Известувања
Исчистете ги сите
Комерцијални
17
Написи
4
Корисници
33
Реакции
8
Прегледи
Стартер на тема 23/03/2026 3:57 pm
19 март, 2026
Pepco влегува на македонскиот пазар, првите продавници во Скопје од јуни
Европскиот дисконтер Pepco најави влез на пазарот во Северна Македонија, при што првите продавници ќе бидат отворени во Скопје во јуни годинава.
Од компанијата информираат дека проширувањето во земјава е дел од нивната поширока стратегија за раст, која вклучува отворање нови продавници на постојните и на нови пазари.
„Северна Македонија веќе некое време е дел од нашата стратегија за експанзија. Влегувањето на овој пазар е природен следен чекор, имајќи ја предвид нашата силна позиција во Централна и Источна Европа и во соседните земји“, изјави Марцин Станко, оперативен директор на Pepco за регионот на ЦИЕ.
Pepco веќе е присутен во неколку земји од регионот, меѓу кои Србија, Бугарија, Грција, Хрватска, Словенија, Романија и Босна и Херцеговина, а со влезот во Северна Македонија дополнително ја зајакнува својата регионална мрежа.
Групацијата Pepco, со седиште во Лондон и регистрирана во Холандија, управува со повеќе од 4.000 продавници во 18 европски земји, а во своето портфолио ги има брендовите Pepco, Dealz и Poundland.
[ https://bankarstvo.mk/pepco-влегува-на-македонскиот-пазар-првит/ ]
Реагираше Bukefal
Стартер на тема 26/03/2026 9:05 am
Во јуни се отвораат првите продавници, Македонија станува дел од европската шопинг мапа на Пепко
Скопје наскоро ќе добие нова шопинг дестинација – паневропскиот дисконтен синџир Pepco најави влез на македонскиот пазар, при што првите продавници ќе бидат отворени во јуни 2026 година.
Со ова, Македонија станува 19-та европска дестинација на брендот, кој веќе повеќе од две децении гради силно присуство низ континентот. Влезот на Pepco не се гледа само како нова инвестиција, туку и како сигнал за зголемена конкуренција и нови стандарди во сегментот на достапна мода и производи за домаќинство.
Компанијата е препознатлива по својот модел на работа – комбинација на тренди производи, функционалност и ниски цени, што ја прави особено привлечна за семејствата. Понудата опфаќа облека, покуќнина, декорации и практични производи за секојдневна употреба.
– Северна Македонија веќе извесно време е на нашата мапа за експанзија. Ова е природен чекор во нашиот развој, особено по силното присуство во регионот – изјави Марцин Станко, главен оперативен директор за Централна и Источна Европа.
Тој потенцира дека целта на компанијата е да им понуди на потрошувачите квалитетни производи по најдобри цени, преку лесно достапни продавници.
Pepco моментално управува со повеќе од 4.000 продавници во 18 европски земји и опслужува над 36 милиони потрошувачи месечно. Компанијата бележи силен раст, особено во Централна и Источна Европа, каде што гледа простор за дополнителна експанзија.
Влезот на македонскиот пазар е дел од пошироката стратегија на групацијата за ширење на нови пазари, со фокус на ценовна достапност и брз поврат на инвестициите.
Со најавеното отворање во јуни, Скопје ќе стане нова точка на европската мрежа на Pepco, а граѓаните ќе добијат уште една опција за поволно и практично купување.
Реагираше Bukefal
01/05/2026 4:36 pm
Isto taka Pepco ke go ima i vo Mega Shopping Park Gevgelija
https://megashoppingpark.com.mk/brands/pepco-mk/
06/05/2026 7:18 pm
Pepco doagja vo Ohrid i Struga ( najverovatno vo Ohrid Mall i Nabizi retail park )
19/05/2026 9:38 am
Pepco otvora svoj prodavnici i vo Prilep i Kumanovo
18/06/2026 2:59 pm
Европскиот дисконтен синџир „Пепко“ и официјално влезе на македонскиот пазар со отворање на првите две продавници во земјава, лоцирани во трговските центри „Капитол мол“ и „Рамстор мол“ во Скопје. Со овој чекор, Македонија станува 19. европска држава во која е присутен брендот, кој важи за еден од најбрзорастечките малопродажни синџири во Европа.
Свеченото отворање беше одбележано со прес-конференција на која присуствуваа високи претставници на компанијата, претставници од локалната власт, дипломатски претставници и гости од јавниот живот. Меѓу присутните беа: Хорхе Герваси, главен оперативен директор на „Пепко“ за Јужна, Централна, Источна и Западна Европа; Богдан Григориу, регионален директор за операции; градоначалникот на Општина Аеродром, Дејан Митески, како и амбасадорот на Полска во Македонија, Мариуш М. Бримора.
Од компанијата истакнаа дека отворањето на првите два продажни објекти претставува само почеток на нивното присуство во земјава. На прес-конференцијата беше соопштено дека веќе се потврдени нови инвестиции и отворање на продавници во Охрид и во Струга, со што почнува пошироката експанзија на брендот на македонскиот пазар.
– Пепко“ е изграден врз идејата да понуди квалитетни производи по достапни цени и да го подобри секојдневниот живот на семејствата. Со повеќе од 4.000 продавници низ Европа и со околу 36 милиони потрошувачи месечно, нашата цел е квалитетот да биде достапен за секое домаќинство – изјави Хорхе Герваси.
Според раководството на компанијата, влезот на македонскиот пазар ќе придонесе за зголемена конкуренција во секторот на малопродажба, отворање нови работни места и понуда на поширок избор за потрошувачите.
– Горди сме што Македонија е нашиот 19. пазар во Европа. Покрај денешното отворање во Скопје, веќе работиме на нови локации во Охрид и во Струга. Нашата стратегија е долгорочно присуство, развој на локални тимови и градење доверба со потрошувачите – нагласи Богдан Григориу.
На настанот присуствуваа и претставници на „СОС Детско село“, што, како што посочија од компанијата, претставува дел од нивната заложба за општествена одговорност и за поддршка на локалните заедници.
„Пепко“ е водечки паневропски дисконтен синџир за разновидни производи со над 4.000 продавници во 18 земји, кој нуди облека за целото семејство, како и покуќнина и играчки по исклучително привлечни цени. Основана пред 22 години во Полска, компанијата денес е дел од „Пепко груп“. „Пепко“ во моментов вработува над 32.000 луѓе и опслужува 36 милиони потрошувачи месечно.
( vecer press )
02/07/2026 5:18 pm
Pepco е сега и во Охрид и Струга. 💙
Ги отворивме нашите продавници во Охрид мол и Дуа мол и среќни сме што сме уште поблиску до вас.
Од облека за целото семејство до производи за домот и секојдневни неопходни работи, сè ве очекува на едно место, по цени во кои ќе уживате.
За среќа, тука е Pepco!
Страница 1 / 2
Следно