Градба.мк форум - Последни теми

🚧Хотел Исра-Чаир

stef4o — Mon, 26 Oct 2026 17:25:34 +0000

Отворам нишка за хотелот кој се гради во склоп на комплексот Премиум Резиденс во Чаир.

Во прилог фотки од текот на изградбата на карабината

https://www.facebook.com/konkrit.ko/

Нов пристапен пат - обиколница на Попова Шапка

dck — Sun, 25 Oct 2026 18:58:22 +0000

Тема за новиот 4-километарски пристапен пат (обиколница) до Попова Шапка.

Патот е во изградба од 2024, и кога ќе биде завршен ќе формира еден кружен тек околу викенд населбата што би помогнало при олеснување на протокот на возила, особено за време на скијачката сезона.

Најнови вести за овој пат доаѓаат директно од градоначалникот на Тетово, Биљал Касами, кој на 17 септември 2026 објави на својата Фејсбук страница видео од работата на патот, со следниов опис:

Интензивно се работи на отворањето на новата обиколница Лисец – Попова Шапка, за да биде подготвена за новата зимска сезона!

Со години граѓаните се соочуваа со колони, хаос и недостиг од конкретни решенија. Денес работиме овие проблеми да ги оставиме зад нас.

Со конкретна работа создаваме инфраструктура која им служи на Тетово, граѓаните и развојот на Попова Шапка!

Железницата низ фотографии

Skopje — Fri, 23 Oct 2026 09:50:41 +0000

Ова нека биде место каде ќе објавуваме фотографии од железницата, домашна и од странство.

🚧 DANUBE RIVERSIDE-Belgrade

stef4o — Tue, 20 Oct 2026 17:01:40 +0000

ПОДНЕТ ЗАХТЕВ за грађевиску доозолу за комплекс на месту бившег хотела ,,Југославија

Луксузни хотел ће имати више од 190 соба, стамбена кула висока 155 мeтара ће имати 42, пословна кула 34 спрата, а испред ће се налазити марина и уређено шетелиште.

Пројекат ће имати око 240.000 квадратних метара бруто развијене грађевинске површине

https://beogradske.rs/zatrazena-gradjevinska-dozvola-za-kompleks-na-mestu-jugoslavije/

Искуства со инвеститори(општо)

stef4o — Wed, 14 Oct 2026 16:00:33 +0000

Оваа нишка може да се користи за споделување на мислења и коментари поврзани со инвеститори/градежни компании во однос на нивни изведени објекти или објекти во градба од аспект на квалитет,почитување на рокови и слично.

📢 Тунел под Кале

ivan_s — Fri, 09 Oct 2026 12:51:06 +0000

Само да потсетам на еден проект во Скопје за кој пред-предходната администрација на градот почна некакви активности, тунелот под Кале. Имаше некакви студии, некакви анализи, проекти, можда и нешто се чепна во насока на експропријација, нем баш некој аархива да се најде по интернет.

Постојат повеќе причини за негова реализација:

1. Ова е од суштинско значење за растеретување на секојднените гужви на Пластичарска, Цветан Димов, Мавровка, Стоковна Куќа Мост.

2. Воедно е потребен, и е последната непробиена врска од формирањето на Големиот Ринг на булевари околу центарот на градот.

3. Според Google анализите за типичен сообраќај, најблиску до ПГДС податоци кои во Македонија не се јавно достапни, проектите кои се изведуваат во Скопје апсолутно се најпотребните на градот. Тоа со што се занимаваат градските власти последниве 3/4 администрации (особено Коце, Шилегов,..., Орце) некако постапуваат согласно приоритетите на градот, само темпото е дискутабилно.

Од мапава се гледа дека најголеми гужви во градот се: Момин Поток, Пластичарска/Цветан Димов, Бриколаж, Лимак/Диамонд. Спрема тоа се реализираат или проектираат најпотребните проекти: Клучката Момин Поток, мост Ќерамидница, мост Вардариште, Тунел под Лимак/Диамонд.

Ама тоа што не се прави е Тунелот под Кале. Тоа ќе остане најголемиот и најприоритететн сообраќаен проблем на Скопје уште долги години ако не се пристапи кон изведба на проектот.

https://i.ibb.co/nMtwV9Jn/tpk03.jpg

https://i.ibb.co/V0jHQ2VM/tpk02.jpg

https://i.ibb.co/WpB7q9vd/tpk01.jpg

https://i.ibb.co/xSTLxypy/tunel-pod-kale-foto-grad-skopje.png

Губење на плодната почва

phenomenon — Thu, 08 Oct 2026 17:04:28 +0000

Почвата ја забележуваме дури кога ќе почнеме да ја губиме

Човекот секојдневно оди по неа, гради врз неа и се храни од неа, но ретко ја гледа како природно богатство. Почвата е речиси невидлива во јавните дебати. За водата зборуваме кога има суша. За воздухот – кога загадувањето станува неподносливо. За шумите – кога ќе избувне пожар.

За почвата најчесто молчиме, а токму таа е основата врз која се потпираат земјоделството, производството на храна, шумите и цели природни екосистеми. Самото создавање на неколку сантиметри плоден почвен слој може да бара стотици години. Затоа почвата практично се смета за необновлив ресурс во временските рамки на еден човечки живот.

https://panoptikum.mk/pocvite-vo-makedonija-klima-erozija-plodnost/

Во Северна Македонија, дури 33,7% од почвата е зафатена со неприфатливи процеси на ерозија, а 28% е ранлива на опустинување. Тоа значи дека деградацијата на почвата веќе не е далечна еколошка закана, туку процес кој директно влијае врз земјоделството, безбедноста на храната, водните ресурси и економскиот развој.

https://kumanovonews.mk/vesti/drzavava-ja-gubi-plodnata-pocva-krajno-vreme-e-za-sistemska-zastita?fbclid=IwY2xjawU0qvRleHRuA2FlbQIxMQBwZG9mAXNydGMGYXBwX2lkEDIyMjAzOTE3ODgyMDA4OTIAAR55LW76Ee0B1YQJlNRNqlBIh6zALtKkeqCc_rITxTCDnz3IwpUVZYmtlT8bxA_aem_O6xtNEXUceciEPBRD0w6NQ

Парк Жена Борец

stef4o — Tue, 06 Oct 2026 16:44:07 +0000

ФОТО | Ќе се подновува Жена парк, сите стари клупи завршија на куп

Во паркот „Жена борец“ денеска се извадени сите постоечки клупи и корпи за отпадоци, со што всушност започнува реконструкцијата на паркот која неодамна ја најави градоначалникот Орце Ѓорѓиевски.

Тој на последната седница на Советот на Град Скопје, која се одржа во четвртокот, на 1 октомври, посочи дека неделава ќе започне целосна обнова на Жена парк, поради лошата состојба во која моментално се наоѓа.

Знаете каква е таму состојбата и на патеките, хидрантската мрежа не е целосно покриена, од кај ГТЦ има некои делови кои ќе треба да ги средиме, скалите лошо изгледаат наспроти ресторанот „Национал“. Таму ќе влеземе во фаза на темелна реконструкција, нови патеки, партерно уредување, нови клупи ќе поставиме, а и канти за отпадоци нема доволно – рече градоначалникот.

Погледнете како изгледаше денеска во Жена парк.

https://www.slobodenpecat.mk/foto-kje-se-podnovuva-zhena-park-site-stari-klupi-zavrshija-na-kup/

Бит-пазар

stef4o — Tue, 06 Oct 2026 16:27:06 +0000

ФОТО | Урнати старите тезги на Бит-пазар

Просторот на кој до неодамна беа поставени овие тезги е приватно земјиште, во сопственост на фирмата „Поливерзум“ од Сарај, која патем од пред неколку месеци стана најголемиот акционер во хотелско-угостителската компанија „Македонија турист“.

Во неделата започна уривањето на старите тезги на Бит-пазар во Чаир, каде веќе три дена градежни возила го собираат шутот и остатоците од отстранетите продажни објекти.

Просторот на кој до неодамна беа поставени овие тезги е приватно земјиште, во сопственост на фирмата „Поливерзум“ од Сарај, која пред неколку месеци се проби во јавноста откако стана најголемиот акционер во хотелско-угостителската компанија „Македонија турист“. Оваа скопска фирма е основана пред шест години и е во сопственост на Баки Ајдин.

Во близина на овие тезги, Град Скопје во заедничка акција со уште неколку институции и инспекторати, минатата неделаги отстранијасите импровизирани тезги на потегот од Бит-пазар кон „Мавровка“, запленија 500 килограми храна и најавија казни за нелегалните препродавачи.

До објавувањето на овој текст, од Општина Чаир не излегоа со соопштение и детали за овој настан.

https://www.slobodenpecat.mk/foto-urnati-starite-tezgi-na-bit-pazar/

Тунел под плоштад

ivan_s — Tue, 06 Oct 2026 12:32:46 +0000

Во оваа тема ќе се обидам да дадам кратко објаснување за еден планиран проект во Скопје, многу одамна внесен во ГУП-от на градот, но никогаш сериозно не се пристапило кон негова изведба.

Денес имаме ситуација да двата најголеми, најдолги и најшироки булевари во градот, Партизански Одреди и К.Ј.Питу па понатаму Јане Сандански, и двата да завршуваат во слепо. Партизанска завршува во објектот Тифани кај Телеком, К.Ј. Питу во тревникот кај НБРМ. Овие два булевара формираат една целина која никогаш не е оформена до крај. Во Скопје се планирани два големи коридори исток-запад, настрана од најголемиот оригинално планираниот Јужен Булевар кој требаше да биде автопат низ сред град. Тоа е друга тема како таа идеја е тотално напуштена, и како неколку придружни коридори од помал профил, како Теодосиј Гологанов во склоп со Првомајска и Трета Македонска Бригада кои среднорочно треба да глумат Јужен Булевар, ама никогаш нема да го заменат.

Ќе се вратам на основниот фокус на оваа тема, тунелот под плоштад, но уште малку за големата слика па пополека ќе зумнеме према насловот на темата. Тоа се двата градски коридора кои треба да го поврзат градот на релација исток-запад. Горниот таков коридор го формираат Булеварите Илинден, па Булевар Годе Делчев и Булевар АСНОМ. И за тој коридор иако ќе остане уште многу додека да биде целосно завршен, во делот на западната половина од Булеварот Илинден преку Вардар покрај Лепенец до обиколница, сепак во централниот дел на градот коридорот е скоро во фото-финиш. Експропријацијата оди добро во Ќерамидница, видлив е крајот.

https://i.ibb.co/k6s5dnbb/koridori-sk-iztok-zapad.jpg

Но што правиме со другиот коридор кој е предмет на оваа тема. Дали некогаш како град ќе го формираме до крај коридорот?! Постоеше еден обид пред 10-тина години во пакет со озогласениот проект Скопје 2014 да се протне и некаква псеудо-верзија од овој тунел, и тоа со видоизменети крајни точки. Требаше да почнува од кај Пошта, покрај кеј, па до Веро. Од горната слика каде што се скицирани коридорите се гледа колку таа идеја е погрешна.

Наводно Тифани го има загрозено проектот, па други згради по трасата, па комплексот што се гради сега карши Холидеј Инн, ама ниедно од тие тврдења не е точно до крај дека сигурно го загрозува проектот. Низ свет се пробиваат метро системи и тоа испод стари градови, каде нема ни сеизмички стандарди запазено, а не па под новоизградено Скопје. Апсолутно мислам дека е можно како град да влеземе во реализација на овој проект и тоа плус да добиеме уште еден плоштад во Скопје.

Па така, тунелот би требало да понира малку порано на Партизанска уште кај Соборна. Раскрсницата кај Соборна да биде денивелирана, а над нејзе да добиеме нов плоштад Свети Климент Охридски.

Западен влез/излез:
https://i.ibb.co/wjwMmcL/pl-kl-oh-01.jpg

Источен влез/излез:
https://i.ibb.co/7xzb3HFy/raskrs-nbrm-1.jpg

Дополнителна добивка од ваквиот план, е тоа што под плоштадот во иднина може да се оформи централна автобуска станица, и за сегашните градски автобуси и за идното БРТ без разлика дали тоа некогаш ќе се изведе. Најблиското нешто што Скопје може да го добие што е ќе изгледа приближно на метро, БРТ станица во долг тунел.