Изградбата на брзата железничка врска меѓу центарот на Скопје и Меѓународниот аеродром во Петровец треба да започне напролет, најави вицепремиерот и министер за транспорт Александар Николоски.

Првата делница ќе ги поврзе Новата железничка станица и аеродромскиот терминал, а патувањето ќе трае од осум до 11 минути.

Проектот е дел од поширок план за развој на скопскиот градски железнички превоз. Предвидена е нова постојка во Кисела Вода, кај населбата „11 Октомври – бараки“, како и подобро усогласување на возовите со линиите на ЈСП и поставување велосипедски постојки.

https://nacionalno.mk/brz-voz-do-aerodromot-za-8-do-11-minuti-izgradbata-pochnuva-naprolet/

Според првиот човек на Градот, Орце Ѓорѓиевски, проектот предвидува кружен тек со две сообраќајни ленти и челичен мост со должина од 110 метри. Вкупната должина на новото булеварско решение, заедно со кружниот тек и со мостот, изнесува 1.172 метри.

– Од двете страни ќе бидат изградени велосипедски и пешачки патеки, како и тактилни патеки за слепите и за слабовидните лица – истакна Ѓорѓиевски и додаде дека со оваа инвестиција ќе се обезбедат ново и директно сообраќајно поврзување меѓу Сарај и Ѓорче Петров, полесно и побезбедно движење, подобра сообраќајна поврзаност и нова развојна перспектива за целиот западен дел на Скопје. И додека се најавува уредување на западната порта на градот, граѓаните од источниот дел, поточно од страната на Гази Баба, реагираат дека се заборавени иако, како што велат, најголемиот метеж е на влезот на Скопје на источната страна

Од страната на Сарај, Скопје ќе добие нов, современо уреден влез. Скопскиот градоначалник, Орце Ѓорѓиевски, информираше дека станува збор за значаен капитален проект што ќе ја поврзе Општина Сарај со Ѓорче Петров.

Според првиот човек на Градот, проектот предвидува кружен тек со две сообраќајни ленти и челичен мост со должина од 110 метри.

Вкупната должина на новото булеварско решение, заедно со кружниот тек и со мостот, изнесува 1.172 метри.

– Од двете страни ќе бидат изградени велосипедски и пешачки патеки, како и тактилни патеки за слепите и за слабовидните лица. Создаваме современа, безбедна и целосно пристапна инфраструктура наменета за возачите, велосипедистите,  пешаците, за сите граѓани подеднакво – истакна Ѓорѓиевски.

Тој додаде дека со оваа инвестиција ќе се обезбедат ново и директно сообраќајно поврзување меѓу Сарај и Ѓорче Петров, полесно и побезбедно движење, подобра сообраќајна поврзаност и нова развојна перспектива за целиот западен дел на Скопје.

– Нема повеќе заборавени населби, запоставени општини и поделби на важни и на помалку важни граѓани. За нас, Скопје е една целина и секој негов дел заслужува еднаква грижа, современа инфраструктура и вистински развој – нагласи градскиот татко.

Средствата се обезбедени со ребалансот на буџетот, кој беше донесен на последната седница на Советот на Град Скопје, за што во Развојната програма се предвидени 420 милиони денари.

И додека се најавува уредување на западната порта на градот, граѓаните од источниот дел, поточно од страната на Гази Баба, реагираат дека се заборавени.

– Сведоци сме дека сиве овие години од функционирањето на локалната самоуправа Општина Гази Баба, и покрај тоа што придонесува со најголем буџет во градот, се инвестира најмалку. Со вчерашниот ребаланс на буџетот, повторно Гази Баба извиси – коментираат „зелените“ од Гази Баба.

На профилот на градоначалникот на Град Скопје, граѓанин коментира дека најголемиот метеж на влезот на Скопје е на источната страна, а се гради мост и кружен тек во Сарај и прашува: „Кај ви е логиката?“

– Имате изработено техничка документација за нов мост Аеродром – Гази Баба во јули 2024 година, за кој Градот платил 180 илјади евра. Не го започнувате овој проект. Ветувате проширување на „Александар Македонски“ со трета лента, овој дел е закочен од сообраќај 12 часа на ден, метеж од влезот на Скопје до семафорот во Автокоманда, кој, патем, треба да е кружен тек, ни тоа не го почнувате. Најверните гласачи, веројатно, се од Гази Баба и за нив само ветувања – му се обраќа граѓанин на скопскиот градоначалник.

Инаку, со ребалансот, градската каса дополнително е зголемена со 61,76 милиони денари, со што основниот буџет на Град Скопје достигнува 5.324.649.755 денари.

Според Ѓорѓиевски, тоа е резултат на остварените заштеди, финансиската дисциплина и на кратењето на непродуктивните трошоци.

Притоа, со ребалансот на буџетот се обезбедени и нови 61 милион денари за европската престолнина на културата – Скопје 2028, дополнителни средства за онколошките пациенти, за нови клупи и столчиња, ИТ-опрема, училишни кабинети, игралишта, фитнес-зони, како и средства за ски-викенд за средношколците по успешната реализација на бесплатниот летен камп. Потоа, обезбедени се нови 25 милиони денари за реконструкција на помалите улици во скопските општини и 10 милиони денари за чистење на депониите.

– Истовремено, додека ги зголемуваме буџетот и инвестициите, ги намалуваме наследените обврски. За само девет месеци, вкупните обврски на Град Скопје, јавните претпријатија, културните установи и на средните училишта ги намаливме за 60,2 милиони евра – нагласи Ѓорѓиевски.

Тој вели дека значително се намалени обврските и во сите јавни претпријатија, половина од културните установи се целосно раздолжени, а кај другите, обврските се значително намалени.

https://www.vecer.press/so-most-i-kruzhen-tek-ke-se-povrzat-saraj-i-gorche-petrov/

Не сум сигурен дали ќе се врши рушење и чистење на старата зграда сопственост на ВАТО ДОО(маркичка 2.4) или се работи за маркичка 2.3 сопственост на ДРУШТВО ЗА ГРАДЕЖНИШТВО, ИНЖИНЕРИНГ, ТРГОВИЈА И УСЛУГИ ОМЕГА БИЛДИНГ ДООЕЛ СКОПЈЕ(на паркингот имаше коли со штипски регистрации а фирмава е поврзана со бивши Бетон Штип па поверојатно е да се работи за оваа маркичка).

Во ДУП и за двете парцели стои намена Б4(П+10) што би значело изградба на објект за деловна намена,но сепак можно е да испадне на крај нешто станбено-деловно со компатибилна намена на земјиштето.

На терен е почнато со чистење на високите треви и грмушки и околчување на парцелата која долго време беше депонија и див паркинг.Веројатно следниов период ќе следи оградување на локацијата.

На нишкава и дадов првично вакво име па ќе видиме понатаму за што проект станува збор маркичката е доста голема и со поспецифична форма.

Во прилог краток преглед на локацијата,извадок од ДУП и мои фотки правени деновиве од локацијата 

Состојба на терен 

https://srbija2027.gov.rs/expo-2027

Од мини-депонија до трговски центар – ова е планот за просторот кај поранешниот дом Ранка Милановиќ, каде со години стои распадната зграда затрупана со смет, а во неа покрив над глава се уште бараат дваесетина семејства, објави Телма.

„Согласно актуелниот ДУП намената кај поранешниот дом Ранка Милановиќ е В1 – средно образование, така е и според ДУП кој е во изработка. Во изработката на новиот ГУП на Град Скопје бараме ова земјиште да има намена Б – комерцијални – деловни објекти. Ова барање произлегува од тоа што целиот простор околу поранешниот дом прерасна во комплекс на трговски објекти“, изјавиле од општина Гази Баба за телевизијата.

Додека Општината бара земјиштето од образовна да добие комерцијална намена и на локацијата да никне деловен објект, односно трговски центар, од Министерството за труд и социјала најавија дека семејствата ќе бидат сместени на друга локација. Според податоците од Министерството, таму сега живеат околу 70 до 80 лица, за кои планот е да се згрижат во Чичино село.

„Во моментов се обезбедуваат и дополнителни сместувачки капацитети во Чичино Село, каде што ќе бидат згрижени лицата од Ранка Милановиќ, со цел да им се обезбедат посоодветни услови за сместување и грижа. По завршувањето на овие активности и по создавањето на потребните урбанистички предуслови, ќе може да се пристапи кон следната фаза на трансформација на локацијата“, изјавија од таму.

https://fokus.mk/trgovski-tsentar-ke-nikne-na-mestoto-kaj-ruiniraniot-dom-ranka-milanovik/