избран на тендер како главен изведувач не им ги исплати парите на подизведувачите и изградбата запре. Потоа, државата распиша нов тендер за изведувач на кој беше избрана австриската компанија „Штрабаг“. Проектот чинеше 17,2 милиони евра од кои 6 милиони евра ИПА средства, а 11 милиони евра буџетот на државата. Пругата беше изградена за 4 години.
Во социјалистичкиот период до пред четириесетина години имало железничка врска меѓу Битола и Лерин, но македонскиот воз превезувал патници до граница, а таму се префрлувале во грчки и патувале до Лерин, каде повторно се преместувале во трет за Солун.
Пругата Битола-Солун почнала да се гради во 1891, а се доградила во 1894 година. Функционирала до Балканските војни. Отогаш досега, на оваа делница не поминал воз од македонска на грчка територија.
Реагираше Bukefal