Известувања
Исчистете ги сите
Културни
6
Написи
1
Корисници
3
Реакции
6
Прегледи
Стартер на тема 26/03/2026 3:14 pm
04/09/2015
Ќе се гради споменикот на Мајка Тереза на скопскиот плоштад
Скопски „Бетон“ за 5,6 милиони евра ќе го гради новиот споменик-фонтана во чест на Мајка Тереза на плоштадот во Скопје. Тоа е исходот од електронската аукција за избор на изведувач на кој учествуваа „Бетон“ и „Урбан инвест“ од Кавадарци, чии првични понуди изнесуваа осум милиони евра, односно 6,2 милиони евра.
Изгледот на новиот објект, министерството за култура го опиша како: две независни композиции, односно две површини за градење и тоа: портал украсен со богата релјефна пластика во бел мермер на која се поставени бронзени скулптури и неколку скулптурални композиции од бел мермер, позиционирани на карпест дел обложен со травертин збогатен со водени слапови кои даваат ефект на водопади.
Министерството склучило договор и со Заводот за испитување на материјали и развој на нови технологии кои ќе вршат стручен надзор над изведување на работите на објектот.
Предвидено е фонтаната да биде изградена во рок од три години, а градежните работи ќе започнат наесен.
[ https://www.porta3.mk/kje-se-gradi-spomenikot-na-majka-tereza-na-skopskiot-ploshtad/ ]
/////////////////////////////////
4 септември 2016
НЕСУДЕНИОТ ПОДАРОК ОД СУБРАТА – СПОМЕНИКОТ МАЈКА ТЕРЕЗА ОД 5,5 МИЛИОНИ ЕВРА ТРЕБА ДА Е ГОТОВ ДО АПРИЛ
Грандиозниот споменик на Мајка Тереза на Плоштад Македонија во Скопје, кој ќе чини најмалку 5,5 милиони евра, треба да биде готов до април следната година, осум месеци по нејзиното прогласување за светица. Изградбата на 32 метри високиот споменик почна лани во октомври, а Министерството за култура, како носител на проектот, најави дека градењето треба да заврши за 18 месеци.
Просторот меѓу хотелот „Мериот“ и Офицерскиот дом на Плоштадот, веќе една година е заграден, а во градилиштето сега се гледа високо скеле. Според проектот, споменикот ќе биде објект со тераса и скалеста фонтана направена од карпести површини од травертин, за да личи на природна карпа. Централно, споменикот ќе има ангел со крилја, пониски од него ќе бидат четири ангели што седат и уште четири мали ангели.
Во фонтаната ќе има скулптури од бел мермер на Мајка Тереза со болно дете и родители, чесна сестра со инвалид, чесна сестра со болен што седи, чесна сестра со болен што лежи и чесна сестра со болен што седи на карпа.
Споменикот ќе има тераса под која ќе бидат поставени украсни скулптури, целата композиција ќе има високи столбови и украс во форма на пехар.
Скулптурата на МајкаТереза, болните деца, родителите, ангелите, чесните сестри и сите делови од споменикот ќе бидат сместени на површина од 621 квадратен метар.
Изградбата на споменикот лани почна со ноќна сеча на последните костени на Плоштадот за оформување на градилиштето, што предизвика голем револт и бурни реакции кај скопјани.
Јавноста бурно го проследи и откривањето на спомен – плочата на локацијата за споменикот, како најава за неговата изградба. Спомен-плочата на 25 јануари, 2013 година свечено ја открија тогашниот премиер Никола Груевски и индискиот бизнисмен Субрата Рој, кој вети дека на Скопје ќе му подари споменик на Мајка Тереза, од нејзината втора татковина – Индија. Споменикот требаше да го донира компанијата „Сахара Индија“, која е во сопственост на Субрата. Но изградбата на споменикот не почна, Субрата отиде во затвор оти не платил отштета на измамени инвеститори во Индија, па Владата ја презеде обврската со средства од буџетот да го изгради споменикот.
Сумата од 5,5 милиони евра е првична, без вообичаените анекси на договорот. Од досегашната пракса во градењето на објектите од „Скопје 2014“, речиси нема споменик или зграда за кој не е склучен дополнителен договор со кој се зголемила сумата за неговата изградба.
Стартер на тема 26/03/2026 3:17 pm
13 декември 2017
СПОМЕНИКОТ НА МАЈКА ТЕРЕЗА НА ПЛОШТАД ЗАМРЗНАТ ДОДЕКА НЕ СЕ РЕШИ ДАЛИ ЌЕ СЕ ДОГРАДИ ИЛИ ОТСТРАНИ
Споменикот на Мајка Тереза на Плоштадот Македонија во Скопје е во замрзната фаза, додека Министерството за култура не одлучи дали ќе биде дообликуван како објект или ќе се работи на негово отстранување, кажа денес министерот за култура Роберт Алаѓозовски.
Според првичните најави, споменикот требаше да чини 5,5 милиони евра и требаше да биде готов до април годинава. Споменикот го гради „Бетон Скопје“.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013, го најавија проектот отвоарајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври, 2015.
„Во оваа фаза на нејзина изградба, малку пари ќе бидат потребни доколку решиме да ja конзервираме каква што е, вертикален ѕид со бел мермер и конструкција на фонтана. Тоа е веќе исплатено. Доколку решиме да ја конзервираме без сите дополнителни кич елементи кои беа најавени, нема да требаат дополнителни средства. Разговаравме со изведувачот и сите оние кои работи кои беа во проектот, во смисла на бронзени скулптури на ангели и позлата, тоа секако го запревме. Во овој момент композицијата чини околку 2 милиони евра, што е многу помалку од првично замислените средства“, рече Алаѓозовски.
Министерот денес го претстави предлог – буџетот за 2018 година кој изнесува 4 милијарди 268 милиони и 497 илјади денари, односно околу 69 милиони и 406 илјади евра, што претставува зголемување од 4.48 отсто во споредба со лани.
„Нешто над 92 отсто од планираните средства од вкупниот буџет на Министерството се предвидени за финансирање на дејностите од областа на културата, додека околу 8 отсто се предвидени за трошоците на администрацијата на Министерството за култура. Споредено со лани, за трошоците на Министерството годинава предвидовме над 112 милиони денари помалку“, додаде тој.
Најмногу пари ќе се потрошат за сервисирање на обврските за изградбата на Македонската филхармонија, 600 милиони денари или 15 насто од вкупниот буџет за дејностите.
Со овој буџет, рече Алаѓозовски, се става крај на проектот „Скопје 2014“, нема нови штети и товар за буџетот и Министерството се раздолжува за досегашните обврски.
/////////////////////////////////////////////////
12 февруари 2018
АЛАЃОЗОВСКИ ДВА МЕСЕЦА РАЗГОВАРА СО ШИЛЕГОВ И БОГДАНОВИЌ ШТО ДА ПРАВАТ СО СПОМЕНИКОТ НА МАЈКА ТЕРЕЗА
Министерството за култура уште не знае што ќе прави со споменикот на Мајка Тереза, односно дали тој ќе се догради или ќе биде отстранет. Министерот Роберт Алаѓозовски на прашањето на САКАМДАКАЖАМ дали е решено што ќе биде со овој објект кој буквално ја блокира улицата за влез на Плоштад Македонија и почна да го гради неговата претходничка Елизабета Канческа Милевска, вели дека се водат разговори.
„Разговараме со Град Скопје и Општина Центар. Тоа само можам да ви кажам“, ни изјави Алаѓозовски.
На 13 декември минатата година на презентирањето на буџетот на Министерството за култура за 2018 година, министерот Алаѓозовски рече дека споменикот на Мајка Тереза на Плоштадот Македонија во Скопје е во замрзната фаза, додека Министерството за култура не одлучи дали ќе биде дообликуван како објект или ќе се работи на негово отстранување.
Во оваа фаза на нејзина изградба, малку пари ќе бидат потребни доколку решиме да ja конзервираме каква што е, вертикален ѕид со бел мермер и конструкција на фонтана. Тоа е веќе исплатено. Доколку решиме да ја конзервираме без сите дополнителни кич елементи кои беа најавени, нема да требаат дополнителни средства. Разговаравме со изведувачот и сите оние кои работи кои беа во проектот, во смисла на бронзени скулптури на ангели и позлата, тоа секако го запревме. Во овој момент композицијата чини околку 2 милиони евра, што е многу помалку од првично замислените средства“, рече Алаѓозовски.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013, го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври, 2015 и според договорот со изведувачот „Бетон-Скопје“ треба да чини 5,5, милиони евра и треба да биде висок 32 метри.
//////////////////////////////
14 јануари 2019
ВЛАДАТА УШТЕ НЕ ЗНАЕ ШТО ЌЕ ПРАВИ СО СПОМЕНИКОТ НА МАЈКА ТЕРЕЗА, РАБОТНАТА ГРУПА НА МИНИСТЕРСТВО ЗА КУЛТУРА ПРЕДЛАГА ДА СЕ УРНЕ
Уште не е одлучено што ќе се прави со споменикот на Мајка Тереза на Плоштад Македонија, иако речиси година и половина изградбата е стопирана. Извештајот на работната група формирана од Министерството за култура за справување со последиците од проектот „Скопје 2014“ е готов одамна, но Владата не донела одлука дали споменикот ќе се урива или ќе се доградува. Споменикот буквално ја блокира улицата за влез на плоштадот и токму тоа е едно од забелешките кои ги дала работната група во извештајот, по што се предлага тој да биде отстранет.
Мирослав Грчев, координатор на работната група, вели дека изградбата на споменикот на Мајка Тереза е најсурово прекршување на низа закони, правниот поредок и владеењето на правото и тој треба да се отстрани.
„Ако сакате да речете дека ги спроведувате законите, тогаш нема дилема дека тој објект треба да биде отстранет. Се работи за тежок злочин, злоупотреба на јавен простор, тешка кражба и криминал. Споменикот е ставен на место кое ниту една земја, колку и да е фашистичка, нема да го смести. Прекршени се Законот за градба, Закон за споменици, Закон за буџет, Законот за градење и урбанистичко планирање. Очигледно е што треба да се направи“, вели Грчев.
Од Министерството за култура велат дека извештајот е предаден на Владата, која треба да се произнесе за натамошните постапки.
Од Владата ни одговорија дека одлука уште не е донесена, оти станува збор за обемен материјал и во наредниот период ќе се изјаснат за натамошните чекори.
„Извештајот на Министерството за култура за недоизградената скулптурна композиција Мајка Тереза на плоштадот Македонија е пристигнат во Владата на почетокот на ноември 2018 година. Се работи за обемен материјал и Владата ќе донесе одлука во наредниот период во однос на понатамошните чекори за овој објект“, велат од Владата.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври 2015 и според договорот со изведувачот „Бетон-Скопје“ треба да чини 5,5, милиони евра и треба да биде висок 32 метри.
Реагираше Bukefal
Стартер на тема 26/03/2026 4:05 pm
21 февруари 2019
ПОСКАПО Е ДА СЕ УРНЕ СПОМЕНИКОТ НА МАЈКА ТЕРЕЗА ОТКОЛКУ ДА СЕ ПРЕНАМЕНИ, ЗАТОА НЕМА ДА СЕ РУШИ, ВЕЛАТ ОД ВЛАДАТА
Споменикот на Мајка Тереза на плоштадот Македонија нема да се урива оти тоа било поскапо отколку да се пренамени, велат од Владата.
Работната група за „Скопје 2014“ која ја формираше Министерството за култура предложи тој да се урне бидејќи прекршува низа закони, правниот поредок и владеењето на правото. Но, и покрај тоа Владата предводена од СДСМ која додека беше опозиција го критикуваше проектот и го нарекуваше кич и криминален, реши да се распише конкурс за избор на идејно решение за негова пренамена.
„Владата на Република Северна Македонија го задолжи Министерството за култура да спроведе постапка за пренамена на објектот со скулптурална композиција Мајка Тереза согласно со предвидените можни намени во урбанистичката планска документација за предвидената парцела. На јавниот конкурс треба да се предложуваат идејни решенија за пренамена на објектот. Оваа владина одлука е резултат на направените анализи кои што покажаа дека ќе бидат потрошени повеќе пари доколку се урива, во споредба со средствата потребни за пренамена на објектот“, велат од Владата.
Од таму не одговорија на нашето прашањето колку пари ќе бидат потребни за пренамена, а колку за уривање на објектот. Владата не одговори ниту на прашање дали сметаат дека почитувањето на законите кои во овој случај се прекршени и правото на јавен простор, се поважни од парите.
Откако Владата кон почетокот на февруари донесе одлука споменикот на Мајка Тереза да не се урива туку да добие нова намена, оставка од работната група поднесе претседателот на Асоцијацијата на архитекти на Македонија Мартин Пановски.
„Споменикот на Маја Тереза е изграден во пешачки дел на влезот на Плоштадот, таа градба го прекршува Уставот, Законот за урбанистичко планирање и ред други закони. Сметам дека тој споменик треба да се урне, а не да се доградува. Не сакам да бидам алиби од довршување на проекот ‘Скопје 2014’“, изјави за САКАМДАКАЖАМ.МК на 13 февруари Пановски.
Дека споменикот треба да се урне смета и професорот Мирослав Грчев, координатор на работната група за „Скопје 2014“, кој вели дека во овој случај се работи за тежок злочин, злоупотреба на јавен простор, тешка кражба и криминал.
„ Ако сакате да речете дека ги спроведувате законите, тогаш нема дилема дека тој објект треба да биде отстранет. Споменикот е ставен на место кое ниту една земја, колку и да е фашистичка, нема да го смести„, рече Грчев во јануари.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври 2015 и според договорот со изведувачот „Бетон-Скопје“ треба да чини 5,5, милиони евра и треба да биде висок 32 метри.
////////////////////////////////////////////////////
13 јуни 2019
ВЛАДАТА УШТЕ НЕ ЗНАЕ ВО ШТО ЌЕ ГО ПРЕНАМЕНИ СПОМЕНИКОТ НА МАЈКА ТЕРЕЗА КОЈ ГО БЛОКИРА ВЛЕЗОТ НА ПЛОШТАДОТ ВО СКОПЈЕ
Владата уште не знае во што ќе се пренамени споменикот на Мајка Тереза кој го блокира влезот на Плоштадот Македонија, но и понатаму не отстапува од одлуката тој да не се урива. Кон почетокот на февруари, од Владата информираа дека одлучиле споменикот да не се урива оти тоа би било поскапо од доградувањето. Оттогаш поминаа пет месеци, но идејно решение не е избрано.
„За споменикот на Мајка Тереза, Владата донесе одлука да се пренамени. Штом ќе биде избрано идејното решение за овој објект, ќе бидете соодветно информирани“, велат од Владата.
Оттаму не одговорија дали досега стигнале идејни решенија и во што би се пренамени овој објект.
Работната група за „Скопје 2014“, која ја формираше токму Владата преку Министерството за култура, предложи споменикот да се урне бидејќи прекршува низа закони, правниот поредок и владеењето на правото. Но и покрај тоа, Владата предводена од СДСМ која додека беше опозиција го критикуваше проектот и го нарекуваше кич и криминален, реши да го догради.
По одлуката на Владата споменикот на Мајка Тереза да не се урива туку да добие нова намена, оставка од работната група поднесе претседателот на Асоцијацијата на архитекти на Македонија Мартин Пановски.
„Споменикот на Маја Тереза е изграден во пешачки дел на влезот на Плоштадот, таа градба го прекршува Уставот, Законот за урбанистичко планирање и ред други закони. Сметам дека тој споменик треба да се урне, а не да се доградува. Не сакам да бидам алиби од довршување на проекот ‘Скопје 2014’“, изјави за САКАМДАКАЖАМ.МК на 13 февруари Пановски.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде во затвор оти не платил оштета на измамени инвеститори во Индија, Владата на Груевски преку Министерството за култура го презеде проектот. Официјалниот старт на градежните работи беше во октомври 2015 и според договорот со изведувачот „Бетон-Скопје“ треба да чини 5,5 милиони евра и треба да биде висок 32 метри.
///////////////////////////////////////////////////////////////
17 февруари 2020
ВЛАДАТА ЌЕ РАСПИШЕ КОНКУРС ЗА ПРЕНАМЕНА НА СПОМЕНИКОТ НА МАЈКА ТЕРЕЗА, ГРАДОНАЧАЛНИКОТ ШИЛЕГОВ ВЕЛИ ДАЈТЕ МИ ГО И ВЕДНАШ ЌЕ ГО УРНАМ
За недоизградениот 32-метарски споменик на Мајка Тереза, кој го крши Уставот и низа закони бидејќи се наоѓа на пешачки дел за влез на Плоштадот Македонија, Владата и понатаму ја тера постапката да најде начин како тој да не се урне. За бетонската ѕидина наскоро ќе биде распишан конкурс за идејно решение во што да биде пренаменет и што да има на просторот, кој според сите закони треба да е слободен и прооден. Конкурсот треба да се распише овој месец, како резултат на одлуката на Владата споменикот да не се урива, оти тоа ќе било поскапо од пренамена.
Владата донесе ваква одлука и покрај извештајот и препораките на работната група за „Скопје 2014“, која беше формирана токму од Владата. Во препораките на работната група не се спори намената туку тоа дека на тој простор не треба воопшто да има никаков објект оти се прекршуваат низа закони.
На сајтот за јавни набавки, во Планот за јавни набавки на Министерството за култура во месец февруари, стои дека ќе биде распишан конкурс за избор на идејно-архитектонско решение за пренамена на објект со скулптурална композиција во Скопје, кој ќе заврши со доделување награди.
За наредниот период предвиден е предмет на јавна набавка за измена на основен проект во тек на градба. Согласно Законот за јавни набавки, Планот за јавни набавки се поднесува до 31.01 2020 година. Министерството за култура во целост ќе ја следи постапката за јавни набавки. Согласно проектната документација на јавната набавка ќе произлезе и сумата која ќе биде потребна за извршување на истата“, велат од Министертсвото за култура.
Досега, на градежната фирма „Бетон АД Скопје“ за овој објект ѝ се исплатени околу 2 милиони евра. Откако градежните работи беа стопирани додека се одлучи што ќе биде со објектот, договорот со „Бетон“ не беше раскинат.
„Има можности за негово продолжување со реализација, спогодбено раскинување на договорот или еднострано раскинување“, велат од Министертсвото за култура.
И додека од Владата не отстапуваат од идејата да не се урива овој недовршен споменик од проектот „Скопје 2014“ и тече постапката тој да добие нова намена, градоначалникот на Скопје Петре Шилегов смета дека тој треба да се урне. Тој ја повикува Владата ако таа не е спремна тие тоа да го направи, да му го предаде под негова надлежност и тој веднаш ќе го отстрани.
„Споменикот на Мајка Тереза се наоѓа на улица Орце Николов, тоа е вештачко преградување на природниот тек на движењата за влез на плоштадот. Јас лично, како градоначалник побарав од Владата и од Министерството за култура недоизградениот објект да биде доделен на Град Скопје, со цел истиот да биде срушен. За жал, од централната власт за проблемот ‘Скопје 2014‘ досега немаме доволно слух. Град Скопје е единствена институција која имаше отстрането споменик од овој криминален проект. Ако ме прашате мене, лично јас би бил сериозно порадикален во односот кон проектот ‘Скопје 2014‘. За жал, дали во недостаток на време, дали во недостаток на фокус на интерес на централната власт, не наидовме на целосна соработка. Да беше до Град Скопје, досега улицата Орце Николов ќе беше проодна“, вели градоначалникот Шилегов.
Мирослав Грчев, координатор на работната група која донесе одлука тој да се урива, а не да се пренаменува, вели дека изградбата на споменикот на Мајка Тереза е најсурово прекршување на низа закони, правниот поредок и владеењето на правото и тој треба да се отстрани.
„Ако сакате да речете дека ги спроведувате законите, тогаш нема дилема дека тој објект треба да биде отстранет. Се работи за тежок злочин, злоупотреба на јавен простор, тешка кражба и криминал. Споменикот е ставен на место кое ниту една земја, колку и да е фашистичка, нема да го смести. Прекршени се Законот за градба, Закон за споменици, Закон за Буџет, Законот за градење и урбанистичко планирање. Очигледно е што треба да се направи“, кажа Грчев.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.
//////////////////////////////////////////////
26 февруари 2020
СИТЕ ЌЕ ПОДНЕСЕМЕ ПРОЕКТ СПОМЕНИКОТ НА МАЈКА ТЕРЕЗА ДА СЕ ПРЕНАМЕНИ ВО УЛИЦА, ВЕЛИ ПРЕТСЕДАТЕЛОТ НА АСОЦИЈАЦИЈАТА НА АРХИТЕКТИ МАРТИН ПАНОВСКИ
Сите членовите на Асоцијацијата на архитекти на Македонија (ААМ) со ист проект за улица ќе учествуваат на конкурсот на Владата за пренамена на недоградениот споменик на Мајка Тереза во центарот на Скопје. Откако градоначалникот Петре Шилегов минатата недела најави дека на конкурсот ќе учествува со проект за улица, истото го најави и претседателот на Асоцијацијата на архитекти на Македонија Мартин Пановски.
Пановски на трибината организирана од дигиталната редакција САКАМДАКАЖАМ.МК на тема „Граѓанска зелена моќ – влијанието на граѓаните врз зачувување на јавниот интерес при урбанистичкото планирање“, кажа дека споменикот на Мајка Тереза е дивоградба бидејќи сите процедури, не само за него туку и за останатите спомениците од проектот „Скопје 2014“ се прекршени.
„Кога поднесов оставка од работната група за проектот ‘ Скопје 2014‘, бидејќи Владата донесе одлука овој објект да не се урива, како Асоцијацијата решивме дека на конкурсот ќе го повикаме членството да поднесе проект за улица бидејќи споменикот се наоѓа на улица. Споменикот на Мајка Тереза, но и останатите споменици од ‘Скопје 2014‘ се дивоградби бидејќи прекршени се сите процедури од самиот старт со донесување на одлуката за нивно поставување. Никој нема ингеренции освен Собранието да донесе одлука за подигнување споменик. Разочаран сум дека сѐ уште ништо не се кажува. Не ми е проблем да остане ‘Скопје 2014’, проблем ми е дека не се кажуваат работите какви што се – ќе го легализираме ‘Скопје 2014‘“, кажа Пановски.
Откако Владата реши споменикот на Мајка Тереза да се пренамени, Министерството за култура најави дека ќе се распише конкурс за идејно-архитектонско решение за пренамена на објектот, кој ќе заврши со доделување награди. Според планот за јавни набавки на Министерството, конкурсот треба да се распише во февруари.
Градоначалникот Петре Шилегов на трибината јавно ги повика сите архитектите заедно со него да поднесат ист проект за Мајка Тереза да се пренамени во улица, за да се ослободи влезот кон Плоштадот Македонија и да се врати улицата Орце Николов.
„Не знам колку сте на број во Асоцијацијата, ако сте 200, 300 или 500 да дадеме толку решенија кои ќе бидат исти. Барeм 500 пликови нека отвораат тие што ќе го распишат конкурсот. Тоа може да биде и пристисок од јавноста, оти за жал не секогаш институционално ги имаме ингеренциите. Јас искрено сакам да го распишат конкурсот, барем така ќе ги решиме сите дилеми. Ако остане вака ќе ве завлечкаат, те имало градежна дозвола, те немаш дозвола за рушење. Никогаш да не заборавиме дека тие што го креирале ‘Скопје 2014’ се луѓето кои се вработени во институција од која сега бараме да го одврзат чворот што тие го врзале“, рече Шилегов.
/////////////////////////////////////////////
30 јули 2020
СО НОВИОТ ПЛАН ЗА МАЛ РИНГ, „ШПАНСКИ СКАЛИ“ И МАЈКА ТЕРЕЗА ДА СЕ ИЗБРИШАТ, СПОМЕНИЦИТЕ ДА СЕ ДИСЛОЦИРААТ, БАРА РАБОТНАТА ГРУПА ЗА „СКОПЈЕ 2014“
Низа забелешки се поднесени на јавната анкета за Деталниот урбанистички план за Мал Ринг од Работната група за справување со проектот „Скопје 2014“ која беше формирана од Владата на СДСМ по доаѓањето на власт во 2017 година.
Според членовите на Работната група, со измените на планот предложени од раководството на Општина Центар предводено од градоначалникот Саша Богдановиќ не се расчистуваа со проектот „Скопје 2014“ туку му се дава легитимитет. Од работната група бараат маркичките за објектот „Шпански скали“ да се избришат, Мајка Тереза и Портата да се урнат, а сите спомениците да се прикажат во планот дека постојат и во него да се предложат мерки за нивна дислокација. Исто така, се бара на фасадите на дел од зградите во централното градско подрачје кои добија барок изглед да им се врати претходната фасада и да се отстранат галиите во Вардар.
„Наодите до кои е дојдена Работната група, покажуваат дека во сите случаи се работи за тешко прекршување практично на сите позитивни закони што ја уредуваат материјата на подигање на споменици, законите за буџет и јавни набавки, како и законите за просторно и урбанистичко планирање и градење. Во Предлог-детален урбанистички план Градска четврт Ц 01 – Мал Ринг 1, Општина Центар – Скопје, плански период 2019-2024, не постои ниту трага од спомениците, дури ниту во геодетската подлога врз којашто графичките прилози на планот се вцртани, поради што во планот не постојат ниту плански одредби и мерки за решавање на проблемот на незаконските споменици и други градби од т. н. проект ‘Скопје 2014’. Од друга страна, со невцртувањето на постојни градби и споменици во предлог-планот тој станува спротивен на законот, како да е правен на неажурирана геодетска подлога“, велат од Работната група за справување со проектот „Скопје 2014“.
Членовите велат дека во предлог-планот не постојат мерки за враќање на просторот во рамки на со закон утврдениот статус на земјиште за општа употреба, туку со него некои од спомениците се легитимираат така што им се потврдува незаконски формираната градежна парцела на земјиште за општа употреба и со планот им се даваат услови за градење. Со тоа, како што велат од Работната група, и овој план го претвораат во незаконски акт со кој се нарушува уставноста и владеењето на правото.
За да биде планот Мал ринг во согласност со Уставот и законите, како и да се отстранат спомениците и објектите од „Скопје 2014“, Работата група ги доставила следниве забелешки до Општина Центар:
-
Сите споменици што се изградени во планскиот опфат во периодот 2007 – 2016 , како и оние што се во градба, треба да се регистрирани како постојни градби и да бидат во планот нацртани со геодетска линија како дел од постојната состојба и геодетската подлога.
-
Предметните незаконски споменици треба да бидат нумерирани и обележани како постојни споменици во графичкиот дел од планот, додека во текстуалниот дел од планот, во Општите одредби за спроведување, треба да стојат со број и опис, по кој треба да се формулира општата планска одредба дека со планот се предвидува нивно дислоцирање и доведување на јавните површини во првобитна состојба.
-
Забелешките од точките 1 и 2 особено се однесуваат на споменикот на Мајка Тереза и Порта Македонија, кои на најбрутален начин се ставени среде сообраќаен коридор, за коишто спротивно на Устав и закон се формирани градежни парцели на сметка и во земјиште за општа употреба – градска. Овие споменици не смеат да бидат со формирана градежна парцела и услови за градење во предлог-планот, туку само со геодетска линија, како постојна состојба.
-
Под истиот третман мораат да бидат и т. н. „Шпански скали“, со геодетска линија што ја опцртува катастарската парцела на незаконски отуѓената и приватизирана јавна површина. Таму во планот не треба да има ништо друго освен јавна плоштадска површина.
-
За случаите од точките 3 и 4 од овие забелешки, уредувањето на планските одредби со кои во планот се предвидува враќање на статусот на јавната улична површина и нејзино доведување во првобитна состојба, треба да се помести во текстуалниот дел од планот и во Општите и во Посебните одредби за спроведување на планот.
-
Галиите во коритото на реката Вардар треба да бидат обележани (со нумерација и опис во легендата) и за нив во Општите одредби за спроведување на планот треба да се одредат плански одредби за нивно отстранување, поради незаконското градење (без хидротехничка студија што ја докажува нивната безбедност) и поради фактот што драматично ја нарушуваат јавната безбедност и ги зголемуваат ризиците од поплавување и разурнување во центарот на градот. Во Општите одредби за спроведување на планот треба да се уредат мерки за ревизија на сите други објекти во коритото на Вардар, незаконски изградени во предметниот период на реализација на „Скопје 2014“ и отстранување на оние што ги зголемуваат ризиците од плавење како и другите што и пречат на основната функција на коритото или на друг начин се спротивни на законот.
-
Во Општите одредби за спроведување на планот треба да има дел што ќе одреди мерки за враќање на оригиналните фасади на згради што имаат големо значење како културно наследство и високи архитектонски квалитети, како што се зградите на бивша НАМА, ЕВН, МЕПСО.
////////////////////////////////////////////////////////////
3 декември 2020
БОГДАНОВИЌ ЧЕКА МИНИСТЕРКАТА ЗА КУЛТУРА СТЕФОСКА ДА КАЖЕ ШТО ЌЕ СЕ ПРАВИ СО ПОРТАТА И СПОМЕНИКОТ НА МАЈКА ТЕРЕЗА
Општина Центар чека Министерството за култура да каже дали ќе се избришат маркичките за споменикот на Мајка Тереза и Порта Македонија од новиот Детален урбанистички план (ДУП) Мал ринг. Општина Центар, каде се работи на изработка на новиот план, испратила писмо до Министерството официјално да им одговорат каков е нивниот став за овие објекти и што ќе се прави со нив. Градоначалникот Саша Богдановиќ бара министерката Ирена Стефоска да даде став по ова прашање, бидејќи тие објекти се под надлежноста на Министерството за култура.
„Испратени се писма во неколку институции, бидејќи станува збор за комплексен план, не само за одговорности и надлежности на Општината, туку и на државата и на Град Скопје. Очекуваме соодветни одговори од нив за да знаеме како да постапиме со објектите кои не се под наша надлежност, како што се Портата Македонија, споменикот на Мајка Тереза и галиите во Вардар“, вели Богадновиќ, кој се надева дека до крајот на декември ќе ги добијат одговорите, со што планот ќе биде затворен од нивна страна и предаден на одобрување во Град Скопје и Министерството за транспорт и врски.
Во однос на галиите одговор треба да се добие од Град Скопје, за што градоначалникот Петре Шилегов вели дека тој останува на ставот дека тие треба да се избришат и да се урнат, за што е почната постапка. Иако Шилегов најавуваше дека есенва две од трите галии ќе се тргнат од Вардар тие не се чепнати, бидејќи како што објаснува, сè уште траат судските постапки по жалбите на сопствениците.
////////////////////////////////////////////////////////////////////
2 февруари 2021
ЧЕТИРИ ГОДИНИ ВО СДСМ НЕ СЕ НАЈДЕ ЈУНАК ШТО ЌЕ ЈА УРНЕ ДИВОГРАДБАТА НА ГРУЕВСКИ ВО ЦЕНТАРОТ НА СКОПЈЕ
Бетонската дивоградба висока 32 метри која минатата власт на ВМРО-ДПМНЕ замисли да биде споменик на Мајка Тереза, стои нечепната на влезот на Плоштад Македонија. Повеќе од четири години СДСМ е на власт на централно ниво, а над три на локално ниво во Скопје и скопските општини, но никој сè уште нема абер да ја урне грдосијата во центарот на градот.
Архитектите и урбанистите, како и комисијата која ја формираше Владата за справување со проектот „Скопје 2014“, веќе неколку години бараат објектот веднаш да се урне бидејќи се наоѓа на пешачка улица и го крши Уставот и низа закони. Но, никој не ги слуша и дивоградбата си стои на некогашната пешачка улица оградена со скелиња и тараби, при што за пешаците е оставено едвај половина метар простор за движење на едно од најфреквентните места во градот.
Споменикот е под надлежност на Министерството за култура кое почна да го гради во 2013 кога министерка беше Елизабета Канческа-Милевска. Дозволата за градба тогаш ја издало Министерството за транспорт и врски. Но, ниту еден од досегашните министри за култура не почна постапка за уривање, туку топката ја префрлаа во Владата.
Градоначалникот на Општина Центар Саша Богдановиќ каде во моментов се прави Деталниот урбанистички план „Мал ринг“ вели дека Општината нема надлежност да реагира, односно решението за градба треба да го поништи повисок орган, па потоа да се пристапи кон уривање и бришење на маркичката. Тој вели дека за ова прашање имале неколку состаноци во Владата, а наредната недела ќе имаат нов на кој треба да се договори конечно решение.
„Јас сум согласен дека споменикот треба да се тргне. Го утврдивме правниот начин на кој тоа треба да се спроведе, останува само да имаме уште еден координативен состанок со Владата. Имаме правни аргументи дека тој простор не смее да се користи за изградба на било каков објект и тоа е доволно да се поништи решението за градба. Откако ќе се поништи решението тогаш може да се пристапи кон уривање“, вели градоначалникот Саша Богдановиќ.
Владата пред две години одлучи споменикот на Мајка Тереза да не се урива, туку бетонската дивоградба да стои на Плоштадот само да добие нова намена и наложи на Министерството за култура да распиша конкурс за избор за идејно решение. На ваквата одлука остро реагираа од Асоцијацијата на архитекти на Македонија, како и градоначалникот на Скопје Петре Шилегов бидејќи не е спорна намената на објектот, туку тој воопшто не треба да постои. Тие најавија дека на конкурсот ќе учествуваат сите архитекти од Асоцијацијата и сите ќе понудат ист проект, просторот да биде улица. Шилегов побара да му го предадат споменик во негова надлежност и тој ќе го урне. По ова конкурсот не беше објавен, но оттогаш помина една година, а не е донесена одлука ниту за отстранување на споменикот.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.
Стартер на тема 26/03/2026 4:11 pm
19 февруари 2021
ГО СЛУШНАВМЕ ГЛАСОТ НА НАРОДОТ, ПРОЛЕТВА ЌЕ СЕ УРНЕ ДИВОГРАДБАТА НА ПЛОШТАДОТ МАКЕДОНИЈА, РЕЧЕ ЗАЕВ
Пролетва ќе се урне дивоградбата што требаше да биде споменик на Мајка Тереза и која го блокира влезот на Плоштадот Македонија, а која почна да ја гради експремиерот Никола Груевски пред 8 години, најави денеска премиерот Зоран Заев. САКАМДАКАЖАМ.МК денеска го праша премиерот зошто власта на СДСМ четири години дозволува сред центарот на Скопје да стои 32-метарската бетонска дивоградба за која архитектите, урбанистите и граѓаните бараат да се урне оти го крши Уставот и низа закони. Заев одговори дека јасно му е што е барањето на граѓаните, го слушнал гласот на јавноста и верува дека пролетва споменикот ќе го нема и пристапот кон Плоштадот ќе биде слободен.
„Без разлика на желбите на Владата, на премиерот и на другите функционери што можете да направите со нешто за што се потрошени народни пари и е дојдено во состојба во која треба да одлучите дали ќе го отстраните или ќе го продолжите, морате да внимавате и на правните аспекти. После слушање на гласот на граѓани одлуката е јасна и кај нас како Влада и кај Град Скопје, овој објект мора да се отстрани за да може градот да дише. Но, мора да почекаме да завршат правните аспекти бидејќи не можете слушајќи го гласот на народот веднаш да постапувате. Јас верувам дека оваа пролет ќе имаме правно решение за да можеме пролетва да го отстраниме овој објект“, рече Заев кој денеска присуствуваше на почетокот на градежните работи на Град Скопје за реконструкција на Кеј 13 Ноември.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.
////////////////////////////////////////////////////////////////
12 мај 2021
ВЛАСТА НЕМА НАМЕРА ДА ГО УРНЕ СПОМЕНИКОТ НА МАЈКА ТЕРЕЗА КОЈ Е ДИВОГРАДБА И 7 ГОДИНИ ГО БЛОКИРА ВЛЕЗОТ НА ПЛОШТАД МАКЕДОНИЈА
Споменикот на Мајка Тереза на Плоштадот Македонија во Скопје, кој е дивоградба и прекршува низа закони, уште стои нечепнат. Оваа дивоградба ја загрозува и безбедноста, бидејќи е блокиран влезот на Плоштадот. Власта на СДСМ нема абер да ја урне бетонската дивоградба која почна да ја гради експремиерот Никола Груевски, а која архитектите и стучната јавност бараат веднаш да се отстрани.
Премиерот Зоран Заев на 19 февруари на прашање на САКАМДАКАЖАМ.МК кажа дека го чуле гласот на народот и споменикот пролетва ќе се отстрани. Но, од изјавата на Заев поминаа три месеци и не само што споменикот не е урнат, туку постапките за отстранување не се мрднати од место.
Градоначалникот на Општина Центар Саша Богдановиќ признава дека нема никаков напредок во постапките за уривање на споменикот, но вели дека тоа е така бидејќи чекаат документи од Министерството за култура.
„На 26 април, испративме допис до Министерството за култура во кој бараме да ни се достави целокупната документација за овој споменик, кој е всушност нивни проект. Врз основа на таа документација треба да се утврдат прекршувањата за да може споменикот да се урне. До денеска немаме добиено одговор“, вели градоначалникот Саша Богдановиќ.
СДСМ е на власт на централно и на локално ниво четири години и ништо не направи да отстранување на оваа дивоградба. На градоначалниците на Општина Центар Саша Богдановиќ и на Град Скопје Петре Шилегов за 4 месеци ќе им истече мандатот, а дивоградбата која и двајцата остро ја критикуваат и велат дека треба да се отстрани, уште стои.
////////////////////////////////////////////////////////////
10 јули 2021
ВАТИКАН БАРА ДА СЕ ДОГРАДИ СПОМЕНИКОТ НА МАЈКА ТЕРЕЗА НА ПЛОШТАД МАКЕДОНИЈА КОЈ Е ДИВОГРАДБА
Ватикан бара споменикот дивоградба на Мајка Тереза на Плоштадот Македонија во Скопје да се доизгради, а спомен куќата на улица Македонија да биде управувана од Католичката црква. Ова било побарано од претседателот Стево Пендаровски при посетата на Ватикан на 24 Мај, на одбележувањето на Свети Кирил и Методиј.
Од кабинетот на Претседателот за САКАМДАКАЖАМ.МК потврдуваат дека на средбата со државниот секретар на Ватикан Пјетро Пароли биле отворени одредени прашања поврзани со статусот и правата на верниците од католичка вероисповед од земјава, не прецизирајќи што конкретно било побарано.
„По враќањето во земјата претседателот барања на Светата Столица ги пренесе на надлежните институции во државата за натамошно постапување“, велат од кабинетот на претседателот Пендаровски.
Пендаровски за барањата од Ватикан го известил Министерството за надворешни работи од каде што деновиве испратено е писмо до Министерството за култура, Град Скопје и Општина Центар.
„При посетата на претседателот Стево Пендаровски на Светата Столица во рамките на одбележувањето на 24 Мај, од ватиканска страна беа покренати прашања за статусот на меморијалниот споменик на Мајка Тереза во Скопје, како и изградба на светилиште во нејзин спомен. Светата Столица бара меморијалната спомен куќа да биде управувана од Католичката црква (одржување на миси и католички верски обреди) и да се заврши проектот за изградба на светилиште во родниот град“, стои во писмото на МНР.
Од Министерството за култура под чија надлежност е споменикот ги потврдуваат ваквите барања од Ватикан и велат дека предметот е во процес на разгледување и консултации. Од Град Скопје и Општина Центар ни рекоа дека немаат добиено писмо со барањата од Ватикан.
Споменикот на Мајка Тереза прекршува низа закони и ја загрозува безбедноста бидејќи се наоѓа на улица и го блокира влезот на Плоштадот. Кога почна да се гради беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот.
Откако Рој отиде во затвор во Индија оти не платил оштета на измамени инвеститори, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.
Власта на СДСМ која како опозиција жестоко го критикуваше овој проект и вели дека го слуша гласот на народот и стручната јавност пет години не сака да ја отстрани бетонската градба. Постојано се наоѓаат оправдувања дека се чекаат мислења од една и друга институција, дека Општина и Градот не се надлежни и дека Министерството за култура треба да ја донесе одлуката.
Премиерот Зоран Заев на 19 февруари на прашање на САКАМДАКАЖАМ.МК кажа дека го чуле гласот на народот и споменикот пролетва ќе се отстрани. Но, од изјавата на Заев помина половина година и не само што споменикот не е урнат, туку постапките за отстранување не се мрднати од место.
/////////////////////////////////////////////////////////////////////
5 октомври 2021
„БЕТОН“ ГО ТУЖИ МИНИСТЕРСТВОТО ЗА КУЛТУРА ЗА ДОЛГ ЗА СПОМЕНИКОТ НА МАЈКА ТЕРЕЗА, ДИВОГРАДБАТА И ПОНАТАМУ НЕ СЕ УРИВА
Градежната фирма „Бетон“ го тужи Министерството за култура за неисплатени побарувања од околу 4 милиони евра за споменикот на Мајка Тереза во најстрогиот центар на Скопје. Градежната фирма по судски пат си ги бара парите за кои е склучен договорот со мината власт, откако градежните работи на споменикот беа стопирани. Градбата на дивоградбата, која се наоѓа среде улица и го блокира и влезот на Плоштадот Македонија, е стопирана пет години, но власта нема храброст да ја урне и покрај барањата на стручната јавност.
Од Министерството за култура за САКАМДАКАЖАМ.МК потврдуваат дека се води судски спор со АД „Бетон“ за споменикот на Мајка Тереза.
„Од причини што веќе е поведен судски спор, во оваа фаза не може да се прецизира колку финансиски средства и дали Министерството должи на АД ‘Бетон‘. Од реализацијата на договорот настанати се отворени побарувања и на двете договорни страни, односно и Министерството за култура има предјавено свои побарувања. Во судската постапка по завршувањето на спорот од страна на судот ќе биде утврден исходот на постапката“, велат од Министерството за култура.
На нашето прашање зошто уште се дозволува дивоградбата на стои на Плоштадот и не се урива, од Министерството за култура велат дека тие се инвеститори, но Општина Центар има надлежност врз планирањето, дозволите за градење како и прогласување на дивоградби и постапување по нив.
„Сите сме веќе изморени и нервозни од тоа непрестано лоцирање чија е надлежноста и одговорноста. Очигледен е фактот дека споменикот на Мајка Тереза е буквално среде улица. Мислиме дека овој објект треба да биде демонтиран“, велат од Министерството за култура.
////////////////////////////////////////////////////////////
29 јули 2022
СДСМ ЌЕ ГО ДОГРАДИ СПОМЕНИКОТ НА МАЈКА ТЕРЕЗА, ДИВОГРАДБА НА ВМРО-ДПМНЕ ШТО БЛОКИРА ВЛЕЗ НА ПЛОШТАДОТ МАКЕДОНИЈА, НАМЕСТО ДА СЕ УРНЕ ЌЕ ИМА КОНКУРС ЗА НОВ ИЗГЛЕД
Власта на СДСМ ќе го доградува таканаречениот споменик на Мајка Тереза кој е дивоградба, се наоѓа среде улица, го блокира влезот на Плоштадот Македонија и прекршува низа закони.
На прашање на САКАМДАКАЖАМ.МК до министерката за култура Бисера Костадиновска-Стојчевска што се планира со споменикот кој власта од која сега таа е дел 5 години не го чепка, а кога беше опозиција остро го критикуваше, рече дека тој нема да се урива туку единствено решение е да се догради според идеја на стручната јавност.
„Ќе се распише конкурс на кој архитектите ќе можат да предложат решение како тој дел да се уреди и колку што може да се спаси просторот“, рече Костадиновска-Стојчевска не прецизирајќи кога точно ќе биде распишан конкурсот.
За објектите од „Скопје 2014“ меѓу кои и споменикот на Мајка Тереза, Владата на СДСМ по доаѓањето на власт во 2017 формираше работна група. Работната група во извештајот кажа дека оваа бетонска дивоградба треба веднаш да се урне затоа што освен што прекршува низа закони, ја загрозува и безбедноста на Плоштадот.
Но, Владата не го послуша мислењето на стручната јавност и уште пред три години најави дека ќе распише конкурс за идејно решение за доградба на споменикот оти помалку пари ќе се потрошат отколку за уривање. На оваа идеја реагираше стручната јавност па и тогашниот градоначалник Петре Шилегов, кои рекоа ако се распише конкурс ќе го затрупаат Министерството за култура со решенија за уривање на дивоградбата.
По реакциите конкурсот не се објави, па се случи коронакризатата и овој проблем повторно се стави на страна без решение. Сега Владата предводена од СДСМ повтороно ја враќа во игра идејата Плоштадот да се забетонира со бетонско здание и да не може да влезат возила на Брза помош или Пожарна.
////////////////////////////////////////////////////////////
29 јули 2022
НЕ РЕКОВ ДЕКА ЌЕ СЕ ДОГРАДУВА ТУКУ ЌЕ СЕ РАСПИШЕ КОНКУРС ЗА РЕШЕНИЕ ЗА ПРОСТОРОТ, СЕ ДООБЈАСНУВА МИНИСТЕРКАТА ЗА КУЛТУРА ЗА ДИВОГРАДБАТА СПОМЕНИК НА МАЈКА ТЕРЕЗА НА ПЛОШТАДОТ МАКЕДОНИЈА
Министерката за култура Бисера Костадиновска-Стојчевска вели дека не рекла оти ќе се доградува дивоградбата споменик на Мајка Тереза која го блокира влезот на Плоштадот Македонија, туку ќе се распише конкурс за стучната јавност да понуди решение за просторот согласно можностите за пренамена. Но, стручната јавност уште пред 4 години ѝ кажа на Владата дека споменикот треба да се урне.
Во одговорот на новинарското прашање, министерката Костадиновска-Стојчевска во ниту еден момент не изјави дека споменичната скулптура на Мајка Тереза ќе се доградува или ќе се урива. Министерката, во својата изјава, вели дека ќе се распише конкурс со цел стручната јавност да предложи прифатливо решение за овој простор. Решението за иднината на овој објект, всушност, се бара да биде понудено од стручната фела имајќи ги предвид можностите за пренамена во согласност со урбанистичката планска документација за предвидената парцела“, се вели во реакцијата од министерката Костадиновска-Стојчевска.
Стручната јавност за овој споменик кажа дека треба да се урне уште пред три години бидејќи прекршува низа закони, се наоѓа среде улица и го блокира влезот на главниот плоштад во земјава Токму тоа го кажа во својот извештај работната група за проектот „Скопје 2014“ која ја формираше Владата на СДСМ по доаѓањето на власт. Координатор на работната група беше проф. Мирослав Грчев кој во јануари 2019 за САКАМДАКАЖАМ.МК изјави дека изградбата на споменикот на Мајка Тереза е најсурово прекршување на низа закони, правниот поредок и владеењето на правото и тој треба да се отстрани.
„Ако сакате да речете дека ги спроведувате законите, тогаш нема дилема дека тој објект треба да биде отстранет. Се работи за тежок злочин, злоупотреба на јавен простор, тешка кражба и криминал. Споменикот е ставен на место кое ниту една земја, колку и да е фашистичка, нема да го смести. Прекршени се Законот за градба, Закон за споменици, Закон за буџет, Законот за градење и урбанистичко планирање. Очигледно е што треба да се направи“, кажа Грчев.
Но, и покрај ваквиот извештај на работната група, Владата во 2019 одлучи споменикот дивоградба да не се урива туку да се пренамени оти тоа било поевтино. Тогаш од Владата рекоа дека дека ќе распишат конкурс за избор на идејно решение во што да се пренамени дивоградбата.
По ова тогашниот претседател на Асоцијацијата на архитекти Пановски си даде оставка од работната група велејќи дека не сака да е алиби за довршување на проектот „Скопје 2014“.
Архитектите па и тогашниот градоначалник Петре Шилегов исто така реагираа на идејата на Владата да се пренамени објектот и да продолжи да блокира влез на Плоштадот и да ја загрозува безбедноста и рекоа дека на конкурот ќе го затрупаат Министертсвото за култура со решенија за уривање на дивогрдабата и просторот повторно да стане улица.
Влезот на Плоштадот Македонија веќе седма година стои затворен со тараби а меѓу нив се издига бетонската дивоградба. За граѓаните е оставена тесна патека за минување низ тарабите.
Владата на СДСМ е на власт 5 години и буквално ништо не направи да се реши ова прашање кои кога партијата беше во опозиција остро го критикуваа и велеа дека е криминален проект на ВМРО-ДПМНЕ. Редакцијата САКАМДАКАЖАМ.МК изминативе години постојано пишуваше и ги прашуваше надлежните Општина Центар, Град Скопје, Министерство за култура и Владата зошто не преземаат ништо туку напротив дозволуваат сред центар на градот да стои бетонска дивоградба. Секогаш добивавме одговори со префрлање на одговорност од едни на други, а во пракса ништо не направи по ова прашање.
//////////////////////////////////////////////////////
15 јуни 2024
СДСМ 8 ГОДИНИ НЕ ГО УРНА СПОМЕНИКОТ-ДИВОГРАДБА НА МАЈКА ТЕРЕЗА ШТО ГО БЛОКИРА ПЛОШТАДОТ МАКЕДОНИЈА, Ѝ ГО ОСТАВИ НА ВМРО-ДПМНЕ ДА ГО ДОГРАДИ
Осум години споменикот-дивоградба на Мајка Тереза го блокира влезот на Плоштадот Македонија, а Владата на СДСМ која жестоко го критикуваше проектот „Скопје 2014“ додека беше на власт осум години, не го чепна. Споменикот кој почна да се гради во времето на експремиерот Никола Груевски прекршува низа закони, но и покрај тоа не се најде желба и волја кај власта на СДСМ да го отстрани и да го ослободи овој јавен простор, кој и така е затрупан со споменици и градби.
Од Министерството за култура, иако изминативе години имаше најави дека ќе се бара решение за бетонската дивоградба преку распишување на конкурс за негова пренамена, сега велат дека ништо не се презело оти имало судски спорови со изведувачот.
„Судскиот спор помеѓу Министерството за култура со фирмата изведувач, која е во стечај, како и скоро сите фирми кои работеа на објектите од ‘Скопје 2014‘, сѐ уште трае. Тоа го комплицираше преземањето на какви било други понатамошни дејствија врз скулптурална композиција на Мајка Тереза. Немањето правен основ за понатамошно постапување го пролонгираше и објавувањето на Конкурсот за ново идејно решение и намена за градбата на објектот“, велат од Министерството за култура.
За објектите од „Скопје 2014“, меѓу кои е и споменикот на Мајка Тереза, Владата на СДСМ по доаѓањето на власт во 2017 формираше работна група. Работната група во извештајот кажа дека оваа бетонска дивоградба треба веднаш да се урне затоа што освен што прекршува низа закони, ја загрозува и безбедноста на централниот Плоштад во земјава.
Но, Владата не го послуша мислењето на стручната јавност и најави дека ќе распише конкурс за идејно решение за доградба на споменикот оти помалку пари ќе се потрошат отколку за уривање. На оваа идеја реагираше стручната јавност, па и тогашниот градоначалник Петре Шилегов, кои рекоа дека ако се распише конкурс ќе го затрупаат Министерството за култура со решенија за уривање на дивоградбата.
///////////////////////////////////////////////////////////
18 септември 2024
ВЛАДАТА НА ВМРО-ДПМНЕ ЌЕ ГО ДОГРАДИ СПОМЕНИКОТ НА МАЈКА ТЕРЕЗА НА ПЛОШТАДОТ МАКЕДOНИЈА ВО СКОПЈЕ ИАКО Е ДИВОГРАДБА И ЈА ЗАГРОЗУВА БЕБЕДНОСТА
Владата ќе го догради споменикот на Мајка Тереза иако е дивоградба, прекршува низа закони и го блокира влезот на Плоштадот Македонија во центарот на Скопје. Од Министерството за култура и туризам за САКАМДАКАЖАМ.МК велат дека овој објект ќе биде довршен.
„Сè што е оставено од објектите во недовршена фаза и е со уредна документација, ќе биде довршено. Објектот за кој прашувате има уредна документација“, ни одговарија од Министерството за култура и туризам.
За објектите од „Скопје 2014“, меѓу кои е и споменикот на Мајка Тереза, Владата на СДСМ по доаѓањето на власт во 2017 формираше работна група. Работната група во извештајот кажа дека оваа бетонска дивоградба треба веднаш да се урне затоа што освен што прекршува низа закони, ја загрозува и безбедноста на централниот Плоштад во земјава.
За овој објект се води судски спор помеѓу Министерството за култура со фирмата изведувач „Бетон“ која е во стечај.
Владата на СДСМ, која жестоко го критикуваше проектот „Скопје 2014“, додека беше на власт осум години не го чепна овој објект. Споменикот кој почна да се гради во времето на експремиерот Никола Груевски прекршува низа закони, но и покрај тоа не се најде желба и волја кај власта на СДСМ да го отстрани и да го ослободи овој јавен простор, кој и така е затрупан со споменици и градби.
Но, Владата не го послуша мислењето на стручната јавност и најави дека ќе распише конкурс за идејно решение за доградба на споменикот оти помалку пари ќе се потрошат отколку за уривање. На оваа идеја реагираше стручната јавност, па и тогашниот градоначалник Петре Шилегов, кои рекоа дека ако се распише конкурс ќе го затрупаат Министерството за култура со решенија за уривање на дивоградбата. Но, конкурс не беше распишан и сега новата влада на ВМРО-ДПМНЕ ќе го довршува објектот.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен-плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.
Премиерот Христијан Мицкоски пред еден месец најави дека сите недовршени објекти од проектот „Скопје 2014“ ќе се доградат. Рече дека ќе се консултураат архитекти и стручна јавност дали е можно да не бидат во барок како што им беше првичниот проект, оти тој повеќе преферира модерни градби.
Целиот проект „Скопје 2014“, со спомениците, квазибарокните згради и менувањето на фасадите во барок на најзначајните објекти од македонската модерна архитектура што засекогаш го промени ликот на главниот град, чинеше 700 милиони евра.
/////////////////////////////////////////////////////////
6 август 2025
ЌЕ СЕ ДОВРШИ СПОМЕНИКОТ НА МАЈКА ТЕРЕЗА НА ПЛОШТАД МАКЕДОНИЈА КОЈ Е ДИВОГРАДБА, ЉУТКОВ ВЕЛИ ДА СЕ УРНЕ БИ БИЛО ДУПЛО ПОСКАПО
Министерството за култура ќе го доврши споменикот на Мајка Тереза, кој е дивоградба и го блокира влезот на Плоштадот Македонија во најстрогиот центар на Скопје. Министерот за култура Зоран Љутков вели дека како и останатите незавршени објекти и овој споменик ќе се доврши, но не даде детали кога ќе се почне со градежни работи.
„Има еден куп проекти кои што се застанати и наша тенденцијата е сите да се завршат. Рушење од практични причини не е добро, затоа што ќе чини дупло повеќе тоа што до сега е изградено да се сруши отколку да се доизгради“, рече Љутков одговарајќи на прашање на САКАМДАКАЖАМ.МК.
Споменикот на Мајка Тереза е меѓу објектите од озлогласениот проект „Скопје 2014“ за кој Владата на ВМРО-ДПМНЕ на чело со Никола Груевски потроши околу 700 милиони евра. За објектите од „Скопје 2014“ Владата на СДСМ по доаѓањето на власт во 2017 формираше работна група, која во извештајот кажа дека бетонската дивоградба споменик на Мајка Тереза треба веднаш да се урне затоа што освен што прекршува низа закони, ја загрозува и безбедноста на централниот плоштад во земјава.
Владата на СДСМ, која жестоко го критикуваше проектот „Скопје 2014“, додека беше на власт осум години не го чепна овој објект. Споменикот кој почна да се гради во времето на експремиерот Никола Груевски прекршува низа закони, но и покрај тоа не се најде желба и волја кај власта на СДСМ да го отстрани и да го ослободи овој јавен простор, кој и така е затрупан со споменици и градби.
Но, Владата на СДСМ не го послуша мислењето на стручната јавност и најави дека ќе распише конкурс за идејно решение за доградба на споменикот оти помалку пари ќе се потрошат отколку за уривање. На оваа идеја реагираше стручната јавност, па и тогашниот градоначалник Петре Шилегов, кои рекоа дека ако се распише конкурс ќе го затрупаат Министерството за култура со решенија за уривање на дивоградбата. Но, конкурс не беше распишан и сега новата влада на ВМРО-ДПМНЕ ќе го довршува објектот.
Стартер на тема 26/03/2026 4:15 pm
И покрај сите најави и за рушење и за продолжување со градба на ова спомен обележје на терен нема никаква активност.
Оградениот простор е полн со разновиден отпад и застоена вода.
Денешни фотки
Реагираше Bukefal
Стартер на тема 26/05/2026 12:54 pm
ДИВИОТ СПОМЕНИК НА МАЈКА ТЕРЕЗА НА ПЛОШТАДОТ МАКЕДОНИЈА Е ДЕПОНИЈА, 10 ГОДИНИ НИ СЕ УРИВА, НИ СЕ ДОГРАДУВА
Споменикот на Мајка Тереза, кој е дивоградба и го блокира влезот на главниот државен Плоштад Македонија во Скопје, ниту се урива ни се доградува. Десет години стои во најстрогиот центар на Скопје и го попречува движењето, а бидејќи со години нема никави градежни активности сега е обраснат со треви и грмушки, околу се собира ѓубре, а тарабите со кои е заграден се ‘рѓосани.
САКАМДАКАЖАМ.МК прати прашања во Министерството за култура и туризам што ќе се случува со споменикот, но одговор не добивме до објавувањето на текстот.
Министерот за култура Зоран Љутков лани во август, на прашање на САКАМДАКАЖАМ.МК што ќе се прави со објектот за кој стручната јавност рече дека треба да се отстрани, кажа дека како и останатите незавршени објекти и овој споменик ќе се доврши, но не даде детали кога ќе се почне со градежни работи.
„Има еден куп проекти кои што се застанати и наша тенденцијата е сите да се завршат. Рушење од практични причини не е добро, затоа што ќе чини дупло повеќе тоа што до сега е изградено да се сруши отколку да се доизгради“, рече тогаш Љутков.
Споменикот на Мајка Тереза е меѓу објектите од озлогласениот проект „Скопје 2014“ за кој Владата на ВМРО-ДПМНЕ на чело со Никола Груевски потроши околу 700 милиони евра. Официјалниот старт на градежните работи за споменикот беше во октомври 2015, а вредноста на договорот за негова изградба е 5,5, милиони евра.
За објектите од „Скопје 2014“ Владата на СДСМ по доаѓањето на власт во 2017 формираше работна група, која во извештајот кажа дека бетонската дивоградба споменик на Мајка Тереза треба веднаш да се урне затоа што, освен што прекршува низа закони, ја загрозува и безбедноста на централниот плоштад во земјава.
Владата на СДСМ, која жестоко го критикуваше проектот „Скопје 2014“, додека беше на власт осум години не го чепна овој објект. Споменикот кој почна да се гради во времето на експремиерот Никола Груевски прекршува низа закони, но и покрај тоа не се најде желба и волја кај власта на СДСМ да го отстрани и да го ослободи овој јавен простор, кој и така е затрупан со споменици и градби.
Но, Владата на СДСМ не го послуша мислењето на стручната јавност и најави дека ќе распише конкурс за идејно решение за доградба на споменикот оти помалку пари ќе се потрошат отколку за уривање. На оваа идеја реагираше стручната јавност, па и тогашниот градоначалник Петре Шилегов, кои рекоа дека ако се распише конкурс ќе го затрупаат Министерството за култура со решенија за уривање на дивоградбата. Но, конкурс не беше распишан и сега новата влада на ВМРО-ДПМНЕ ќе го довршува објектот.
Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен-плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот.
Реагираше Bukefal