Кон содржината
Градба.мк Градба.мк
Известувања
Исчистете ги сите

Закачено Цени на станови

6 Написи
2 Корисници
2 Реакции
332 Прегледи
stef4o
(@stef4o)
Член Moderator
Се приклучи: пред 9 месеци
Објави: 2836
Стартер на тема   [#1200]

Оваа нишка е наменета за споделување на вести,информации,статистики поврзани со цените на становите во земјава како и цените на недвижностите во земјите од регионот.

 



   
Цитат
Ознаки на тема
stef4o
(@stef4o)
Член Moderator
Се приклучи: пред 9 месеци
Објави: 2836
Стартер на тема  

https://www.instagram.com/tv21_macedonia/



   
ОдговорЦитат
stef4o
(@stef4o)
Член Moderator
Се приклучи: пред 9 месеци
Објави: 2836
Стартер на тема  

Зошто цените на недвижностите продолжуваат да растат?

Цените на недвижностите во Северна Македонија продолжуваат да растат и покрај забележливото намалување на интересот за купување станови. Во Скопје, но и во туристичките центри, каде што секој трет стан зјае празен, цената на квадратен метар веќе надминува 3.000 евра кај дел од најатрактивните новоградби.

Во одредени населби станбениот квадрат рипна толку многу што за многумина купувањето на нов стан станува сериозен финансиски предизвик со кој не можат да се справат.  Тоа го потврдуваат и последните квартални извештаи на Народната банка во кои се наведува дека цените на становите бележат раст од 13,3% на годишно ниво, односно 5,5% на квартално ниво, што укажува на континуиран тренд на поскапување на недвижностите. 

Цените на становите во Скопје достигнуваат рекордни нивоа

Според податоците од Регистарот на цени и закупнини на Агенцијата за катастар на недвижности, за првиот квартал од 2026 година, просечната цена на стан во Скопје достигнала околу 1.266 евра за квадратен метар. Во зависност од општината, цените се движат од околу 828 до 1.735 евра за квадрат, додека кај најатрактивните новоградби во Центар се регистрирани и трансакции близу 3.000 евра за квадратен метар.

Најголем интерес и натаму има за Центар, Карпош, Аеродром и Тафталиџе, каде што новоградбите поставуваат нови ценовни рекорди. Во овие делови од градот, станови кои пред неколку години се продаваа за околу 1.000 евра за квадрат денес достигнуваат цени од 2.000 евра. Ако пред шест-седум години стан од 65 метри квадратни можел да се купи за 50 илјади евра, сега овој имот со ситни поправки може да се продаде и по цена од над 100 илјади евра. 

Во скопската општина Центар во септември 2025 година беше регистрирана една од највисоките цени за продаден стан. Стан од 96 квадратни метри бил продаден за 260.000 евра, односно по цена од 166.563 денари или повеќе од 2.700 евра за квадратен метар.

Дали купувањето е поисплатливо од кирија?

Анализите на платформите за недвижности во Северна Македонија покажуваат дека купувањето стан на долг рок останува поисплатливо од изнајмувањето.

Според пресметките, за период од десет години купувањето е поевтино за околу 36.000 евра во споредба со живеењето под кирија.  Анализите покажуваат дека купувањето станува поисплатливо од изнајмувањето по третата година од користењето на недвижноста.

Зошто цените на недвижностите не запираат?

Силната побарувачка за станови во Скопје, ограничена понуда на атрактивни локации, повисоките трошоци за градежни материјали и работна сила, купувањето станови како инвестиција, но и инфлацијата се посочуваат како  главни причини за континуираниот раст на цените на становите. 

Од партијата Левица сметаат дека растот на цените е резултат на вештачко пумпање на пазарот и недоволна институционална контрола. „Трендот на вештачко пумпање на цените продолжува со уште позабрзано темпо, додека институциите не прават ништо за да ги заштитат граѓаните“, реагираат од партијата.

Според нив, високите цени на недвижностите се случуваат во услови на ниски плати и намалена куповна моќ на голем дел од граѓаните. Затоа сметаат дека е потребна поголема контрола на потеклото на капиталот во градежниот сектор, како и поактивна улога на државата на станбениот пазар. Според партијата, Јавното претпријатие за стопанисување со станбен и деловен простор треба да започне со поинтензивна изградба на станови со цел да се зголеми понудата и да се намалат цените.

Евростат: Различни трендови на пазарот на недвижности во Европа

Податоците на Евростат покажуваат дека пазарот на станбени недвижности во Европската Унија се движи со различно темпо во земјите-членки. Додека дел од државите бележат раст на продажбата, други се соочуваат со значителен пад на бројот на трансакции.

Во првиот квартал од 2026 година најголем пад на продажбата е регистриран во Хрватска, каде што бројот на продадени станбени единици е намален за 42,2 проценти во однос на истиот период лани. Следуваат Бугарија со пад од 18,5 проценти и Финска со 11,8 проценти. Од друга страна, најголем раст е забележан во Кипар, каде што продажбата пораснала за 13,6 проценти, додека Данска бележи раст од 8,4 проценти.

https://www.dw.com/mk/stanot-stanuva-luksuz-kvadratot-rusi-rekordi-graganite-ostanuvaat-kiradii/a-77902510



   
ОдговорЦитат
stef4o
(@stef4o)
Член Moderator
Се приклучи: пред 9 месеци
Објави: 2836
Стартер на тема  

Колку вреди вашиот стан во Скопје?

Погледнете ги проценетите огласени цени на становите во 19 скопски населби – од најевтините до најскапите.

https://www.instagram.com/tv21_macedonia/



   
ОдговорЦитат
stef4o
(@stef4o)
Член Moderator
Се приклучи: пред 9 месеци
Објави: 2836
Стартер на тема  

Се лади ли пазарот на недвижности? Продажбата на станови падна за 14 отсто, но изнајмувањето бележи вистински бум

По периодот на голема активност на пазарот на недвижности, најновите податоци од Катастарот покажуваат интересен пресврт. Во третиот квартал од 2026 година бројот на продадени станови се намалил за 14 проценти, додека бројот на станови што се издаваат под закуп пораснал за дури 45 проценти. Иако на пазарот на недвижности и понатаму се вртат стотици милиони евра, податоците покажуваат дека купопродажбите ја губат динамиката од претходниот период.

Според најновите информации на Агенцијата за катастар на недвижности, во периодот од јули до септември годинава во земјава биле регистрирани вкупно 7.679 трансакции со недвижности, што претставува намалување од 8,2 проценти во споредба со вториот квартал.

Намалувањето е особено изразено кај купопродажбите, чиј број се намалил за 12,1 процент. Од друга страна, бројот на склучени договори за закуп се зголемил за 2,8 проценти.

Ваквите движења покажуваат дека пазарот на недвижности во Македонија и понатаму е активен, но дека двата негови главни сегмента се движат во различни насоки.

За три месеци во недвижности се свртеле 339 милиони евра
И покрај намалениот број трансакции, финансиската вредност на пазарот на недвижности останува значителна.

Во третиот квартал вкупната регистрирана вредност на трансакциите изнесувала 339 милиони евра, што е за 3,6 проценти помалку во споредба со претходните три месеци.

Најголемиот дел од оваа сума, односно 337,8 милиони евра, се однесува на купопродажби на недвижности, додека регистрираната вредност на закупите изнесува 1,1 милион евра.

Кај купопродажбите финансиската вредност е намалена за 3,6 проценти, додека кај закупите е забележан пад од 10,2 проценти.

Интересно е што вкупната вредност на купопродажбите се намалила значително помалку од нивниот број. Додека бројот на склучени купопродажби паднал за 12,1 процент, финансиската вредност е намалена за само 3,6 проценти.

Ова укажува дека просечната вредност по регистрирана купопродажба е повисока отколку во претходниот квартал. Сепак, тоа не значи автоматски дека пораснале цените на недвижностите, бидејќи врз просечната вредност влијае и видот, големината и локацијата на продадените имоти.

Се продаваат помалку станови, но дали тоа значи дека цените паѓаат?
Особено внимание привлекуваат податоците за станбениот пазар.

Според Катастарот, бројот на продадени станови во третиот квартал е намален за 14 проценти, додека нивната вкупна финансиска вредност паднала за шест проценти во споредба со вториот квартал.

Тоа значи дека не само што се склучуваат помалку договори за продажба на станови, туку се намалува и вкупниот износ на пари што се реализира преку овие трансакции.

Но, овде се наметнува и прашањето што веројатно најмногу ги интересира граѓаните кои планираат да купат стан: дали намалениот број продажби е најава за пад на цените?

Самите податоци за бројот и вкупната вредност на трансакциите не се доволни за таков заклучок.

Напротив, фактот што бројот на продадени станови се намалил за 14 проценти, а нивната вкупна вредност за шест проценти, укажува на повисока просечна вредност по продаден стан.

Сепак, за да се утврди дали цените навистина растат или паѓаат, потребно е да се споредат постигнатите цени по квадратен метар, како и структурата на продадените станови по општини и површина.

Затоа, засега може да се констатира дека има намалување на активноста на пазарот на станови, но не и дека станбените квадратни метри поевтиниле.

Изнајмувањето станови во силен раст – 45 проценти повеќе договори
Додека продажбата на станови забавува, пазарот на изнајмување бележи сосема поинакви движења.

Во третиот квартал бројот на станови дадени под закуп пораснал за дури 45 проценти во споредба со претходниот квартал.

Истовремено, вкупниот месечен износ на закупнините за станови се зголемил за 31 процент.

Овие бројки покажуваат значително зголемена активност во сегментот на изнајмување станови.

Меѓутоа, има еден интересен детал: бројот на договорите за закуп на станови растел побрзо од нивната вкупна месечна закупнина.

Тоа значи дека просечната закупнина по регистриран договор за стан, пресметана од овие два показатели, е пониска отколку во вториот квартал.

Сепак, и во овој случај треба да се има предвид дека податоците не покажуваат дали станува збор за исти видови станови, со споредлива површина и на исти локации.

Зголемената активност може да се должи на повеќе фактори, вклучувајќи сезонски движења, поголема понуда на станови за изнајмување или променети потреби на граѓаните. Но, Катастарот во објавените податоци не наведува конкретна причина за растот.

Повеќе договори за закуп, но помала вкупна вредност на пазарот
Интересно е што, и покрај силниот раст на закупите на станови, вкупната регистрирана вредност на закупите на сите видови недвижности е намалена за 10,2 проценти.

Ова значи дека движењата во станбениот сегмент не се идентични со оние на целиот пазар на закуп.

Додека кај становите има раст и на бројот на договорите и на вкупниот месечен износ на закупнините, кај закупот на сите видови недвижности вкупната финансиска вредност бележи пад.

Од Агенцијата за катастар на недвижности оценуваат дека пазарот покажува различни движења во двата сегмента.

„Нашата оценка е дека пазарот покажува различни движења во двата сегмента – намалена активност кај купопродажбите и умерен раст кај закупите по бројот на договори, но намалување на вкупната месечна закупнина“, соопштуваат од Катастарот.

Дали купувачите стануваат повнимателни?
Податоците за третиот квартал покажуваат забавување на купопродажбите, особено на становите, но не даваат конечен одговор дали станува збор за привремено сезонско намалување или за почеток на подолгорочен тренд.

Едно од можните објаснувања е дека дел од потенцијалните купувачи ги одложуваат своите одлуки за купување, но за ваквата претпоставка би биле потребни дополнителни податоци за побарувачката, станбените кредити и цените.

Од друга страна, зголемувањето на бројот на договори за закуп покажува дека во овој сегмент има поголема регистрирана активност.

https://faktor.mk/se-ladi-li-pazarot-na-nedviznosti-prodazbata-na-stanovi-padna-za-14-otsto-no-iznajmuvanjeto-belezi-vistinski-bum



   
ОдговорЦитат
(@necapereca995)
Нов член
Се приклучи: пред 4 дена
Објави: 2
 

Реално, ако бројот на продадени станови падне за 14%, а издавањето скокне за 45%, делува како луѓето масовно да го одложуваат купувањето. Што ви делува поверојатно дека цените барем малку ќе се смират ако продолжи ваквиот тренд, или и понатаму ќе одат нагоре поради новоградбите и трошоците? 🤔 



   
ОдговорЦитат
Сподели: